Zabbuli 92:4 - Baibuli Ekibono kya Katonda 2014

⁴ Wo Musengwa Katonda, nasangaala inho olw'ebyo eby'amaani bye wakola; naayemba n'eisanhu olw'ebyo bye wakola n'engalo dho.

Zabbuli 92:4 Iomraidhean Croise

Zabbuli 104:31

Ekitiisa kya Musengwa Katonda ka kibengagho ebyanda n'ebyanda, era kiisi Musengwa Katonda ky'akola kimuleeterenga okusangaala.

Zabbuli 104:34

Nsaba Musengwa Katonda asiime olwembo lwange, kuba okusagamba kwange kuva y'ali.

Zabbuli 126:3

Mu butuufu Musengwa Katonda atukoleire ebyewuunhisa era tusangaire.

Zabbuli 143:5

Ndidhukira ebiseera ebyabita, neefumintiriza ku ebyo byonabyona bye wakola, era neetegereza ebyo byonabyona by'ojiire ng'oleetagho.

Zabbuli 33:2

Mukube endingidi nga musaaka Musengwa Katonda, mutabulemu n'entongooli ey'enkosi eikumi.

Zabbuli 64:10

Abatuufu ka basagambe, kuba Musengwa Katonda by'abakoleire bikulu, era ka beeyune gh'ali bawone abazigu. Abo abagondera ebiragiro bya Katonda ka basaake Musengwa Katonda.

Zabbuli 8:6

Wamugha okufuga ebintu byonabyona bye wakola. Ebintu byonabyona waabita mu buyinza bwe,

Zabbuli 90:16

Yoleka abagheereza bo eby'amaani by'okola; oyoleke n'abaidhukulu baibwe obukumu bwo obw'ekitiisa.

Yeremia 31:7

Musengwa Katonda akoba ati: “Mwembe n'amaani nga musagamba ku lwa Isiraeli. Mukubire emizira eighanga erisinga agandi goonagoona obukologho. Mwembe olwembo lwaimwe olusaaka, mulangirire muti, ‘Musengwa Katonda alokoire abantu be Abaisiraeli abaawonagho.’

Luka 1:47

Omwoyo gwange gusangaaliire mu Katonda omununuzi wange.

Yoanne 16:22

Mperaano mwena muwulira, enaku aye ndidha kabiri kubabona era emyoyo gyaimwe gisagambe. Era okusagamba okwo ghazira muntu yeenayeena alikubatoolaku.

2 Ab'e Korintho 2:14

Aye Katonda yeekaza kuba buliidho ng'abita mu Kurisito atutuusa ku kugabana ku bughanguzi bwa Kurisito oyo, era yaatukozesa mu kubunisa amawulire ga Kurisito woonawoona, ng'oti n'akawoowo bwe kabuna woonawoona.

Okwolekebwa 18:20

Imwe mwenamwena abali mu igulu musagambe, kuba azikiriziibwa! N'imwe abatuukirivu, n'abatume, n'abalanzi musagambe! Kuba Katonda amusaliire omusango gwamusinga olw'ebyo bye yabakola.”