1 Korint 12:4 - Kanasi

⁴ Apana sumanailala Aleu kakaiwa bedeuwolene wandia amona daitada otamoiena mampe nolantoi. Tane amona sa uduudu Aleu kakaiwa dea os mampe nanaleidie wanamode.

1 Korint 12:4 Iomraidhean Croise

1 Korint 12:1

Ne menanedia e Aleu kakaiwa amonawa enaledia nolawa ateitonune wanlempa. Sa baiwa ne gagalowanteapo e atendewaitana.

1 Korint 12:28

Ita me ekelesiawa bedewe God apana deadea nolauwonolauwo wanamon. Bauta me sumanailala isiwa aposel nolawa wanamona ekelesia bumpa uwaantompaa baiwa, wawe apana isiwa peroweta nolawa wanamona God insaisawa benemantompaa baiwa. Ema aupe God apana isiwa teamona Gagalo euda ipawaida waeuwantompaa baiwa. Tane da ginasa dewawa daitada dewamompaa baiwa amonau wanamon, ita isiwa amonau wanamona kerolala inamompaa baiwa. Da amonau ipa sosou isiwa nuaparelala saumompa, ita isiwa onionia nolawa wanamon. Tane apana isiwa God amonau wanamona aia daitada wampe God ebowa wadaposisampaa baiwa.

1 Korint 12:5

Sumanailala nolau amonawa daitada mampe simbiantoie nolantoi, tane mo Tatau dea os simbiasai.

1 Korint 7:7

Ne nebaida insaisana ipa apana uduudu ne di wainedina rua waimoipona. Tane apana deadea amonauwoamonauwo God mampe wadeiena. Apana isiwa nainaintopue ioto do awodea waimompaa baiwa, tane da di waimompaa baiwa amonau wadeiena.

Epesus 4:11

Keriso amonawa daitada apanawa wanamodio mampe nolantoi. Mo isiwa aposeliwa, isiwa perowetawa, isiwa Gagalo euda amonalala, do isiwa ekelesia onionialala, ita isiwa waeuwa apanawa teamon.

Ibru 2:4

Tane do God ina gagalowa ema dewa mukamukaua daitada ita eueuwa isiwa dewamona mampe ipawanasan. Ita do Aleu kakaiwa amonawa apana deadea mampo me insaisawa rua wanamona mampe me gagalowa ulaipawanasan.

1 Pita 4:10

Sumanailala deadea God mo amonau daitada me nolawa baiwa wanamon. Onionia apanawa euda rua God amonawa e wadalana mampe eda sauitonune simbiaitonuna.