Zabbuli 97:10 - Baibuli Ekibono kya Katonda 2014

¹⁰ Musengwa Katonda agonza abo abakyagha ebibi; yaakuuma abantu be abamutya; era yaabatoola mu buyinza obw'ababi, yaabawonia.

Zabbuli 97:10 Iomraidhean Croise

Zabbuli 101:3

Tija kuganhanga kwereeterezaaku kintu kyonakyona kibi. Nkyaghira irala ebikolwa by'abo abava ku Katonda. Tija kukolagananga nabo naire.

Zabbuli 119:104

Mu mateeka go nfunamu okutegeera, kyenva ni nkyagha empisa edh'obuguya dhoonadhoona.

Zabbuli 119:163

Tyenda buguya era mbwenhinhala, aye ngonza inho amateeka go.

Zabbuli 121:7

Musengwa Katonda aja kukuwonianga olobe kugwa mu kabi koonakoona; akukuumenga ng'oli mulamu.

Zabbuli 125:3

Abakozi b'ebibi tibalifuga nsi ya bantu batuufu, kuba abatuufu basobola boona okugwa mu kibi.

Zabbuli 145:20

Musengwa Katonda akuuma obulamu bw'abo abamugonza, aye abakozi b'ebibi boonaboona aidha kubazikiriza.

Zabbuli 31:23

Mugonzenga Musengwa Katonda imwe mwenamwena abamusinza, Musengwa Katonda akuuma abo abamwesiga, aye abonereza nga bwe kigwaniire abo abeetwala nga ba ghaigulu.

Zabbuli 34:14

Ave mu kukola ebibi akole ebituufu, anoonie eidembe era alitambuliremu.

Zabbuli 36:4

Akola entegeka ey'okukola eby'eitima ng'ali mu buliri, yaasituka nga ghazira kirungi kye yeetegeike kukola, era ghazira kibi kimugemya ntete kukola.

Zabbuli 91:14

Kuba Katonda akoba ati: “Ndidha kumutoola aghazibu olw'okuba angonza inho, era ndidha kumukuumanga olw'okuba ayatula eriina lyange, yaalisaaka.

Ensambo 2:8

Akubiriza abantu be okusalanga mu obutuufu, era yaalabirira abo abamutya.

Ensambo 3:7

Iwe mwene oteebonanga ng'omugezi einho, aye tyanga Musengwa Katonda era weekuumenga obutakola bibi.

Ensambo 8:13

Okutya Musengwa Katonda kitegeeza kukyagha kukola bibi. Nze nkyagha okwekuluntaza n'okwetwala ng'owa ghaigulu n'okukola ebibi, era n'okwogera eby'obuguya.

Isaia 45:17

Aye Musengwa Katonda buliidho aidha kulokolanga Isiraeli. Imwe Abaisiraeli ensoni tidhiribagema waire okuswazibwaswazibwa ebyanda n'ebyanda.’ ”

Yeremia 15:21

Ndikutoola mu buyinza bw'ababi, era naakuwonia abakambwe balobe kukukola kabi. Nze Musengwa Katonda, ninze nkobye.”

Danieli 3:28

Agho Nebukadinezzari yaakoba ati: “Katonda wa Shaduraka, ni Meshaki, ni Abedinego asaakibwe. Oyo n'atumye malaika we yaawonia abagheereza be bano abaamwesize, ni badheemera ekiragiro kyange nze kyabazinga. Bataire obulamu bwaibwe mu kabi, mu kifo ky'okugheereza n'okusinza katonda yeenayeena okutoolaku Katonda owaibwe.

Danieli 6:22

Katonda wange yatumye malaika we, yaaziba eminwa egy'empologoma dhaaloba kunkolaku kabi koonakoona, kuba mu maiso ga Katonda oyo nze nziraku musango gwonagwona. Era ni mu maiso go, iwe Isebantu kyabazinga, ghazira kibi kye nakola.”

Danieli 6:27

Awonia era yaalokola abantu, yaakola obumanhiso n'ebyewuunhio mu igulu ni mu nsi. Era n'awoniiza Danieli okwitibwa empologoma.”

Amosi 5:14

Mufubenga okukola obulungi era mweghalenga okukola ebibi, memale mubenga abalamu. Olwo Musengwa Katonda Afuga Amagye anaabanga n'imwe, nga bwe mukoba muti ali n'imwe.

Amosi 5:15

Mukyaghe ebibi, mugonze ebirungi. Musalenga mu mazima mu mbuga dhaimwe edh'amateeka. Oba katyo Musengwa Katonda Afuga Amagye, yaakagemerwa abaliwonagho ku Baisiraeli ekivunika.

Ab'e Roma 12:9

Okugonza kwaimwe kubenga kwa mazima, mulekenga kukola kibi, mukalangukirenga ku kikalamu.

Ab'e Roma 7:15

Titegeera kye nkola kuba tikola kye nhenda kukola, kye ntayenda kukola kye nkola.

Ab'e Roma 7:24

Ye nze okudaaga! Naani alimponia omubiri guno oguntwala mu kufa?

1 Ab'e Korintho 8:3

Aye omuntu bw'agonza Katonda, Katonda amumanha.

2 Ab'e Thessalonika 3:2

Era mutusabire tuwone abantu ababi kuba okwikiriza ekibono tikwa boonaboona.

Yakobo 1:12

Omuntu agumira okulebwa wa nkabi, kuba bw'abita mu kugezesebwa okwo, aligheebwa obulamu ng'ekirabo Katonda kye yasuubiza abo abamugonza.

Yakobo 2:5

Aboluganda abagonzi, muwulire kino: Katonda yalonda abaavu ab'oku nsi kuno okuba abakombe mu kwikiriza, era n'okuba mu Bwakyabazinga bwe yasuubiza abo abamugonza.

1 Petero 1:5

Era olw'okwikiriza kwaimwe, Katonda abakuuma n'amaani ge era alibalokola ku nkomerero nga bwe yategeka.

1 Petero 1:8

Waire nga Yesu oyo timumubonangaku, mumugonza, era waire timumubona buti, mumwikiriza era mwasagamba ebitaloodheka.

1 Yoanne 4:19

Tugonza kuba mwene n'eyasooka okutugonza.

1 Yoanne 5:18

Twidhi ng'oyo yeenayeena azaalibwa Katonda takola kibi, kuba oyo Omwana wa Katonda amukuuma, omubi yaaloba kumutuukaku.

Okwolekebwa 13:8

Abantu ab'oku nsi abo abataaghandiikibwa mu kitabo kya bulamu ng'ensi ekaali kutondebwa, balisinza ekisolo ekyo. Ekitabo ekyo kya Ntaama Nto ere eyaitibwa.