Zabbuli 99:1 - Baibuli Ekibono kya Katonda 2014

¹ Musengwa Katonda ni Kyabazinga; abantu ka badhugumire olw'okumutya! Ekityamo kye eky'obwakyabazinga kiri ku bitonde eby'amaghagha ebyetebwa bikerubi, ensi k'etengeete olw'okumutya.

Zabbuli 99:1 Iomraidhean Croise

2 Samueli 6:2

Yaakulembera abantu boonaboona be yali nabo, baaja e Baale eky'omu kiketezo kya Yuda, okutoolayo Esanduuku ey'Endagaano ya Katonda eyetebwa eriina lya Musengwa Katonda Afuga Amagye, oyo atyama ku kityamo kye eky'obwakyabazinga ekiri ku bitonde ebiri n'amaghagha ebyetebwa kerubi.

1 Ebyomubyanda 16:30

imwe mwenamwena ab'oku nsi mudhugumire mu maiso ge. Yii, ensi ngumu mu kifo kyayo gh'eri, era ghazira kighanga kugisegenhia naire.

Zabbuli 18:10

Yaika ng'ali ku kitonde ekiri n'amaghagha ekyetebwa kerubi, era nga kiri kuguluka naye, yaaziinhuukira mu mpewo.

Zabbuli 2:6

ati: “Kyabazinga wange ye nalonda, namuta ku lusozi lwange olutukuvu Sioni.”

Zabbuli 80:1

Wo Katonda tukusaba otuwulirise, iwe alabirira abantu ba Isiraeli ng'oti n'omwayi ow'entaama, era n'okuuma aba Yosefu ng'oti byayo byo. Iwe ali ku kityamo kyo eky'obwakyabazinga ekiri ku bitonde eby'amaghagha ebyetebwa bikerubi,

Zabbuli 80:2

weeyolekere abantu ba Efuraimu, n'aba Benjamini, n'aba Manasse. Situka n'amaani go oidhe otulokole.

Zabbuli 82:5

Muli na butamanha bwaga gha? Muli basiru ba nkula ki? Lwaki mukola eby'obukupya ebyereere? Abantu tibakaakola mazima mu nsi.

Zabbuli 93:1

Musengwa Katonda ni Kyabazinga ali n'ekitiisa n'amaani. Ensi kyeva n'eba engumu mu kifo kyayo, ni ghabula ekisobola okugiseseetula.

Zabbuli 96:10

Mukobere amaghanga goonagoona muti: “Musengwa Katonda ni Kyabazinga! Ensi kyeva n'eba engumu mu kifo kyayo, ni ghabula ekisobola okugiseseetula. Aja kusalira abantu omusango nga tasaliriza.”

Zabbuli 96:9

Musinze Musengwa Katonda ng'aboneike mu butukuvu bwe; imwe mwenamwena ab'oku nsi mumutye mu maiso ge.

Zabbuli 97:1

Musengwa Katonda ni Kyabazinga, ensi yoonayoona k'esagambe, n'ebiketezo eby'oku nhandha eby'okumpi n'eghala bisangaale.

Zabbuli 97:4

Olukuba lwe lumyansa lwamulisa ensi; ensi yaalubona yaatengeeta.

Okuvaayo 25:22

Agho ghe ndidha okukwagaana, era agho ghaigulu agh'ekisandikiza eky'Esanduuku ey'Endagaano era ghagati agh'ebitonde ebiri n'amaghagha ebyetebwa kerubi, ghe ndidha okukugheera ebiragiro byange byonabyona by'oidha okukobera Abaisiraeli.”

Isaia 19:14

Musengwa Katonda abaleeteire okugha abantu amagezi agabawubisawubisa, ekyo kyaleetera ab'omu Misiri okudaaliima mu byonabyona bye bakola, baaba ng'oti n'omutamiivu bw'atagalira mu biseseme bye mwene by'aseseime.

Yeremia 4:24

Nalingirira ensozi, naabona nga dhiri kutengeeta, n'obusozi bwonabwona nga buli kwewuubira eno n'ere.

Yeremia 49:21

Ensi Edomu bw'erigwa, omuvuuma guliba gwa maani inho n'ensi yoonayoona yaatengeeta. Era okulira kwaibwe kulija ghala inho kwatuuka ni ku Nhandha Emyufu.

Yeremia 5:22

Lwaki timuntyaku naire nze Musengwa Katonda? Lwaki timudhugumiraku naire mu maiso gange? Ninze nataagho omusenho okuba ensalosalo enhandha kw'ekoma, ensalosalo ey'olubeerera enhandha y'etasobola kutuuma. Enhandha ni bwe yeefuukuula etya tesobola kughaguza, era amaadhi gaayo ni bwe gawolomboka okwaga gha, tigaghanga kubitagho.

Yeremia 50:46

Babiloni bwe kirigwa, omuvuuma guliba gwa maani inho n'ensi yoonayoona yaatengeeta. Era okulira kw'abantu baakyo kulija ghala inho kwatuuka ni mu maghanga goonagoona.”

Ezekieli 43:7

“Iwe omuntu, kino n'ekifo ekibaamu ekityamo kyange eky'obwakyabazinga, ekifo mwe nnaabanga nga ndi mu bantu bange Abaisiraeli okubafuganga ebyanda n'ebyanda. Ka babe abantu beene ab'eighanga Isiraeli oba bakyabazinga baibwe, ghazira aliirayo kabiri kwonoona liina lyange eitukuvu, n'anvaaku kusinza bintu ebitali nze Katonda, oba okuzimbira emirambo gya bakyabazinga ebiidhukizo

Luka 19:12

Kale yaabakoba ati: “Ghaaligho omusaadha ow'ekitiisa eyaja mu nsi ey'eghala afuulibwe kyabazinga memale aire.

Luka 19:14

Aye abantu ab'omu nsi ye, baali nga baamukyagha, era baagheereza abakwenda abaamuva einhuma okukoba bale ye yali ali kuja bati tibenda oyo abafuge.

Luka 19:27

Ate abo abazigu bange abataayenda mbafuge, mubaleete ghano mubaite nga mbona.’ ”

Ab'e Filippi 2:12

Agho ni bakagwa, nga bwe mwali abawulize buliidho nga ndi n'imwe, ni mperaano nga tiri n'imwe musingegho okuba abawulize, olwo mube nga mukolerera okulokolebwa kwaimwe nga mutya era nga mudhugumira.

Okwolekebwa 11:17

Baakoba bati: “Tukweyanza Musengwa Katonda, Aghanga Ebintu Byonabyona, aligho era eyaligho. Kuba okozeisa obukumu bwo waatoolera okufuga.

Okwolekebwa 20:11

Agho naabona ekityamo eky'obwakyabazinga ekikologho, nga kyeru, era nga kiriku akityaimeku. Eigulu n'ensi byabulagho mu maiso ge obutairayo kubonekaku.

Okwolekebwa 6:14

Eigulu lyazingibwaku ng'enzingo ey'ekitabo bwezingibwaku, lyavaagho kiisi lusozi na kiisi kizinga byatoolebwa mu bifo byabyo.