1 Korint 14:39 - Kanasi

³⁹ Sumanai sosona, ne gagalona ema wana baiwa aiana ruawaitana. Nuala uduudu mampe God insaisawa Aleu kakaiwa dialepio benemaitana baiwaidaitonuna. Ita do mai mida aia da nambea mai atenlala mampe gagalolempo anaanasana, dia.

1 Korint 14:39 Iomraidhean Croise

1 Korint 12:31

Tane e nuala uduudu mampe Aleu kakaiwa amonawa debamauida baiwaitonuna.

1 Korint 13:2

Naita God ne Aleu kakaiwa amonawa neapona God gagalowa atenteipe apana mampo benemantipona, tane nuawadawada mainawo dia, nolana sa dewamoipona ipa ipasiawaia. Naita God insaisawa uduudu weregala ne atenteapona ita do God gagalowa atentapatuwapona, tane nuawadawada bedenawo dia, nolana sa dewamoipona ipasiawaia. Ita naita Aleu kakaiwa sauneipono dewa badowa apana mai dewamoipona rua ne dewamoipona, ita ne wadi diape waponase, “Riaite, nambe enaa!” ita me ruanalepona, tane nuawadawada mainawo dia, nolana sa dewasaipona ipa ipasiawaia.

1 Korint 14:1

Nuawadawadaida intawa baiwaitane asiasi aitonuna. Do Aleu kakaiwa amonawa daitada nuala uduudu mampe banumone dommona. Tane amona ema bedeuwo dea bautaa, sa ipa e God insaisawa Aleu kakaiwa dialedia rua benemawa baiwa banusana.

1 Korint 14:3

Tane me mida God insaisawa Aleu kakaiwa diedio rua wadia, me ipa sumanai sosowa mampo gagaloleide. Ema bedewee me sosowa wasaumodie nuau badosade ita muka wanamode sumanaibu bedewe badowa enompaa baiwa.

1 Korint 14:38

Me mida waeuwana ema mai wadepie mampesapia God do mai me wadepie mampesapi, diaida.

1 Korint 14:5

Ne insaisana ipa e uduudu aia da nambea, mai apana da ipawaida atenleipona, amonawa wadapona. Tane ne menaidanedia e God insaisawa Aleu kakaiwa dialempo benemaitonuna amonawa wadana, ipawa amona sa ipa debamawaida, mai me mida aia da nambea amonawa wadene wadia rua. Tane me mida aia da nambea mampe gagalolempa ekelesia saumopia rua. Naita me meba ba apana da me amonawa wadena rua gagalo sa ipawaida wapie sabamosapio ekelesia atentopua, sa ipa ide.

1 Tesalonaika 5:20

Ekelesia bedelawo apana da Aleu kakaiwa dima diepio rua benemalempa mai aiawa etadabuasane ena.