Zabbuli 96:2 - Baibuli Ekibono kya Katonda 2014

² Mwembere Musengwa Katonda mumusaake, mukoberenga abantu buli kaakyeire nga bwe yatulokola.

Zabbuli 96:2 Iomraidhean Croise

1 Ebyomubyanda 29:20

Agho Daudi yaakoba abantu boonaboona abaali beesoloiza ati: “Musaake Musengwa Katonda, oyo Katonda waimwe.” Kale abantu boonaboona abaali beesoloiza baasaaka Musengwa Katonda, Katonda wa badhaadha baibwe. Baakuba amakiryaivu era baakutama n'ebyeni byatuuka ku itaka, baasinza Musengwa Katonda era baagha ni kyabazinga ekitiibwa.

Zabbuli 103:20

Musaake Musengwa Katonda imwe bamalaika be mwenamwena ab'amaani, abawulira ebiragiro bye era abagondera by'akoba.

Zabbuli 145:1

Wo Katonda wange era Kyabazinga wange, ndidha kukusaakanga olw'obukulu bwo, era nkusiimenga ebyanda n'ebyanda.

Zabbuli 145:10

Wo Musengwa Katonda, ebitonde byo byonabyona biidha kukusaakanga, n'abantu bo boonaboona abakutya baidha kukusiimanga.

Zabbuli 145:2

Buli kaakyeire ndidha kukusiimanga era nkusaakenga ebyanda n'ebyanda.

Zabbuli 40:10

Tyasirikira mu mwoyo gwange mawulire malungi ag'okulokolwa. Buliidho nkobera abantu ku bwesigwa bwo ni ku buyambi bwo. Era nga ndi mu bantu bo abeesoloiza okukusinza, tyaloba kwogera ku kugonza kwo okutakoma, ni ku bwesigwa bwo.

Zabbuli 71:15

Omusana n'obwire ndidha kukoberanga abantu ebikolwa byo eby'obutuufu, mbakoberenga n'ebyo eby'obulokozi, waire nga tisobola kubitegeera kubimalayo.

Isaia 40:9

Iwe aleetera Sioni amawulire amalungi, niina ghaigulu ku lusozi oluleeyi. Iwe aleetera Yerusalemu amawulire amalungi, kangula ku mamiro, oyogere n'amaani. Okobe ab'omu bibuga by'e Buyudaaya, oti: “Mubone, Katonda waimwe wuuyo aidha!”

Mariko 16:15

Agho yaabakoba ati: “Muje mu nsi yoonayoona mukobere ebitonde byonabyona Amawulire Amalungi.

Ebikolwa by'Abatume 13:26

“Imwe aboluganda baidhukulu ba Aburahamu n'imwe abandi mwenamwena abatya Katonda, obukwenda buno obw'obulokozi bwagheebwa ife.

Ab'Efeso 1:3

Katonda era Lata wa Musengwa waife Yesu Kurisito, eyatugha mu Kurisito kiisi mukisa gwa Mwoyo oguva mu igulu, agheebwe ekitiisa.

Okwolekebwa 5:13

Era naawulira buli kitonde mu igulu, ni ku nsi, ni ghansi mu bafu, ni mu nhandha, byonabyona nga bikoba biti: “Oyo atyaime ku kityamo eky'obwakyabazinga era n'Entaama Ento, asaakibwe, agheebwe ekitiisa, asinzibwe, era abenga wa maani ebyanda n'ebyanda!”