Zefania 3:2 - Baibuli Ekibono kya Katonda 2014

² Kizira muntu ye kiwulirisa era tikiganha kugololwa mu nsobi dhaakyo. Tikyesiga Musengwa Katonda, era tikisaba Katonda waakyo oyo akibeere.

Zefania 3:2 Iomraidhean Croise

Nehemia 9:26

Aye abantu bo abo baakudheemera, baalobanga kukuwulira, baava ku Mateeka go. Baita abalanzi bo abaabalabulanga okubakyusa baire y'oli. Baakola ebintu kamaala ebikuvumagania.

Zabbuli 10:4

Omukozi w'ebibi nga bwe yeebona nga wa ghaigulu, tatwala Musengwa Katonda ng'ekikulu. Mu by'akola byonabyona talaadha Katonda.

Zabbuli 50:17

Timwenda kugalagirwa, era bye mbakoba mubisuula bw'ere.

Zabbuli 73:28

Aye nze nkibona nga kikalamu inho okuba ni Katonda, era nasalagho Musengwa Katonda abe omukuumi wange, olwo nkoberenga abantu byonabyona by'akola.

Zabbuli 78:22

kuba tibamwikiriza, waire okwesiga amaani ge agawonia.

Ensambo 1:7

Omuntu okuba n'obumanhi, asooka na kutya Musengwa Katonda. Abasiru banhooma amagezi era tibenda kugalagirwa.

Ensambo 5:12

Olirira ng'okoba oti: “Kale lwaki nalobanga okugalagirwa? Era lwaki nanhoomereranga okunenezebwa?

Isaia 1:5

Iwe Buyudaaya, lwaki oyongera okuba omudheemu otyo? Oyenda bongere okukubonereza? Omutwe gwo gwonagwona gwidhwire bibwa byereere, n'omwoyo gwo gwazirika.

Isaia 29:13

Agho Musengwa Katonda yaakoba ati: “Abantu bano baidha ye ndi bantaamu ekitiisa mu bibono bubono, aye ng'emyoyo gyaibwe gindi ghala. Ensinza ye bansinzaamu ejiira ku ndhegeresa na mateeka abantu bye bataagho, ni babigema obugeme mu mitwe gyaibwe ng'oti nkusu.

Isaia 31:1

Bakagwireku abo abaja e Misiri okufunayo obuyambi, abeesiga embalaasi dhaayo, ni beesiga n'abavuzi baadho olw'okuba ab'amaani, era ni beesiga n'ebigaali byayo eby'omu lutalo olw'okuba ebingi einho. Aye ni baaloba okwesiga Musengwa Katonda Omutukuvu wa Isiraeli, waire okumwebuuzaaku abayambe!

Isaia 43:22

Musengwa Katonda akoba ati: “Aye imwe Abaisiraeli baidhukulu ba Yakobo, nze mwamala mwaneesinwa bwesinwe, mwaloba okunsinza.

Isaia 9:12

Abasiria baliva e buvandhuba n'Abafilisiti baava e bugwandhuba, baayasamya eminwa gyaibwe okumira Isiraeli. Aye waire ng'ebyo bimaze okubaagho, obusungu bwa Musengwa Katonda oyo bulisigala nga bukaaligho. Era alisigala ng'akaagalwire omukono gwe okubabonereza.

Yeremia 13:25

Musengwa Katonda oyo akobye ati ekyo n'ekija okubatuukaku. Ekyo ky'asazeegho okubakola, kuba mwamwerabira, mwesiga bakatonda ab'obuguya.

Yeremia 2:30

Waire nga nababonereza aye tikyavaamu muganhulo, kuba timwaganha kukangaivulwa naire. Mwatemula abalanzi baimwe nga muli ng'oti n'empologoma ezikiriza bwe yeeruga.

Yeremia 22:21

Musengwa Katonda yayogera n'imwe ng'ebintu bikaabajiira bukalamu, aye mwaloba kuwulirisa. Era mutyo bwe mubaire mukolanga buliidho, mwalobera irala okugondera by'akoba.

Yeremia 32:33

Nze nga bankuba bwa nkoone, baaloba kukyukira ye ndi. Era waire nga nabagalagiranga aghazira kukoogha naire, aye nga tibenda kuwulirisa beege.

Yeremia 35:13

“Yeremia, Nze Musengwa Katonda Afuga Amagye, Katonda wa Isiraeli nkulagiire oje obuuze abantu b'omu Buyudaaya n'ab'omu Yerusalemu ensonga lwaki baloba okuwulira bye mbalagira ni bye mbagalagira.

Yeremia 35:17

Kale ni, nze Musengwa Katonda Afuga Amagye, Katonda wa Isiraeli, nja kutuusa abantu b'omu Buyudaaya n'ab'omu Yerusalemu ku kuzikirira, nga bwe nabeesoomera eira. Kino nja kukikola lwa kuba nayogera n'imwe aye mwaloba kumpulirisa, era naabeeta aye mwaloba kunvugira.”

Yeremia 5:3

Wo Musengwa Katonda, bwenebwene iwe onoonia mazima. Wabakuba aye baaloba kuwulira, waabatyankatyanka kwenda kubazikiriza, aye baaloba kweiraku. Baakalangusa emyoyo gyaibwe okusinga n'olubaale baaloba kwenenia naire.

Ezekieli 22:24

“Iwe omuntu, kobera Abaisiraeli oti ensi yaibwe ti nongoofu, era ndigibonereza olw'obusungu obundiku.

Ezekieli 24:13

Yerusalemu, obutalaivu obwo n'obwo obwenzi bwo bw'okola. Era olw'okuba nafuba inho okukulongoosa aye nga tosobola kulongooka n'owaamu ikoodera, toliiramu kabiri kulongooka okutuusa lwe ndikumaliraku obusungu bwange.

Zefania 1:6

Era nja kuzikiriza abo boonaboona abatakaidha ye ndi waire okunsaba okubabeera.”

2 Timotheo 3:16

Ebyaghandiikibwa byonabyona byava mu buyinza bwa Katonda era bya muganhulo mu kwegeresa, mu kunenia, mu kugondhoola ebidobaine, ni mu kugalagira omuntu abe mutuukirivu.

Abaheburayi 10:22

tuseete ye Katonda n'omwoyo oguziramu buguya, ogwidhwire okwikiriza, nga n'emyoyo gyaife gyamwirwa okuva mu bubi, era nga n'emibiri gyaife ginaaziibwa n'amaadhi amatukuvu.