7 Iwe bw'osungughala, obusungu bwo butuzikiriza; ekiruyi kyo kyatutiisa twawaamu.
Iwe okangaivula omuntu ng'omudhuuka olw'ebibi bye, era omuntu ky'atwala okuba eky'omughendo iwe okizikiriza, ng'oti n'ekintu ekiriiriibwa ekisiisa. Bwenebwene buli muntu muuka buuka gwa mu nhindo!
bazikirize mu busungu bwo; bazikirize bagheekereregho irala. Abantu boonaboona bakimanhe nga Katonda n'afuga mu Isiraeli, n'okutuukira irala ensi y'ekoma.
Kyeyava n'aleetera enaku dhaibwe okuwaagho amangu ng'oti muuka gwa mu nhindo n'enkomerero y'emyaka gyaibwe n'eba ya kikutuko.
Naani aidhi amaani g'obusungu bwo kye gasobola okukola? Era naani ategeera obusungu bwo nga bwe butiisa?
Obusungu bwo busala ku nnaku edh'obulamu bwaife; obulamu bwaife bwawaagho mangu geene.
Aye agho obwire nga buli kumpi okukya, Musengwa Katonda ng'ali mu muliro n'ekire, ebiri ng'oti mpango, yaalinga ghansi ku Bamisiri yaabaleetera okutya n'okusoberwa.
Watambula mu nsi ng'oliku ekiruyi, era waatyankirira amaghanga mu busungu obungi.
Era ni baani Katonda be yasungughalira okumala emyaka amakumi ana (40)? Ti n'abo abaayona, ni bafa era emirambo gyaibwe ni gisigala mu irungu?