Zefania 1:4 - Baibuli Ekibono kya Katonda 2014

⁴ “Nja kubonereza abantu ab'omu Yerusalemu boonaboona n'abo ababa mu Buyudaaya mwonamwona. Era nja kuzikiriza abasinza omusambwa Baali boonaboona abakaasigairegho, n'amaina aga bakabona abamugheereza goonagoona geerabirirwe irala.

Zefania 1:4 Iomraidhean Croise

2 Bakyabazinga 21:13

Ndibonereza Yerusalemu ng'oti bwe nabonereza Samaria, era ng'oti bwe nabonereza kyabazinga Ahabu owa Isiraeli n'ab'endhu ye. Ndisaaniagho abantu mu Yerusalemu, ng'oti n'omuntu bw'asiimuula esowaani n'agikaza, ate n'amala n'agifundika.

2 Bakyabazinga 23:12

Yaamenhamenhagho alutaari, bakyabazinga ba Buyudaaya dhe baali bazimbye ghaigulu ku ngulu kw'endhu ya kyabazinga Ahazi, era n'edho kyabazinga Manasse dhe yali azimbye mu mpya dhombi edh'eisinzizo. Edho dhoonadhoona yaadhisaaniagho, dhaafuuka bwa nkungu, era enkungu eyo yaagiyugha mu kaiga Kiduroni.

2 Ebyomubyanda 34:4

Baamenhamenha alutaari edh'omusambwa Baali nga Yosia aligho mwene, baatematema ni alutaari edh'okuniokezebwaku obubbaani edhaali ghaigulu gh'edho. Baamulungula ebifaananie eby'omusambwa omukazi Ashera, n'ebifaananie ebindi ebibaadhe, n'ebyo ebyakolebwa mu kyuma ekisaanuusiibwa, baabisa byafuuka nkungu era enkungu eyo baagimansira ku magombe g'abo abaaghangayo emisengo y'ebifaananie ebyo.

Okuvaayo 15:12

Waghanika omukono gwo omusaadha, ensi yaamira Abamisiri abazigu bo.

Yeremia 15:6

Imwe mwanvaaku, mwaja mu bye mwalimu eira. Kale zeena n'okugolola omukono ni mbazikiriza; kuba nkooye okubasaasiranga.

Yeremia 6:12

Abantu abandi n'abalitwala endhu dhaibwe, okwo nga kw'otaire emisiri gyaibwe ni bakazi baibwe. Nja kugolola omukono mbonereze abantu boonaboona ababa mu nsi eno,

Ezekieli 25:7

Kale ni bona eno, ndigolola omukono gwange naababonereza, naabaghaayo eri amaghanga agandi gaabanhagululaku ebyaimwe. Ndibaita naabamaliriragho, mwaloba kwirayo kabiri kuba ighanga, waire okuba n'ensi eyaimwe ku bwaimwe. Olwo mulimanha nga ninze Musengwa Katonda.”

Ezekieli 6:14

Ndigolola omukono gwange naababonereza, era naazikiriza ensi yaibwe yaafuuka bifulukwa, okuviira irala ku irungu okutuukira irala e Ribula. Olwo abantu boonaboona baamanha nga ninze Musengwa Katonda.”

Hosea 10:5

Abatyamye ab'omu Samaria balidhugumira olw'okuviibwaku ekifaananie eky'ente ento eky'e Bethaveni. Abantu abakisinza balikiririra amaziga, ni bakabona abagheereza ekisinzibwa ekyo ekitali Katonda, baliwowoola, nga kitooleibwaku ekitiibwa kyakyo.

Mika 5:13

Ndizikiriza ebintu bye musinza ebitali Katonda n'empango edh'amabaale dhe musinza, era naabalobera okusinza ebintu bye mwekoleire n'engalo dhaimwe beene.

Zefania 2:11

Musengwa Katonda oyo aja kubatiisa inho ekibitiriire. Bwenebwene emisambwa gyonagyona aja kugifuula ebintu ebiziramu kantu, era olwo buli ighanga lirisinza mwene nga liri mu kiketezo kyalyo.

Zefania 2:13

Musengwa Katonda aja kukozesa obuyinza bwe azikirize abantu ab'e Assiria abali ku luuyi olw'omukono omugooda olw'e buvandhuba. Aja kuzikiriza ekibuga Nineve kisigale nga kyanhe bwanhe, era nga kikalu ng'oti irungu lyene.