1 Korint 13:10 - Kanasi

¹⁰ Uba ita tawo sanaalempo God atemba moawa tauma atentena ita do God insaisawa wadenitudena moawa os tauma atentitana mai gagalowa wawala, eidasato dialepi, ipawa no walama sawo ema uduudu atentatatuwapi.

1 Korint 13:10 Iomraidhean Croise

1 Korint 13:11

Dima umanau ne wamona tauma ne neba waeuwana mampe waeuwadewasalepo ateitana. Ne oto kerauda wainedine insaisantedina ba gagalontedina ipa oto kerauda rua. Tane debamantedina walamawe oto kerauda dewawa eidasana, mai dewamopona rua. Deawaa nola ba dewa isiwa tauma dewamoitana eidamota, ando mai dewamotaa rua, dia.

1 Korint 13:12

No garasi emawa gapugapuleidie kadileidia bedewe nainimba waiwa os eweitana, mai uduudu eweipatuwaipona, dia. Deawaa, no God umanawa tauma mai atendewaidantipona, dia, moawa kerauda os atentitana. Tane ando God ibuwaida ewata. Ita God no atenidanedia ruawa ando me atenidasata.

1 Korint 13:9

Walama ema bedewe God atemba mai atentipatuwaipona, dia, tane moawa os atentitana. Deawaa, God insaisawa wadenitudena tauma mai atentipatuwaipona, dia, tane Aleu kakaiwa mainimbo moawa os sabamosadio atentite benemawantitana.

Pilipai 3:12

Ne mai waiponase, “Ne ompa osowe winen, ba aitamana sapaidanten.” Sa dia! Tane ne ideita weuwadine antedina Iesu Keriso dima baiwa ne wadanene mampenena ipawaida donsape wadapaa baiwa.