Zefania 3:7 - Baibuli Ekibono kya Katonda 2014

⁷ Naadhuuba nti abantu bange banantya era baaganha okugololwa ensobi dhaibwe. Era naadhuuba nti tibaidha kwerabira ebyo byonabyona bye nababonerezaamu. Aye beeyongera bweyongere okukola ebikolwa ebibi.”

Zefania 3:7 Iomraidhean Croise

Amainhama 6:12

Katonda yaalingirira ensi, yaabona ng'eidhwire obubi, kuba obulamu obw'abantu boonaboona bwali bwidhwire kukola bibi byereere.

2 Ebyomubyanda 33:11

Kale Musengwa Katonda oyo yaaleeta abaduumizi b'eigye lya kyabazinga ow'e Assiria baalumba Buyudaaya, baagema Manasse n'ebyuma ebiri ng'oti malobo era baamusiba ku ndhegere edh'ekyuma ky'ekikomo, baamutwala e Babilonia.

Yobu 36:10

Aigula amatu gaibwe, bawulire by'abalabula, era yaabalagira okuva mu bibi byaibwe.

Zabbuli 32:8

Musengwa Katonda ankoba ati: “Ndidha kukugalagiranga era nkwegerese ensambo ey'okwebisaamu, era ndidha kukulagiriranga nga nkulabirira.

Ensambo 19:20

Bw'owulirisa amagezi agakugheebwa era n'oganha okugalagirwa, olwo olifuna amagezi mu biseera eby'omu maiso.

Isaia 5:4

Kiki ekindi kye nali n'okukolera eisamba lyange eryo, kye ntaalikolera? Lwaki bwe nasuubira eisamba eryo okubaza emizabbibu emirungi, ate lyabaza bwa gikaagha ng'oti gya mu nsiko?

Isaia 63:8

Musengwa Katonda yakoba ati: “Bwenebwene bano bantu bange, abataja kunguyaguya.” Kale ni yaaba Omulokozi waibwe.

Yeremia 17:23

Aye badhaadha baibwe baaloba kumpulirisa waire okugondera bye nabalagira, beeyongera bwa kukalangusa myoyo gyaibwe na butenda kugalagirwa.

Yeremia 25:5

abaabakobanga bati, ‘Buli muntu alekere okukola ebibi era akyuse empisa dhe embi. Memale olwo musigale nga muli mu nsi Musengwa Katonda ye yabagha, imwe ni badhaadha baimwe, ebenga yaimwe ku bwaimwe.

Yeremia 36:3

Oba katyo abantu b'omu Buyudaaya bwe baliwulira ku kuzikirira okwo kwonakwona kwe ndi kutegeka okubasindikira, balikyuka baava mu mpisa dhaibwe embi. Olwo naabasonigha olw'obubi bwaibwe n'ebibi bye bakola.”

Yeremia 38:17

Agho naamukobera nti: “Musengwa Katonda Afuga Amagye, Katonda wa Isiraeli, akoba ati, ‘Bwoneeghaayo eri abakungu ba kyabazinga w'e Babilonia, tibaja kukwita, n'ekibuga kino tibaja kukyokya muliro. Baja kukuleka iwe n'ab'omu maka go musigale nga mukaali balamu.

Yeremia 6:8

Imwe ab'e Yerusalemu, mweizeemu ku magezi, oba ti n'ekyo ndidha kubalekulira agho, n'ekibuga kyaimwe kisigale agho kityo nga kiri bwa bifulukwa byereere, era nga kiziramu muntu waire.”

Yeremia 7:7

Olwo ndidha kubaleka mubenga mu nsi eno ye nagha eira badhaadha baimwe, ebe yaibwe byanda na byanda.

Yeremia 8:6

Nafaayo inho okubawulirisa, aye ghaabulagho ayogera ekituufu. Ghazira muntu yeeneniaku lwa bibi bye, n'akoba ati, ‘Kiki kino kye nkoze?’ Buli muntu agema bwa ngira ye, yaasimba busimbe ng'oti n'embalaasi eri kweyuna mu lutalo.

Hosea 9:9

Beeyonoine inho ng'oti bwe beeyonoona e Gibea. mu biseera ebyabita. Aye Katonda talyerabira bibi byaimwe, alibabonereza olw'okwonoona kwaimwe.

Zefania 3:2

Kizira muntu ye kiwulirisa era tikiganha kugololwa mu nsobi dhaakyo. Tikyesiga Musengwa Katonda, era tikisaba Katonda waakyo oyo akibeere.

Amateeka Agokubiri 4:16

mwekuume mulobe kwonoona nga mwekolera ekisinzibwa ekitali Katonda eky'ensambo yoonayoona, ekifaanana ng'oti musaadha oba mukazi,

1 Timotheo 1:5

Mu kiragiro kino tugendereramu okuleetagho okugonza okusimuka mu mwoyo omunaabuufu ogutansalira musango, n'okwikiriza okuziramu buguya.

2 Petero 3:9

Musengwa talwisaagho kutuukiriza kye yasuubiza ng'oti n'abandi bwe balowooza. Aye abaguminkiriza kuba tayenda naire muntu mulala ati kuzikirizibwa. Ayenda abantu boonaboona beenenie, bave mu bibi byaibwe.