Zabbuli 97:7 - Baibuli Ekibono kya Katonda 2014

⁷ Abo boonaboona abasinza ebitali Katonda, ni beesaaka olw'okwesiga ebifaananie obufaananie ebyo ebiziramu na muganhulo, baswazibwa; kuba ebyo byonabyona bimukubira amakiryaivu.

Zabbuli 97:7 Iomraidhean Croise

2 Ebyomubyanda 3:13

Amaghagha ga bikerubi ebyo byombi geeyandhuluza mu bugazi bwa mita mwenda, era byayemerera nga biringiriire mu ekisenge ky'eisinzizo ekya ghagati.

Okuvaayo 20:4

“Muteekoleranga kibaadhe oba kiwumbe ekifaanana ekintu kyonakyona ekiri ghaigulu ku igulu, oba ghansi ku nsi, oba waire ekiri mu maadhi agali ghansi agh'ensi.

Okuvaayo 25:20

Ebifaananie ebyo mubikole nga mubirinzagainia, aye nga amaiso gaabyo galingiriire ku kisandikiza, era nga byandhulwiza amaghagha gaabyo nga gaghemba ku kisandikiza ekyo.

Isaia 41:29

Boonaboona ghazira kye bagasa, era ghazira kye basobola kukola naire. N'ebifaananie byaibwe ebyakolebwa mu kyuma ekisaanuusiibwa, biziramu makulu naire.”

Isaia 42:17

Abo abeesiga ebifaananie ebibaadhe, ni bakoba ebifaananie ebyakolebwa mu kyuma ekisaanuusiibwa bati, ‘Niimwe bakatonda baife’, ndibaleetera okunhoomebwa n'okuswazibwa.”

Isaia 42:7

Olizibula abatulu amaiso, waatoola abasibe mu makomera, waabawonia okubanga mu nzikiiza.

Isaia 45:16

Abo boonaboona abakola ebisinzibwa ebitali Katonda, ensoni dhiribagema era baaswazibwaswazibwa.

Yeremia 10:14

Olwo abantu boonaboona baaba nga basirughaire era nga tibakaalimu kategeera. Buli mugheesi wa bintu bya zaabu yaaswala olw'ebifaananie ebisinzibwa by'agheesa; kuba bya buguya bwereere, era biziramu bulamu naire.

Yeremia 2:26

Musengwa Katonda akoba ati: “Ng'omwibi bw'aswala nga bamugemye, mwena Abaisiraeli mutyo bwe muliswala aghalala ni bakyabazinga baimwe, n'abakungu baimwe, ni bakabona baimwe, n'abalanzi baimwe.

Abalevi 26:1

“Muteekoleranga bifaananie, oba ebiwumbe, oba empango ezimbibwa, oba eibaale eibaadhe, nga bya kusinzibwa. Ninze Musengwa Katonda waimwe.

Amateeka Agokubiri 27:15

‘Omuntu yeenayeena anaakolanga ekifaananie ekibaadhe, oba ekisaanuusiibwa mu kyuma, memale n'akitaagho n'akisinza, akolimirwenga! Kuba okusinza ebitali Katonda kiba ekyenhinhalwa ye Musengwa Katonda.’ Olwo abantu boonaboona baliiramu bati, ‘Amiina.’

Amateeka Agokubiri 5:8

“ ‘Muteekoleranga kibaadhe oba kiwumbe ekifaanana ekintu kyonakyona ekiri ghaigulu ku igulu, oba ghansi ku nsi, oba waire ekiri mu maadhi agali ghansi agh'ensi.

Abaheburayi 1:6

Era Kabiri ng'ali kumpi okutuma mu nsi Omwana we omuberi yaakoba ati: “Bamalaika ba Katonda boonaboona, bamusinzenga.”

1 Petero 1:12

Katonda yayoleka abalanzi abo ng'ebyo tibaabikola ku lwaibwe beene, aye ku lwaimwe. Ebintu ebyo n'ebyo bye mwawulira nga bibakoberwa abo abaabakobera Amawulire Amalungi. Bwe baali nga babakobera Amawulire Amalungi ago, Katonda yasindika Mwoyo Mutukuvu okuva mu igulu, yaidha okubalamba. Ni bamalaika beegomba okubona ku bintu ebyo.

1 Samueli 5:3

Abantu ab'omu Ashidodi bwe baasitukagho ku nkyo ku lunaku olwairirira, baaja okubona ng'ekiwumbe eky'omusambwa Dagoni kigwire n'obweni bwakyo bwatuuka ku itaka, emberi w'Esanduuku ey'Endagaano ya Musengwa Katonda. Agho baakibbeeda baakiiza mu kifo kyakyo.