Zabbuli 94:7 - Baibuli Ekibono kya Katonda 2014

⁷ Bakoba mule bati: “Musengwa Katonda tatubona. Katonda wa Yakobo tafaayo.”

Zabbuli 94:7 Iomraidhean Croise

Zabbuli 59:7

Wulira bwe bawowoigana nga baasaime. Ebibava mu kanwa mpiima dheene edhifumita, aye ng'ate balowooza bati ghazira ali kubawulira.

Isaia 29:15

Bakagwireku abo abagezaaku okukweka ku Musengwa Katonda entegeka dhaibwe, era bye bakola ni biba bya mu nzikiiza, nga bakoba bati: “Naani atubona? Era naani aidhi bye tukola?”

Isaia 47:10

Waja weesigulira ku kukola ebibi, waalowooza oti ghazira akubona. Amagezi go n'okumanha kwo byakuleetera okudaaliima, waakoba mule oti, ‘Ninze aligho, ezirayo wundi okutoolaku nze.’

Ezekieli 8:12

Katonda yankoba ati: “Iwe omuntu, oboine abakulembeze ab'eighanga lya Isiraeli bye bali kukola mu nzikiiza? Buli muntu ali kusinziza mu kisenge omuli ebifaananie. Bakoba bati, ‘Musengwa Katonda tatubona, era yalekulira agho ensi yaife.’ ”

Ezekieli 9:9

Katonda oyo yandhiramu ati: “Ebibi eby'eighanga Isiraeli ni Buyudaaya bibitiriire obungi. Ensi yaibwe eidhwire ebikolwa eby'obutemo, n'ekibuga kyaidhula obutajiira ku mazima. Bakoba bati, ‘Musengwa Katonda yalekulira agho ensi yaife, era tatubona.’

Zefania 1:12

“Mu kiseera ekyo nja kutoola entaala nje nga ndhagaaza mu Yerusalemu mwonamwona. Nja kubonereza abantu boonaboona abali obulungi abazira kibeeraliikiriza, abakoba mule bati, ‘Musengwa Katonda ghazira ky'aidha kukola, ka kibe ekirungi oba ekibi.’