Zabbuli 92:13 - Baibuli Ekibono kya Katonda 2014

¹³ Bali ng'oti n'emiti egyasimbwa mu ndhu ya Musengwa Katonda, era bakula bukalamu mu isinzizo lya Katonda waife.

Zabbuli 92:13 Iomraidhean Croise

2 Ebyomubyanda 4:9

Yaakola oluya olwa bakabona, era n'oluya olukologho. Endhigi edh'oku mulyango ogwali ghagati gh'empya edho dhombi yaadhirimbyaku ekyuma eky'ekikomo.

Zabbuli 100:4

Mungire mu miryango gy'eisinzizo lye nga mumusiima, mutuuke ku mpya dhe nga mumusaaka. Mumusiime era musaake eriina lye,

Zabbuli 116:19

ghano mu Yerusalemu, mu mpya edh'eisinzizo lyo. Mwenamwena musaake Musengwa Katonda!

Zabbuli 135:2

Musaake Musengwa Katonda imwe ababa mu ndhu ye mu luya olw'endhu ya Katonda waife.

Olwembo 4:11

Iwe omugole wange, omunwa gwo gudhuudhuula ng'oti guliku mudheenene gwa ndhuki. Olulimi lwo luwoomerera ng'oti luliku bwa mudheenene gwa ndhuki na mata. Ebivaalo byo biwunha ng'oti n'obuwoowo bwonabwona obw'e Lebanoni.

Olwembo 5:15

Amagulu ge malungi ng'oti n'empango dhe baakola mu mabaale ag'omughendo agamirimiinha, ni badhita mu bikolo ebya zaabu. Era wa kitiibwa ng'oti n'ensozi edh'e Lebanoni, n'emiti gyaku emivule egyegombebwa.

Isaia 60:21

Abantu bo boonaboona balikolanga ebituufu, era baatwala ensi yaaba yaibwe ebyanda n'ebyanda. Baliba lusaga nze mwene lwe neesimbira era omulimo nze mwene gwe neekolera, nsobole okugheebwanga ekitiisa.

Isaia 61:3

Era yantuma eri abo abali mu Sioni, mbavaaze engule ku mitwe gyaibwe mu kifo ky'eivu lye beebbaase. Era mbaleetere okusangaala mu kifo eky'okunakughala, mbaleetere n'olwembo olw'okusaaka mu kifo eky'okuba mu bughafu. Olwo babe ng'oti n'emiti emikologho Musengwa Katonda mwene gye yeesimbira; era bakolenga ebituufu ebireetera Musengwa Katonda oyo okugheebwa ekitiisa.

Hosea 14:5

Ng'amaadhi bwe gagwa ku itaka eikalu ni linoga amaadhi obukalamu, zeena ntyo bwe ndigha Abaisiraeli ebirungi kamaala. Baliba ng'oti kisimbe ekimuliisa ekimuli, era baasimba emizi mu itaka, baagumiragho ng'oti miti emipopulari egy'e Lebanoni.

Ab'e Roma 11:17

Aye oba nga ensaga edhindi edh'omuti omwoliva ogw'omu nimiro dhaawogolwaku, iwe ng'olusaga olw'omuti omwoliva ogw'omu nsiko, waateebwa mu kifo kyadho okugabana ku bugimu bwa gwo,

Ab'e Roma 6:5

Kale oba nga twafiira ghalala naye, bwenebwene tulizuukirira ghalala naye.

Ab'Efeso 3:17

Kurisito abe mu myoyo gyaimwe olw'okwikiriza kwaimwe. Musimbire irala emizi mu kugonza era mukalangukiremu.

2 Petero 3:18

Aye mukule mu kuyambibwa ni mu kumanha Musengwa waife era Omulokozi Yesu Kurisito. Oyo agheebwenga ekitiisa mperaano ni mu byanda ebiidha. Amiina.