Zabbuli 97:2 - Baibuli Ekibono kya Katonda 2014

² Ali ghagati mu bire n'enzikiiza eri bedimudimu, afuga mu butuufu ng'akolera ku mazima.

Zabbuli 97:2 Iomraidhean Croise

Amainhama 18:25

Ekyo tikikoleka! Okwitira abantu abatuufu ghalala n'aboonooni olwo abatuufu ni baba nga baagayaga n'aboonooni! Ekyo tikikoleka! Omulamuzi ow'ensi yoonayoona ali n'okusala omusango mu butuufu.”

Yobu 23:14

Aidha kutuukiriza ekyo ky'antegekeire, era ali n'ebindi kamaala ebiri ng'oti n'ekyo by'ategeike.

Yobu 26:9

Agisa entebe ye ng'agighembaku ebire.

Zabbuli 77:19

Watambula ku nhandha, waakola akagira ku maadhi amangi, aye ebigere mw'obise byaloba kuboneka.

Zabbuli 89:14

Obwakyabazinga bwo bujiira ku kukola ebituufu n'okukola amazima; okugonza kwo okutakoma n'obwesigwa bwo byeyolekera mu buli ky'okola.

Zabbuli 89:15

Wo Musengwa Katonda, nga ba nkabi abo abakukubira emizira, ni batambula nga bagonzi y'oli.

Zabbuli 99:4

Iwe Kyabazinga ow'amaani, toyenda kusaliriza, wataagho ensala ejiira ku mazima, era waaleetagho obutuufu mu Isiraeli.

Okuvaayo 19:9

Agho Musengwa Katonda yaamukoba ati: “Ndidha kwidhira mu kire ekigemu, abantu baghange okuwulira nga ndi kwogera n'iwe, okuva olwo bakwikirizenga buliidho.” Musa, kabiri yaakobera Musengwa Katonda ebyo abantu bye bairamu.

Okuvaayo 20:21

Era abantu baasigala nga bakaayemereire ghala, aye Musa ng'ali kuseeta y'ekire ekigemu Katonda mwe yali.

Ensambo 16:12

Okukola ebibi tikusiimya bakyabazinga naire, kuba obwakyabazinga bujiira ku butuufu.

Nahumu 1:3

Musengwa Katonda alwagho okusungughala, era ali n'obuyinza obutaloodheka. Musengwa Katonda taleka muntu aliku musango nga tamubonereiza. Musengwa Katonda gh'atambulira ghabaagho kiwunga n'empewo eyeezungulula n'amaani. Era ebire, n'ebiba enkungu ebigere bye ye bisiikuula ng'ali kutambula.

Ab'e Roma 11:33

Bwenebwene ekisa kya Katonda n'amagezi ge, n'okumanha kwe, nga tibikoma! By'asalagho tibirowoozeka! Enkola ye nga temanhikana!