1 Korint 5:9 - Kanasi

⁹ Ne letana da bauta e manlawo girumantene wanaaubena. Leta sa bedewe e dialena e mai sumanai sosola ninalala do deaitonuna, emonaiana.

1 Korint 5:9 Iomraidhean Croise

1 Korint 5:10

Ne mai mo mida God atensiawaia umanau wape dialepona, dia. Mo ipa ninalala, anaanata dewawa dewalala, poilala, do god lagawaau sumanaibulala. Tane ne mo umanau wape dialepono e apana uaraia mai do deaitapona. E epe dewaitapono, sa ipa e tawo emawo wampona bolawa dia, ipawa mo bola uduudu bedewe waimoituwade.

1 Korint 5:2

E kadi ema baiwa nuapareidaitipe God mampe malaitipe saitipona. Tane e di wankoaitilana. E sola kadi dewasadia bedelawo wadapaaubepono nosepe nambelepona, tane e mai dewasapona, dia! E onape di nuaeuitile asola wailana.

2 Korint 6:14

E sumanailala mai duba apanawa dewau rebareba bedeuwoitane do nolaitonuna, ipawa e ipa mai mo do dea! Ambi epe dewasano segalepi? Wanwan dodomana kiokiowa nata mai deantopue nolantopua rua, dia. Ambi sapa dubawa nata nolau deaidalepi? Mai inta da wineipona, diaida!

2 Korint 6:17

Sa baiwa Tatamba God wane wanase, “Duba apanawa emone nambeitane mo dewau rebareba mai bedeweitane dewasana, dia. Mai dewa miramiraua mampeitane dewasana, ena. Epe dewaitonuna ne e otalepe mainawolepa.”

Epesus 5:11

E mai kadi dewawa daitada ipusiawaia duba apanawa dewasaia bedeweitana, diaida! Tane e mo kadiu wasabamosane wanase, “Dima e dewamoilana ipa kadiwa.” Dima mo weregainta dewamoia ipa malawalaida, mai wataa rua.

2 Tesalonaika 3:14

Naita mida no waeuwamba leta ema bedewe ituite dialeitana mai etepie ruawalepia, me ewanadoe enaiana, mai do deaitana. Epe dewasano me ewepie malalepi.

2 Tesalonaika 3:6

Sumanai sosomba, e bedelawo sosola isiwa nola etedabuantoie di waimoie, ita do no waeuwamba e dialetana mai eteipe ruawantoipona, dia. Sa baiwa no Tatamba Iesu Keriso ebowe badowa dialeitana mo mida epe dewantoia emona, mai do deaitana, dia.