Zefania 3:9 - Baibuli Ekibono kya Katonda 2014

⁹ “Bwenebwene mu kiseera ekyo nja kukyusa abantu abamaghanga goonagoona basabenga nze zenka, era bampeerezenga n'omwoyo mulala.

Zefania 3:9 Iomraidhean Croise

Amainhama 11:1

Mu mainhama ensi yoonayoona yali n'olulimi lulala, n'endhogera ndala.

Amainhama 4:26

Sethi yeena yaazaala omwana mulenzi, yaamutuuma eriina Enoshi. Mu biseera ebyo abantu mwe baasookera okusabanga Musengwa Katonda mu liina lye.

Zabbuli 113:3

Eriina lya Musengwa Katonda lisaakibwe okuva endhuba y'eva okutuuka y'egwa.

Zabbuli 22:27

Okuva ku ndhuyi dhoonadhoona edh'ensi amaghanga galiidhukira Musengwa Katonda. Galikyuka gaira y'ali; ebika byonabyona birimusinza;

Isaia 19:18

Olunaku olwo bwe lulituuka, abantu balyogera olulimi Olukanaani mu bibuga bya Misiri bitaanu, era baalayira mu liina lya Musengwa Katonda Afuga Amagye. Ekibuga ekindi ku ebyo balikyeta, Ekibuga ky'Endhuba.

Isaia 57:19

Nze Musengwa Katonda nkoba nti ninze ndeetera abantu ab'okumpi n'eghala okuba mu miraala. Era ninze ndiwonia abantu bange.

Isaia 6:7

Kyansiinha ku munwa n'eryanda eryo nga kikoba kiti: “Eryanda lino nga bwe likusiinhie ku munwa, omusango gukutooleibwaku, n'ebibi byo bisoniyiibwa.”

Yeremia 16:19

Wo Musengwa Katonda, niiwe amaani gange era niiwe onkuuma; niiwe onhamba mu biseera ebizibu. Amaghanga galiva mu buli nsonda y'ensi, gaidha y'oli, gaakoba gati: “Badhaadha baife tibaali na Katonda, aye baali na bisinzibwa ebitali Katonda, ebintu obuntu ebiziramu muganhulo naire.

Ezekieli 37:17

Emiigo egyo gite ghalala, ogigemere mu mukono mulala ng'oti guli mwigo mulala.

Habakkuku 2:14

Aye ensi eja kwidhula abantu abaidhi ekitiisa kya Musengwa Katonda ng'oti n'enhandha bw'eidhula amaadhi.

Zefania 2:11

Musengwa Katonda oyo aja kubatiisa inho ekibitiriire. Bwenebwene emisambwa gyonagyona aja kugifuula ebintu ebiziramu kantu, era olwo buli ighanga lirisinza mwene nga liri mu kiketezo kyalyo.

Zekaria 14:9

Agho Musengwa Katonda n'aliba Kyabazinga ow'ensi yoonayoona, abantu boonaboona baamusinzanga nga ni Musengwa Katonda yenka ye baidhi.

Zekaria 2:11

Mu kiseera ekyo, abantu abamaghanga kamaala baliidha ye Musengwa Katonda baafuuka bantu be. Musengwa Katonda alibanga ghalala n'imwe, era imwe mulimanha nga oyo n'eyantuma ye muli.

Matayo 12:35

Omuntu omulungi, ku birungi by'abiika kw'atoola ebirungi, n'omuntu omubi, ku bibi by'abiika kw'atoola ebibi.

Ab'Efeso 4:29

Eminwa gyaimwe girobenga kwogera bibono bitasaana, aye gyogerenga ebyo byonka ebikalamu ebizimba era ebisaine, bisobole okuleetera ababiwulira emikisa.

Okwolekebwa 11:15

Agho malaika owomusanvu yaafuuwa eigwala lye. Ghaabaagho amamiro mu igulu nga gakoba gati: “Obwakyabazinga obw'ensi bufuuse bwa Musengwa waife era bwa Kurisito: aidha kufuganga ebyanda n'ebyanda.”