Zabbuli 97:3 - Baibuli Ekibono kya Katonda 2014

³ Akulembezaamu omuliro, gwaja nga gwokyayokya abazigu be abamwezungulwire.

Zabbuli 97:3 Iomraidhean Croise

Zabbuli 18:8

Omwosi gwamuva mu nhindo, ate enimi edh'omuliro n'amanda agaaka, byamuva mu kanwa.

Zabbuli 18:9

Yaigulagho eigulu yaika ku nsi, nga ghansi gh'ebigere bye ghaligho ekire ekiirugavu bezigizigi.

Zabbuli 50:3

Katonda waife aidha, aye taidha kisiriikiriza; omuliro ogwaka einho gumukulemberamu nga kiwunga ow'amaani amwezungulwire.

Ezekieli 1:4

Bwe nali nga nkaalingiriire, naabona empewo ey'amaani ng'ekunta okuva ku luuyi olw'omukono omugooda olw'e buvandhuba. Naabona n'ekire ekikologho nga kyezungulwirwa okumyansa, era nga kirimu n'omuliro oguli kwaka obutalekera. Ghagati mu muliro ogwo nga ghali kumirimiinha ng'oti kyuma kya kikomo ekizigule.

Danieli 7:10

Ghamberi ghe nga ghali kuvaagho omuliro ogw'amaani ng'oti n'amaadhi bwe gawolomboka mu mwiga. Abantu enkumi n'enkumi nga bali kumugheereza, n'abantu emitwalo n'emitwalo baayemerera agho mu maiso ge. Okusala emisango kwatoolera, n'ebitabo byawumbululwa.

Habakkuku 3:5

Asindika obulwaire bwamukulembera, yaalagira okufa kwamunonereza.

Malaki 4:1

Musengwa Katonda Afuga Amagye akoba ati: “Olunaku luli kwidha abo abeetwala okuba aba ghaigulu n'abakozi ab'ebibi, lwe baliya ng'oti isubi ikalu. Ku lunaku olwo baliya ensaga n'emizi, okutuuka okuweekereragho.

Amateeka Agokubiri 32:22

Obusungu bwange bwidha kutumbuka ng'oti muliro, bwokye kiisi kiri ku nsi kyonakyona. Bwidha kwaka okutuuka e magombe ghansi eyo, bwokye emisingi gy'ensozi.

Amateeka Agokubiri 4:11

“Mukoberenga abaana baimwe nga bwe mwaseeta ni mwemerera ghansi gh'olusozi olwali lughembeibwa ebire ebigemu eby'omwosi omwirugavu, ni lwaka omuliro ni gweruupiika okutuuka ni ku igulu.

Amateeka Agokubiri 4:36

Imwe yabaleetera okuwulira amamiro ge ng'ali mu igulu, asobole okubeegeresa okumuwuliranga. Ni ku nsi yabooleka omuliro gwe ogw'amaani, mwawulira bye yayogerera ghagati ghaagwo.

Amateeka Agokubiri 5:4

Musengwa Katonda yayogera n'imwe maiso ku maiso eyo ku lusozi, ng'ali mu muliro ghagati.

2 Ab'e Thessalonika 1:8

Aliidha n'omuliro ogwaka, yaaleetera abatatya Katonda n'abatagondera Mawulire Malungi aga Musengwa waife Yesu, okudaagadaaga.

Abaheburayi 12:29

kuba Katonda waife muliro gwene oguzikiriza.

Okwolekebwa 11:5

Bwe ghabaagho ayenda okubakolaku akabi, omuliro gubava mu kanwa gwasiriiza abazigu baibwe. Kiisi ayenda kubakola kabi, atyo bw'alifa.

Okwolekebwa 20:15

Era kiisi muntu eyayagaanibwa ng'eriina lye tiryaghandiikibwa mu kitabo kya bulamu, yaasuulibwa mu nhandha ey'omuliro.