Zabbuli 93:5 - Baibuli Ekibono kya Katonda 2014

⁵ Wo Musengwa Katonda, amateeka go geesigika era bwenebwene esinzizo lyo itukuvu ebyanda n'ebyanda.

Zabbuli 93:5 Iomraidhean Croise

2 Ebyomubyanda 29:5

Yaabakoba ati: “Imwe Abalevi mumpulirise. Mukole mwetukuze, era mutukuze n'eisinzizo lya Musengwa Katonda, Katonda wa badhaadha baimwe. Ekifo ekitukuvu kino mukitoolemu ebyo byonabyona ebikireetera okwonooneka.

Zabbuli 119:111

By'okoba mbitwala ng'omugabo ogwange ku bwange ebyanda n'ebyanda; bwenebwene mu ebyo n'omuva okusangaala okw'omwoyo gwange.

Zabbuli 119:129

By'okoba bikalamu inho kyenva ni mbigondera n'omwoyo gwange gwonagwona.

Zabbuli 119:138

Bye wakoba byonabyona bituufu, byesigika ekiseera kyonakyona.

Zabbuli 119:144

By'okoba byonabyona bituufu, biziramu kwekubira ebyanda n'ebyanda; mpa okubitegeeranga nsobole okuba omulamu.

Zabbuli 29:2

Mwatule muti eriina lya Musengwa Katonda liri n'ekitiisa, musinze Musengwa Katonda ng'aboneike mu butukuvu bwe.

Zabbuli 99:5

Musaake Musengwa Katonda waife, mumusinze nga muli mu maiso ag'ekityamo kye eky'obwakyabazinga, kuba mutukuvu!

Zabbuli 99:9

Musaake Musengwa Katonda waife, mumusinze nga muli ku lusozi lwe olutukuvu; kuba Musengwa Katonda waife mutukuvu.

Okuvaayo 28:36

Agho Musengwa Katonda yaalagira Musa ati: “Era oidha kukola akabaati aka zaabu omukenenule okaghandiikeku ng'oti n'ole asala obumanhiso mu mabaale bw'akola oidha kughandiikaku oti, ‘Yayawulibwa nga wa Musengwa Katonda.’

Isaia 52:11

Muje, muje, muve mu Babiloni, imwe ababbeeda ebintu ebikozesebwa mu isinzizo lya Musengwa Katonda. Mutagema ku kintu kyonakyona ekitali kirongoofu. Muje mwekuume nga muli balongoofu.

Isaia 8:20

Mubairangamu muti: “Ka twekalangulire ku ebyo Musengwa Katonda bye yatusikirira ni bye yatwegeresa.” Bwenebwene abo abatajiira ku ebyo nga bwe biri, tibalikyesa bwire nga bakaali kufa.

Ezekieli 43:12

Lino n'eiteeka ery'eisinzizo: Ekifo kyonakyona ekyezungulwire eisinzizo agho ku ngulu kw'olusozi, kifo kitukuvu inho. Eryo n'eiteeka ly'eisinzizo.”

Abalevi 10:3

Agho Musa yaakoba Aaroni ati: “Kino Musengwa Katonda kye yayogeraku bweyakoba ati, ‘Ndyeyoleka nga ndi mutukuvu mu abo abampeereza, era nnaasaakibwanga mu maiso g'abantu boonaboona.’ ” Aye Aaroni yaasirika busirike.

Abalevi 19:2

akobere ekikunsu kyonakyona eky'Abaisiraeli ati: “Mubenga batukuvu, kuba nze Musengwa Katonda waimwe ndi omutukuvu.

Matayo 24:35

Eigulu n'ensi biriwaagho aye ebibono byange tibiriwaagho.

Yoanne 4:24

Katonda Mwoyo, era abamusinza bagwaine okumusinza mu Mwoyo ni mu mazima.”

Abaheburayi 12:14

Mufaabiikanenga okuba n'emiraala y'abantu boonaboona era mufaabiikanenga okuba n'obutukuvu, kuba aghazira obwo, ghazira alibona Musengwa.

Okwolekebwa 21:27

Aye tikiringiramu kintu kitali kirongoofu, waire omuntu akola ebyenhinhalwa oba omuguya, okutoolaku abo bonka abaaghandiikibwa mu kitabo eky'obulamu eky'Entaama Ento.