Zefania 1:16 - Baibuli Ekibono kya Katonda 2014

¹⁶ Ku lunaku olwo amagwala agalaalika olutalo gaja kuvuga, okuleekaana okw'abalwani kuwulirwe nga balumbye ebibuga ebyezungulwirwa ebimante ebigumu, n'ebituuti byaku ebireeyiriri ebirengererwaku.

Zefania 1:16 Iomraidhean Croise

Isaia 27:13

Ku lunaku olwo, eigwala lirivuga n'amaani, okweta Abaisiraeli boonaboona abaliba mu Assiria ni mu Misiri, baidha baasinza Musengwa Katonda ku lusozi olutukuvu mu Yerusalemu.

Isaia 32:14

Kuba ekisaagaati kya kyabazinga balikirekulira bw'agho, n'ekibuga ekyali kikubyeku abantu kyasigala agho kityo. Ensozi n'ebituuti ebirengererwaku, birifuuka bwa mpuku ebyanda n'ebyanda, endogoyi edh'omu nsiko dhaazaanhiranga omwo, n'ebyayo by'abantu byalyanga omwo eisubi.

Isaia 59:10

Tuja nga tughaamanta ku bimante ng'oti n'abatulu abatabona. Era twaja nga twekontola ni mu kasana ghagati nga buli ng'oti bwire, twaba ng'oti n'abali mu nsi y'abafu.

Yeremia 6:1

Imwe abantu ba Benjamini mulumuke mwewonie. Muve mu kibuga Yerusalemu. Mufuuyire e Tekoa amagwala, era mute mu kibuga Bethi Hakkeremu akamanhiso; kuba akabi n'okuzikirira biri kwidha nga biva ku luuyi olw'omukono omugooda olw'e buvandhuba.

Yeremia 8:16

Abazigu baife bamaze okutuuka mu kibuga ky'e Dani. Embalaasi dhaibwe tudhiwulira nga dhiri kugufula, era nga dhiri kukuba emyasi, n'ensi yoonayoona yaadhugumira. Abazigu baife bali kwidha okuzikiriza ensi yaife n'ebigirimu byonabyona, era bazikirize ebibuga byaife n'abantu ababirimu boonaboona.”

Ezekieli 7:7

Imwe abatyamye b'omu nsi eno, akabi kabaidhiire. Ekiseera kituuse era olunaku luseese, olunaku olw'entiisa enene, se ti olw'okukubiraku emizira ghaigulu ku nsozi.

Hosea 5:8

Mufuuwe endeka e Gibea! Mufuuwe amagwala e Rama! Era mukube enduulu edh'omu lutalo e Bethaveni! Mwete Ababenjamini baidhe mu lutalo.

Hosea 8:1

Musengwa Katonda akoba ati: “Mufuughe amagwala agalaalika olutalo! Abazigu bali kwidha okugwa ku nsi yange Isiraeli ng'oti nsega; kuba abantu bange Abaisiraeli baamenha endagaano ye nakola nabo, baadheemera amateeka gange.

Yoeli 2:1

Mufuuwe eigwala mu Sioni; mukube enduulu ku lusozi lwa Katonda olutukuvu. Abantu b'omu Buyudaaya boonaboona ka badhugumire, kuba olunaku lwa Musengwa Katonda luli kwidha, era luli kumpi kutuuka.

Amosi 3:6

Eigwala eriraalika olutalo, lifuuyibwa mu kibuga abantu baaloba kutya? Akabi kagwa ku kibuga nga Musengwa Katonda ti n'akasindiike?

Habakkuku 3:6

Bw'ayemerera ensi etengeeta; bw'alinga ku amaghanga ati, gadhugumira. Ensozi edh'emyaka n'emyaka dhimenhekamenheka dhaawaagho; obusozi obw'olubeerera budimira mu itaka bwabuliramu. Edho n'ensozi dhe yatambuliraku ebiseera eby'eira.

Amateeka Agokubiri 28:52

Balibazingiza mu bibuga byaimwe byonabyona okubyezunguluza, mu nsi Musengwa Katonda waimwe y'ali kubagha. Balibazingiza mu bibuga byaimwe ebyo, okutuusa ebimante byaimwe ebibyezungulwire ebigumu era bigulumivu bye mwesiga, lwe birigwa.

Yoshua 6:20

Kale bakabona baafuuwa endeka. Era abantu olwawulira endeka baaleekaana inho n'amaani, ebimante ebyali byezungulwire ekibuga byagwa byonabyona ku itaka. Olwo abantu bangira mu kibuga butereevu okuva buli muntu ghe yali, baakigema.