Zefania 3:11 - Baibuli Ekibono kya Katonda 2014

¹¹ Mu kiseera ekyo, imwe abantu bange timuja kugemwa nsoni kabiri olw'okudheema kwe mwandheemeranga. Nja kubatoolamu abo boonaboona abeekuluntaza mu imwe n'abo abeegulumiza. Era timuja kwirayo kundheemera ku lusozi lwange olutukuvu.

Zefania 3:11 Iomraidhean Croise

Zabbuli 131:1

Wo Musengwa Katonda, nze tyekuluntaza, era tyebona nga ndi wa ghaigulu. Timala biseera byange nga neegomba bintu ebikologho bye ntatuukaaniraku, oba ebiswikiriire okutegeera kwange.

Zabbuli 49:5

Tiidha kutyanga nga ndi mu buzibu, waire ng'abankiriga baneezungulwire,

Zabbuli 59:12

Ka basigale nga bagemeibwa mu kwebona kwaibwe, ng'oti n'ensolo bw'egwa mu lutuula. Kuba boonoona n'eminwa gyaibwe, na kiisi kibono kye boogera. Era olw'okuba bakolima era baaguya,

Isaia 11:9

Ku Sioni olusozi lwa Katonda olutukuvu, tikulibaaku kintu kizikiriza kiinaakyo waire okukituusaaku obulumi; kuba ensi eriidhula okumanha Musengwa Katonda, ng'oti n'enhandha bw'eidhula amaadhi.

Isaia 2:12

Kuba ghaligho olunaku, Musengwa Katonda oyo Afuga Amagye lw'aliikizaaku ghansi, abo abeekuluntaza ni beebona nga ba ghaigulu, n'abo abeekudumbaza ni beegulumiza.

Isaia 45:17

Aye Musengwa Katonda buliidho aidha kulokolanga Isiraeli. Imwe Abaisiraeli ensoni tidhiribagema waire okuswazibwaswazibwa ebyanda n'ebyanda.’ ”

Isaia 5:15

Buli muntu aliswazibwa, n'abo abeekuluntaza baliisibwa ghansi.

Isaia 54:4

Leka kutya, kuba toliiramu kuswazibwa kabiri; leka na kutabulwa, kuba ensoni tidhiriiramu kukugema kabiri. Olyerabira ensoni edh'omu buto bwo edh'obutaba mwesigwa, weerabira n'enaku ey'okulekebwa agho otyo nga namwandu.

Isaia 56:7

“Ndibatwala ku Sioni olusozi lwange olutukuvu, naabagha eisanhu mu ndhu yange ey'okusinzizaamu. Ebigheebwayo byaibwe ebyokebwa n'emisengo gyaibwe ndibiikiriza ku alutaari yange, kuba endhu yange enaayetebwanga ndhu ya kusinzizaamu ab'amaghanga goonagoona.”

Isaia 61:7

Mulibanga mu nsi eyaimwe ku bwaimwe, obukombe bwaimwe bweyongerangaku obungi bwa mikuzi ebiri, mu kifo kyaimwe okwira agho okugemwanga obw'ensoni n'okunhoomebwa. Era eisanhu lyaimwe liribangagho ebyanda n'ebyanda.

Yeremia 13:9

“Nze Musengwa Katonda ntyo bwe nja okumalagho okwekuluntaza okw'abantu b'omu Yerusalemu n'ab'omu Buyudaaya yoonayoona.

Yeremia 7:4

Mulobe kwesiga bino bye mwerimba nabyo nga mukoba muti, ‘Eisinzizo lya Musengwa Katonda lirigho, eisinzizo lya Musengwa Katonda lirigho, eisinzizo lya Musengwa Katonda lirigho.’

Ezekieli 20:40

“Mu kifo eky'okusinza ebyo, mwenamwena mulisinzanga nze Musengwa Katonda waimwe, ku lusozi lwange olutukuvu, olusozi oluleeyi olw'omu nsi Isiraeli. Eyo ye ndibasangaalira, era naasiima ebirabo byaimwe ebisinga kuba birungi, ghalala n'ebigheebwayo byaimwe ebitukuvu.

Ezekieli 24:21

mbakobere imwe abantu ab'eighanga Isiraeli nti: Bona eno, ndyonoona eisinzizo lyange, eribaleetera okwebona nga muli ba maani, ni libasanhusa okulingirira, ni mwegomba okulingiramu. N'abaana baimwe be mwaleka mu Yerusalemu, balifiira mu lutalo.

Danieli 9:16

Wo Musengwa, ku lwaife wakola ebintu kamaala ebyoleka ng'oli mutukuvu, kyenva ni nkusaba olekere okusungughalira einho otyo ekibuga kyo Yerusalemu, olusozi lwo olwo olutukuvu. Abantu boonaboona abali mu nsi edhitwezungulwire banhooma inho ekibuga kyo Yerusalemu, n'ife abantu bo twena baatunhooma, kuba ife ni badhaadha baife twayonoona.

Danieli 9:20

Agho neeyongera okusaba, n'okwatula ebibi byange n'eby'abantu bange Abaisiraeli, n'okweghemba Musengwa Katonda wange, nga mmusaba aizeegho ekitiisa ky'olusozi lwe olutukuvu.

Mika 3:11

Abakulembeze baamu bagulirirwa nguzi memale baalamula. Bakabona baamu tibeegeresa mateeka ga Katonda okutoolaku nga bapangisiibwa. Era waire abalanzi baamu, boona bamala kugheebwa mpiiya memale baakoba okwolekebwa kwaibwe. Ate nga boonaboona beefuula okuba nga beesigama ku Musengwa Katonda, era baakoba bati: “Ghazira kabi koonakoona kaja kututuukaku kuba Musengwa Katonda ali n'ife.”

Okubala 16:3

Beesoloza, baaja baadheemera Musa ni Aaroni, baabakoba bati: “Mubitiriiza okwekuluntaza! Abantu boonaboona ab'eighanga lino ba Musengwa Katonda era Musengwa Katonda aba mu ife. Kale lwaki mwetwala nga muli ba ghaigulu inho okusinga abantu ba Musengwa Katonda abo?”

Matayo 3:9

Era muteeyinula nga mukoba muti, ‘Tuli ni iseife Aburahamu,’ kuba, ka mbakobere, mu mabaale gano Katonda aghanga okufuniramu Aburahamu abaana!

Ab'e Roma 2:17

Aye iwe weeyeta Omuyudaaya, weesiga Amateeka, era weesuutira mu Katonda.

Ab'e Roma 9:33

nga bwe kyaghandiikibwa kiti: “Bona ndi kuta mu Sioni eibaale eryekontolwaku abantu, olubaale olulibagwisa. Aye kiisi aikiriza oyo taliswazibwa.”

1 Petero 2:6

Kuba ebyaghandiikibwa bikoba biti: “Bona, ndi kuta mu Sioni eibaale, eibaale ery'oku nsonda lye nalonda era ery'omughendo einho, era oyo amwikiriza taliswazibwa.”