Biblia Todo Logo
Bìoball air-loidhne

- Sanasan -




Zefania 2:7 - Baibuli Ekibono kya Katonda 2014

7 Ekiketezo ekyo eky'oku nhandha kija kufuuka kya Bayudaaya. Eyo ye balyayiranga ebyayo byaibwe, era baasula mu ndhu edh'omu kibuga Ashikeloni kuba Musengwa Katonda waibwe aidha kubalabiriranga, abaleetere ebintu kabiri okubajiiranga obukalamu.

Faic an caibideil Dèan lethbhreac




Zefania 2:7
42 Iomraidhean Croise  

Agho Yosefu yaakoba baganda be ati: “Ndi kumpi okufa, aye Katonda taliroba kubalabirira n'okubatoola mu nsi eno, okubatwala mu nsi gye yalayirira Aburahamu, ni Isaaka, ni Yakobo.”


Wo Katonda Afuga Amagye, kyusaamuuku. Ng'oli eyo mu igulu, linga ghansi otubone; labirira omuzabbibu guno,


Wo Musengwa Katonda, wagonza inho ensi yo wairiza Yakobo obukombe.


Agho abakulu ab'ebikunsu abo baikiriza, era bwe baawulira nga Musengwa Katonda bweyabalumirwa ng'aboine okudaazibwadaazibwa kwaibwe, baakuba amakiryaivu baamusinza.


Olunaku olwo bwe lulituuka, Musengwa Katonda aliiramu okukozesa obuyinza bwe, yaiza abantu be abaliba bawoniegho, yaabatoola mu Assiria, ni mu Misiri, ni mu Pathirosi, ni mu Ethiopia, ni mu Elamu, ni mu Shinari, ni mu Hamathi, ni mu biketezo eby'oku nhandha.


Balyeyimba ghalala baalumba Abafilisiti e bugwandhuba, era baaja baanhagulula abantu b'e buvandhuba. Balighangula Abaedomu n'Abamoabu, n'Abammoni boona balibagondera.


Ghalibaagho oluguudo abantu be Abaisiraeli abaliwonagho mwe balibita nga bava mu Assiria, ng'oti ni bwe ghaaligho oluguudo Abaisiraeli mwe baabita nga bava mu Misiri.


Musengwa Katonda aliiramu okugemerwa Abaisiraeli ekivunika, yaabalonda kabiri okuba abantu be. Era alibaizaayo mu nsi yaibwe, baaba omwo. N'abasenze baliidha baabeeyimbaku, baabanga ghalala ni baidhukulu ba Yakobo abo.


Kuba ekisaagaati kya kyabazinga balikirekulira bw'agho, n'ekibuga ekyali kikubyeku abantu kyasigala agho kityo. Ensozi n'ebituuti ebirengererwaku, birifuuka bwa mpuku ebyanda n'ebyanda, endogoyi edh'omu nsiko dhaazaanhiranga omwo, n'ebyayo by'abantu byalyanga omwo eisubi.


Nze mwene ndidha kusoloza abantu bange abaliwonagho nga mbatoola mu nsi dhoonadhoona ye nababingira, mbaize mu nsi yaibwe. Balizaalagana baaba kamaala.


“Musengwa Katonda akoba ati, ‘Emyaka ensanvu gye nagha Babilonia okubafugiramu bwe giriwaaku, imwe ndibooleka nga bwe mbalumirwa, naatuukiriza kye nasuubiza eky'okubaiza eka.


Bwenebwene mulimbona, naabaleetera ebintu byairamu okubajiiranga obukalamu. Era naabasoloza okuva mu nsi dhoonadhoona ni mu bifo byonabyona mwe nababingira, naabaiza mu nsi mwe nabatoola okubasindika mu bunhage. Nze Musengwa Katonda, ninze nkobye.’


Mu nnaku edho abantu b'omu Buyudaaya balyeyimba ku b'omu Isiraeli, baajiira ghalala okuva mu bunhage mu nsi eri ku luuyi olw'omukono omugooda olw'e buvandhuba, baingira mu nsi ye nagha badhaadha baimwe nga yaibwe ku bwaibwe.”


kuba bona eno, ekiseera kiri kwidha lwe ndireetera abantu bange Abaisiraeli n'Abayudaaya ebintu okwiramu okubajiiranga obukalamu. Ndibaiza mu nsi ye nagha badhaadha baibwe, era bairamu okugitwala yaaba yaibwe ku bwaibwe. Nze Musengwa Katonda, ninze nkobye.”


Musengwa Katonda akoba ati: “Mwembe n'amaani nga musagamba ku lwa Isiraeli. Mukubire emizira eighanga erisinga agandi goonagoona obukologho. Mwembe olwembo lwaimwe olusaaka, mulangirire muti, ‘Musengwa Katonda alokoire abantu be Abaisiraeli abaawonagho.’


Abantu baidha kugulanga ebibandha, batenga ku ndagaano emikono era badhisibengaku obumanhiso nga ghaligho n'abadhulizi. Ebyo biidha kubangagho mu biketezo bya Benjamini, ni mu byalo ebyezungulwire Yerusalemu, ni mu bibuga eby'omu Buyudaaya, ni mu bibuga eby'omu biketezo eby'oku nsozi, ni mu bibuga eby'omu biketezo eby'omu biiko, ni mu bibuga eby'omu biketezo bya Buyudaaya ebikalukalu ebiri ku luuyi olw'omukono omusaadha olw'e buvandhuba. Ndiizaagho abantu mu nsi yaibwe, naabaleetera ebintu kabiri okubajiiranga obukalamu. Nze Musengwa Katonda, ninze nkobye.”


Musengwa Katonda Afuga Amagye akoba ati: “Ensi eno eri ng'oti irungu, eziramu bantu waire ensolo, eriiramu okubaamu ebyayiro abaayi mwe batwala ensolo dhaibwe okuliira.


Abantu b'omu Buyudaaya n'ab'omu Isiraeli ndibaleetera ebintu okwiramu okubajiiranga obukalamu. Ndiiramu okubazimba babe nga bwe baalinga eira.


Abantu b'e Gaza bamweire enviiri gha mberi ku mitwe gyaibwe gyaba ng'oti gya mpaata, olw'okunakughala! Ab'e Ashikeloni bafiire baasirika. Abanaki abakaasigairegho, balituusa li okwesalasala ku mibiri gyaibwe olw'okunakughala?


Agho ni, Musengwa Katonda kyava ali kukoba ati: “Aye mpegaano nja kuleetera baidhukulu ba Yakobo ebintu okwiramu okubajiiranga obukalamu, ngemerwe ekivunika eighanga lyonalyona Isiraeli, era nkuume n'ekitiisa ky'eriina lyange eitukuvu.


N'imwe Abayudaaya mwena, ekiseera namala okukitaagho, eky'okubabonereza olw'ebyo bye mukola.”


Abaisiraeli ab'omu kiketezo ekikalukalu eky'oku luuyi olw'omukono omusaadha olw'e buvandhuba, baja kunhaga Edomu. Ab'omu biketezo eby'omu biiko baja kutwala ekiketezo Filisitia. Abandi baja kutwala ebiketezo Efuraimu ni Samaria. Olwo Ababenjamini batwale ekiketezo Gileadi.


“Aye imwe abantu bange Abaisiraeli, abaliwonagho, nja kubasoloza mbaleete ghalala ng'omwayi bw'asoloza entaama dhe mu kisibo kyadho. Era ekiketezo kyaimwe kija kwiramu okwidhula abantu nga baseregulya buseregulye ng'oti n'ekyayiro ekirimu entaama kamaala.”


Abantu ab'omu Yerusalemu, mwegalangule era musinde ng'oti n'omukazi ali kulumwa okuzaala. Kuba mutuuse okutoolebwa mu kibuga kyaimwe muje nga musula eyo mutyo mu nsiko, mutwalibwe e Babiloni. Aye nga muli eyo, Musengwa Katonda aja kubanunula abatoole mu ngalo edh'abazigu baimwe.


Waire nga balema era nga baatwalibwa eghala einho okuva ewaibwe, ndidha kubafuula bakaawonagho era mbafuule eighanga ery'amaani. Era nze Musengwa Katonda mwene, ndidha kubafugiranga ku lusozi Sioni okuva n'olwo okutuusa ebyanda n'ebyanda.”


Kale ni, nze Musengwa Katonda omulamu afuga amagye, Katonda wa Isiraeli, ndayiire nti ebiketezo eby'Abamoabu n'Abammoni bija kuzikirira, nga Sodoma ni Gomorra bwe byazikirira. Bija kufuuka ekifo ekiidhwire ebisubisubi ebifumita n'ebiina ebisimwamu omuunhu. Bifuuke ekifo ekiziramu kirungi kye kivaamu ebyanda n'ebyanda. Abantu bange abaliwonagho balinhaga ekiketezo ekyo kyaba kyaibwe.”


Era abantu abo abaliwonagho mu Isiraeli tibalikola kisobu naire, tibalyogera bya buguya, oba okukozesa olulimi olubuzaabuza. Baidha kubanga bulungi nga bazira kye badhulirira, era nga ghazira kintu kyonakyona kibatiisa.”


Mu kiseera ekyo mwenamwena nja kubasololeza ghalala mbaize eka. Bwenebwene nja kubafuula bamanhifu era abasaakibwa mu nsi yoonayoona, era mbairizeegho ebirungi nga mwenamwena mubona.” Musengwa Katonda n'akobye.


Agho Zerubbabeli mutabane wa Shealutieli era omufuzi wa Buyudaaya, ni Yoshua mutabane wa Yehozadaki era omukulu wa bakabona, n'abantu boonaboona abaira okuva mu bunhage e Babilonia, baakola ekyo Musengwa Katonda waibwe kye yabalagira. Baatya era baagondera obukwenda bwa Haggai omulanzi Musengwa Katonda ye yatuma.


Yaakoba Haggai aje ye Zerubbabeli mutabane wa Shealutieli era omufuzi wa Buyudaaya, ni Yoshua mutabane wa Yehozadaki era omukulu wa bakabona, n'abantu boonaboona abaira okuva mu bunhage, abakobe ati:


“Musengwa Katonda wa Isiraeli asaakibwe, kuba akyaliire abantu be era yaabanunula.


Boonaboona ensisi yaabagema era baagha Katonda ekitiisa nga bakoba bati: “Mu ife mulimu omulanzi ow'amaani, era ni Katonda akyaliire abantu be!”


Agho, malaika wa Musengwa yaakoba Filipo ati: “Situka oje n'engira ku luuyi olw'omukono omusaadha olw'e buvandhuba, ogeme engira ebita mu irungu eva e Yerusalemu okuja e Gaza.”


Filipo yaaboneka mu Azoto, yaabitabita mu bibuga byonabyona ng'aja ng'akobera abantu Amawulire Amalungi okutuuka e Kaisaria.


Kityo bwekiri ni buti. Ghaligho abawonagho ni balondebwamu olw'ekisa kya Katonda.


Nga ghabiseeghooku entangama, Naomi yaawulira nga Musengwa Katonda yaidhukira abantu be yaabagha omwero ogw'emere. Olwo yeetegeka okuva mu Moabu ni banamwandu ba batabane be bombi.


Lean sinn:

Sanasan


Sanasan