Zabbuli 92:12 - Baibuli Ekibono kya Katonda 2014

¹² Abatuufu baja kweyongeranga okuba obulungi ng'oti n'omuti omunaazi, era bakule ng'oti n'emivule egy'e Lebanoni.

Zabbuli 92:12 Iomraidhean Croise

1 Bakyabazinga 4:33

Yayogera ku miti, okuva ku muvule ogw'omu Lebanoni, okutuuka ku kati akeetebwa hissopu, akamera ku bimante. Yaayogera ni ku nsolo, ni ku nhonhi, ni ku byeghaluliza ku itaka, ni ku byenhandha.

1 Bakyabazinga 6:29

Yaadholiga ku bimante eby'omu Kifo Ekitukuvu Einho n'eby'omu isinzizo lyonalyona, ng'atonaku ebifaananie ebya bikerubi, n'eby'emiti eminaazi, n'eby'ebimuli ebyandhulwiza.

Zabbuli 1:3

Ali ng'oti n'omuti ogwasimbibwa ku mwiga, ogwama ebibala mu biseera byagwo, era oguli n'amakaba agataniala. Ghazira ky'akola ni kimufiiririra.

Zabbuli 104:16

Emiti gya Musengwa Katonda gifuna amaadhi kamaala agagwa, era egyo nga n'emivule egy'e Lebanoni mwene gye yasimba.

Zabbuli 148:9

Mumusaake imwe ensozi n'obusozi mwenamwena, imwe emiti egy'ebibala n'emiti egy'omu nsiko;

Zabbuli 37:34

Weesige Musengwa Katonda okolenga nga bw'alagira, aja kukugha ekitiisa otwale ensi, era obone ng'ababi bawaagho.

Zabbuli 52:8

Aye nze ndi ng'oti n'omuti omwoliva omugimu, ogukulira mu ndhu ya Katonda. Nkakasa nga Katonda aidha kungonzanga obutalekera ebyanda n'ebyanda.

Zabbuli 72:7

Abantu abatuufu beeyongerenga okwala mu nnaku dhe, abantu babenga mu miraala okutuusa omwezi lwe guliwaagho.

Zabbuli 92:7

ati waire ababi bamera ng'oti isubi, abakozi b'ebibi kiisi kye bakola ni kibalamira, baategekerwa kuzikirira okw'olubeerera.

Isaia 55:13

Emiti emisipuressi girimera aghabaire emiwa; n'eminaazi gyaira mu kifo ky'enkandwa. Ako kaliba kamanhiso akatalivaagho ebyanda n'ebyanda, ak'okwidhukirirangaku nze Musengwa Katonda bye nkola.”

Isaia 65:22

Ole talizimba ndhu, kabiri omuntu wundi n'agibaamu. Era ole talisimba kintu, kabiri owundi n'akirya. Ng'emiti bwe gighangaala emyaka kamaala, n'abantu bange batyo bwe balighangaala. Abantu bange abo be nalondamu, balirwagho nga bakaalya ku bintu byaibwe bye baafaabiikanira.

Yeremia 17:8

Ali ng'oti n'omuti ogwasimbibwa ku mwiga, ogukunkunia emizi gyagwo ni gituuka ku maadhi. Tigutya musana ni bwe gwaka okwaga gha, kuba amakaba gaagwo gasigala nga ti maniavu. Ghazira kigweraliikiriza oba amaadhi gagwa oba tigagwa, kuba buli kiseera gutaaku ebibala.”

Amosi 2:9

“Ate nga ku lwaibwe nze nazikiriza nasaaniagho Abamori, abaali abaleeyiriri ng'oti mivule era ab'amaani ng'oti n'emiti emikologho.

Mika 7:10

Ekyo abazigu baife baidha kukibona baswale abo abaatuyeeyerezanga nga bakoba bati: “Musengwa Katonda waimwe ali gha?” Tulisangaala okubona nga batyankirirwa mu nguudo ng'oti bityanka!

Okubala 24:6

Ebifo ebyo biri ng'oti biiko ebyegolomoire, era ng'oti nimiro edhiri ku mbali okw'omwiga. Biri ng'oti miti egiri n'akawoowo k'alowe, Musengwa gye yasimba era ng'oti mivule egiri kumpi n'amaadhi.