Zefania 2:8 - Baibuli Ekibono kya Katonda 2014

⁸ Musengwa Katonda Aghanga ebintu byonabyona akoba ati: “Mpuliire abantu Abamoabu n'Abammoni nga bavuma era nga bayeeyereza abantu bange. Era naawulira nga beesuuta nga bwe baidha okubanhagaku ekiketezo kyaibwe.

Zefania 2:8 Iomraidhean Croise

Amainhama 19:37

Omukulu yaazaala omwana mulenzi, yaamutuuma eriina Moabu. Oyo ni dhaadha ow'Abamoabu okutuusa ni mpegaano.

Amainhama 19:38

Omuto yeena yaazaala omwana mulenzi, yaamutuuma eriina Benammi. Oyo ni dhaadha ow'Abammoni okutuusa ni mpegaano.

Isaia 15:1

Buno n'obukwenda obugema ku Moabu. Ebibuga Ari ni Kiri ebya Moabu babizikiriiza mu bwire bulala buti byafuuka bifunfugu, era ensi Moabu yaawolongera.

Isaia 16:6

Aye ab'omu Buyudaaya bakoba bati: “Twawulira ira okwekuluntaza kw'Abamoabu, n'okwebona bonka. Era twidhi nga bwe beetwala okuba aba ghaigulu nga beepankapanka. Aye ebyo bye beesaakiriza nabyo bya bwereere.”

Yeremia 12:14

Agho Musengwa Katonda yaakoba ati: “Kino kye ndidha okukola ab'omu maghanga agaliiraine Isiraeli agoonoona ensi ye nagha abantu bange Abaisiraeli. Ndidha kubatoola mu nsi dhaibwe, ng'oti n'omuntu bw'aiwululagho ekisimbe n'emizi gyakyo. Era ndiwonia Abayudaaya naabatoola mu ngalo dh'abantu abo ababi.

Yeremia 48:1

Bino Musengwa Katonda Afuga Amagye, Katonda wa Isiraeli, by'akoba ku Moabu: “Bakagwireku abantu ab'e Nebo, ekibuga kyaibwe abazigu bakizikiriiza. Kiriathaimu baakigemye, ekifo kyakyo eky'okwewogomamu bakimenhiegho n'abantu baamu baaswazibwa.

Yeremia 49:1

Bino Musengwa Katonda bye yakoba ku nsi Ammoni, ati: “Abantu ab'omu Isiraeli bali gha? Ezira muntu asobola kulwanirira nsi yaibwe? Lwaki baaleka abantu abasinza omusambwa Milikomu okutoola ekiketezo eky'ab'ekika kya Gadi ni bakifuula ekyaibwe?

Okulira 3:61

Wo Musengwa Katonda, owulira bwe bandheedha, era omanha n'entegeka dhaibwe dhoonadhoona edh'okunkola obubi.

Ezekieli 21:28

“Iwe omuntu, langa okobere abantu bino, nze Musengwa Katonda, bye ndi kukoba Abammoni, abavuma Abaisiraeli. Bakobere oti: ‘Bona empiima, empiima yiiyo bagisowoireyo okutirimbula era baagizigula emyanse ng'oti lukuba.

Ezekieli 25:1

Agho Musengwa Katonda yaayogera ninze, yankoba ati:

Ezekieli 35:12

Olimanha nga nze Musengwa Katonda nawulira byonabyona bye wayogera ng'onhooma ensozi dh'omu Isiraeli, oti dhaalekebwa agho dhityo nga dhiri bifulukwa byereere, era oti dhaakugheebwa iwe odhinhage.

Ezekieli 36:2

nze Musengwa Katonda bye ndi kudhikoba nti: Iwe Isiraeli, abazigu bo bakwesuutiraku baakoba bati, ‘Otyo, buti ensozi edho edh'eira dhifuuse dhaife ku bwaife.’

Amosi 1:13

Musengwa Katonda akoba ati: “Abantu ab'omu Ammoni bakoze ebibi emikuzi kamaala. N'olw'ensonga eyo nteekwa buteekwe okubabonereza kuba, mu ntalo dhe baalwana okugaziya ekiketezo kyaibwe, baasalanga amabunda g'abakazi be baayagaananga nga bali nda mu Gileadi.

Amosi 2:1

Musengwa Katonda akoba ati: “Abantu ab'e Moabu bakoze ebibi emikuzi kamaala. N'olw'ensonga eyo nteekwa buteekwe okubabonereza kuba baayokya amagumba aga kyabazinga ow'Abaedomu gafuuka ivu.

Zefania 2:10

Ekyo n'ekija okuba ekibonerezo eky'Abamoabu n'Abammoni olw'okwekuluntaza kwaibwe, n'olw'okuvuma n'okwesuutira ku bantu ba Musengwa Katonda afuga amagye.

Yoshua 5:9

Musengwa Katonda yaakoba Yoshua ati: “Olwaleero mbatoireku eriina eibi ery'okwetebwanga abairu ab'Abamisiri.” Ekifo ekyo kwe kyava okwetebwa Giligali, eriina lye bakaakyeta ni ye buli eno.