Zabbuli 94:4 - Baibuli Ekibono kya Katonda 2014

⁴ Ababi boonaboona beesaaka olw'ebikolwa byaibwe ebibi bye bakola.

Zabbuli 94:4 Iomraidhean Croise

Yobu 20:5

eisanhu ly'omubi likoma mangu; omuntu atatya Katonda asangaalaku kaseera buseera.

Zabbuli 125:5

Aye abo abaleka ebiragiro byo ni badaaliima, babonereze ghalala n'abakozi ab'ebibi. Emiraala gibe mu Isiraeli.

Zabbuli 140:3

Enimi dhaibwe dhiita ng'oti misota; n'eminwa gyaibwe giri ng'oti girimu busagwa bwa kiyiri.

Zabbuli 31:18

Sirisa abaguya abo kuba baidhwire okwebona. Boogera bubi ku bantu abatuufu nga babanhoomerera.

Zabbuli 52:1

Iwe ow'amaani, lwaki weesaaka olw'ebibi by'okola ku abo abatya Katonda? Olunaku lwonalwona

Zabbuli 59:12

Ka basigale nga bagemeibwa mu kwebona kwaibwe, ng'oti n'ensolo bw'egwa mu lutuula. Kuba boonoona n'eminwa gyaibwe, na kiisi kibono kye boogera. Era olw'okuba bakolima era baaguya,

Zabbuli 59:7

Wulira bwe bawowoigana nga baasaime. Ebibava mu kanwa mpiima dheene edhifumita, aye ng'ate balowooza bati ghazira ali kubawulira.

Ensambo 30:14

Abandi bakambwe inho, nga bali n'amaino ng'oti mpiima dheene, era ng'oti biso byene. Banhunhunta abaavu n'abaghafu kwenda bwa kubamaliriragho ku nsi.

Yeremia 18:18

Agho abantu beeteesa bati: “Mwidhe tubeeku ni kye tukola Yeremia ono. Ni bwetunaamutoolagho, tituja kubula bakabona ba kutugalagiranga, era tituja kubula bagezi ba kwebuuzangaku, waire okubulwa abalanzi abatukobera obukwenda bwa Katonda. Ka tumuteeku emisango, era tulekere okuwulirisanga by'akoba.”

Danieli 7:11

Bwe nali nga nkaalingiriire, naawulira ng'akayiga kali kwogera eby'okwesuutasuuta. Naja okubona ng'ekisolo ekyokuna bakiise, omulambo gwakyo gwagheebwayo okwokebwa omuliro.

Danieli 7:25

Alyogera bubi ku oyo Ali Ghaigulu Yeene, era yaadaazadaaza abatukuvu b'oyo Ali Ghaigulu Yeene. Aligezaaku okukyusa ebibinuko ebyabalagirwa n'amateeka agaabagheebwa. Era abantu ba Katonda abo baliba mu buyinza bwe okumala emyaka esatu n'ekitundu.

Danieli 7:8

Nali nkeerolera amayiga ago, okuja okulinga nti nga mbona akayiga akatono nga kali kukukunuka okuva mu ago eikumi. Era kaamala kaighagho amayiga asatu ku ago eikumi agaasookagho. Akayiga ako kaaliku amaiso ng'oti ga muntu, era kaabaaku n'omunwa nga guli kwogera eby'okwesuutasuuta.

Danieli 8:11

Keekudumbaza inho, kaatuuka n'okwesonsa ku Mulangira akulira amagye ag'omu igulu. Kaalekera agho okumugha ebigheebwayo ebyokebwa ebya buli lunaku, kaayonoona n'eisinzizo lye.

Matayo 12:24

Aye Abafarisaayo olwakiwulira baakoba bati: “Ono emizimu emibi tagibinga na buyinza bundi, okutoolaku obwa Beelezebulu omukulu waagyo.”

Matayo 12:34

Imwe eizaire ery'emisota, musobola mutya okwogera ebikalamu nga muli babi! Ebiidhwire mu mwoyo, omunwa ti bye gwogera?

1 Samueli 2:3

Mulekere agho okwogera nga mwesuuta, mukomye ebibono eby'okwesaaka; kuba Musengwa Katonda ni Katonda aidhwire okumanha, era alamula ebikolwa eby'abantu.