Zefania 1:6 - Baibuli Ekibono kya Katonda 2014

⁶ Era nja kuzikiriza abo boonaboona abatakaidha ye ndi waire okunsaba okubabeera.”

Zefania 1:6 Iomraidhean Croise

2 Samueli 22:22

Nze njiira ku biragiro bya Musengwa Katonda, era tigwangaku mu kibi kya kudaaliima kuva ku Katonda wange.

2 Ebyomubyanda 15:13

Era nga kiisi muntu aloba okusinza Musengwa Katonda, Katonda wa Isiraeli, omuntu oyo k'abe mukulu oba muto, k'abe musaadha oba mukazi, aba wa kwitibwa.

Zabbuli 10:4

Omukozi w'ebibi nga bwe yeebona nga wa ghaigulu, tatwala Musengwa Katonda ng'ekikulu. Mu by'akola byonabyona talaadha Katonda.

Zabbuli 125:5

Aye abo abaleka ebiragiro byo ni badaaliima, babonereze ghalala n'abakozi ab'ebibi. Emiraala gibe mu Isiraeli.

Zabbuli 36:3

Byonabyona by'ayogera byoleka itima na buguya; by'akola tibikaali bya magezi waire okuba ebirungi.

Isaia 1:4

Okagwireku iwe eighanga eikozi ly'ebibi, abantu aboonooni imwe, abaidhukulu ab'abakozi b'ebibi imwe, era abaana aboonoonefu. Muviire ku Musengwa Katonda, mwamunhooma Omutukuvu wa Isiraeli oyo, mwamwetooleraku irala.

Isaia 43:22

Musengwa Katonda akoba ati: “Aye imwe Abaisiraeli baidhukulu ba Yakobo, nze mwamala mwaneesinwa bwesinwe, mwaloba okunsinza.

Isaia 9:12

Abasiria baliva e buvandhuba n'Abafilisiti baava e bugwandhuba, baayasamya eminwa gyaibwe okumira Isiraeli. Aye waire ng'ebyo bimaze okubaagho, obusungu bwa Musengwa Katonda oyo bulisigala nga bukaaligho. Era alisigala ng'akaagalwire omukono gwe okubabonereza.

Isaia 9:13

Waire nga Musengwa Katonda Afuga Amagye yabonereza Abaisiraeli, aye era Abaisiraeli abo tibeeneniaku, waire okukyuka okwira y'ali.

Yeremia 10:25

Kyukiza obusungu bwo ku maghanga agatakusinza, ni ku bantu abo abaloba okukugondera; kuba baatwita ife abantu bo, baatuzikiriza okutumaliriragho, era baaleka ensi yaife ng'eri bifulukwa byereere.

Yeremia 15:6

Imwe mwanvaaku, mwaja mu bye mwalimu eira. Kale zeena n'okugolola omukono ni mbazikiriza; kuba nkooye okubasaasiranga.

Yeremia 2:13

Kuba abantu bange bakoze ebintu ebibi bibiri: banvaaku nze, ali ng'oti n'ensulo ey'amaadhi ag'obulamu, beesimira ebidiba ebiwomofuwomofu, ebitasobola kukuuma maadhi.

Yeremia 2:17

Ekyo Abaisiraeli baakyereetera beene, bwe banvaaku nze Musengwa Katonda waibwe, ng'ate ninze eyaboolekanga engira ey'okubitamu.

Yeremia 3:10

Era ng'ebyo byonabyona bimaze okubaagho, Abayudaaya abo abataali beesigwa era baganda ba Abaisiraeli, baaloba okukyuka okwira ye ndi n'omwoyo gwaibwe gwonagwona. Aye beefuula bwefuule okuba ng'abakyuse. Nze Musengwa Katonda, ninze nkobye.”

Ezekieli 3:20

“Ate omuntu akola ebituufu bw'akyuka n'ava ku kukola ebituufu n'akola ebibi, era zeena ni mmuleka obuleke yeekontole agwe, omuntu oyo bw'otalimulabula aja kufiira mu bibi bye. N'ebikolwa ebirungi by'aliba akoze tija kubiraadha naire. Ate omusango ogw'okufa kwe ndiguta ku iwe.

Hosea 11:7

Ng'abantu bange abo bwe bamaliriire okunvaaku, balirira olw'ekikoligo ekibaliku, aye nga ghazira akibatoolaku.

Hosea 7:10

Okwekuluntaza okw'Abaisiraeli kubalumiriza omusango. Aye waire ng'ebyo byonabyona bibairegho, tibakyukangaku ni baira eri nze Musengwa Katonda waibwe.

Hosea 7:7

Obusungu bwaibwe bwe butumbuka ng'oti muliro mu ziiko, olwo baatemula abafuzi baibwe. Era bajiire nga baita bakyabazinga baibwe mulala mulala, aye ghazira muntu waire omulala ati ansaba kubayamba.”

Zefania 3:2

Kizira muntu ye kiwulirisa era tikiganha kugololwa mu nsobi dhaakyo. Tikyesiga Musengwa Katonda, era tikisaba Katonda waakyo oyo akibeere.

Ab'e Roma 3:11

Ghazira ategeera Katonda waire okumusinza.

Abaheburayi 2:3

memale ife tuliwona tutya bwe tugayaalirira obulokozi obukulu obwaga agho? Obwo Musengwa mwene n'eyasooka okubulangirira, memale abo abaabuwulira, baatukakasa nga bwa mazima.

Yoshua 23:12

“Bwemutaliba beesigwa eri Musengwa Katonda, aye ni musalagho okukolagana n'abantu abo abanaasigalanga mu biketezo bye tuja okunhaga, ni mubayiza baghala baibwe, era boona ni mubaganha babayize baghala baimwe,

1 Samueli 15:11

“Neidhwisa okuba nga nafuula Saulo kyabazinga, kuba anviireku yaalekera agho okuwulira ebiragiro byange.” Agho Samueli yaasungughala, obwire bwonabwona yaasula nga yeegayirira Musengwa Katonda.