1 Korint 7:14 - Kanasi

¹⁴ Tane mo nata waimompa, ipawa badawa sumanaisiawaia manainapa mampee God emawe kakaiwa segalen. Deawaa, apana sumanailala manainapa sumanaisiawaia nata awodea waimompa i sa ipa badawa mampee God emawe kakaiwa segalen. Naita mai epe segalepona mo obampu do miramiraua mai God mampea, dia, tane mo inau ba mambu sumanaibu mampee obampu God emawe kakaibu seganton.

1 Korint 7:14 Iomraidhean Croise

Aposel 10:23

Mo benema sa Pita mampe waieno dialeno me mo natadea banlamono duwa odane me warewa rua waimoie itunton. Imonemba Pita a baiwa puraiwawa otamone Konelias waaubamona do a baiwantoio Pita sumanai sosowa isiwa Iopa bedewe wanwanlala me do antopua baiwa mampe wimoiena. Ita waaubalala sa Pita sosowa do banlamone Konelias mampe antoiena. Konelias waaubamona apanawa Pita sosowa do banlamone antoie tadinaleno into ituntoiena. Imonemba mo antoie Sisaria bedewe wimoiena. Tane Konelias gombawa ita sosowa isiwa nisomono me mampe wimonatue Pita anuwa waimoie.

Paul letawa sumanailala Rom bedewe waimoia mampo girumalena 11:16

Ius apanawa dewau ema insena: Mo bured moawa ainapune God wanei, sa ipa bured ududupa God mampea kakaiwa. Naita ia waapa kakaiwa God mampea, sa ipa ia sa ragapa do God mampea kakaiwa. Epe rua Iuswa nosinosiu ipa God mampea, sa baiwa Ius apanawa uduudu ipa God mebaawa kakaibu.

1 Korint 7:13

Deawaa, i badawa sumanaisiawaia nata waimoi ita menasadia manainapa nata waimompa, ema bedewe i mai badawa wapiaubepio alepi, dia.

Taitus 1:15

Apana mida dodomana euda os wandia me mampe dewa uduudu eubu os, mai anaanawa da wineipona, dia. Tane apana mai sumanailala ita duba dewawa mo bedeuwo winedia, mo mampo mai dewa euwa da wineipona. Tane mo insaisau ita nuau ipa dubaidalen.