Zabbuli 90:10 - Baibuli Ekibono kya Katonda 2014

¹⁰ Emyaka gyaife egy'obughangaazi giri nsanvu, oba kinaana, bwe tuba abagumu. Aye ng'ate giidhwire okufaabiikana n'ebizibu kamaala, era giwaaku mangu twabulagho.

Zabbuli 90:10 Iomraidhean Croise

Amainhama 47:9

Yakobo yairamu ati: “Emyaka gye naakamala ku nsi, nga ntambulatambula ng'omusenze, giri kikumi n'asatu. Emyaka egyo gibaire mizibu era nga mitono, tigyaze na myaka emingi badhaadha bange gye baamala ku nsi nga batambulatambula ng'abasenze.”

Amainhama 6:3

Agho Musengwa Katonda yaakoba ati: “Omwoyo gwange tigwidha kusigalanga mu muntu byanda na byanda, kuba omuntu mubiri bubiri ogufa enaku edh'obulamu bwe tidhija kuswikanga myaka kikumi n'abiri (120) .”

2 Samueli 19:35

Buti ndi ku myaka kinaana (80) egy'obukulu. Nkaasobola okwawulagho ekisanhusa n'ekitasanhusa? Nze omugheereza wo nkaasobola okuwoomerwa bye ndi kulya oba bye ndi kunhwa? Nkaasobola okuwulirisa amamiro ag'abasaadha n'ag'abakazi abali kwemba? Kale lwaki nze omugheereza wo neeyongera ku mugugu gw'oli nagwo, iwe Isebantu kyabazinga?

2 Samueli 19:36

Nze omugheereza wo ndidha kukugherekeraku katono, nkusomose omwiga Yorudani. Kale onsasulira ki empeera eyaga agho?

1 Bakyabazinga 1:1

Mu kiseera ekyo kyabazinga Daudi yali ng'akairiighe inho, era nga waire bamubwika ebyebwiko ebigheraku, nga tasuugha.

Yobu 14:10

Aye omuntu afa yaaweeramu irala; bw'agheera ogw'enkomerero aba nga takaaligho.

Yobu 20:8

Alibulagho ng'oti kirooto oba ng'oti kubonekerwa kwa mu bwire. Era taliirayo kubonekaku kabiri.

Yobu 24:24

Ababi babaaku bukalamu kumala bwa ntangama, oluvainhuma baabulagho. Batoolebwagho ng'abandi boonaboona; baaba ng'oti n'ebifaaganda eby'engaano ebisaliibwa ku kikolo.

Yobu 5:7

Aye abantu beene n'abaazaalirwa okuba n'ebizibu, ng'oti n'obusambuka bw'omuliro bwe busambukira ghaigulu nga buva ku muliro.”

Zabbuli 78:39

ng'aidhukira bwe bali abantu obuntu abafa, abali ng'oti mpewo efuuwa n'ebulagho.

Isaia 38:12

Obulamu bwange bwantoolebwaku era bwaja nga buweekereragho, ng'oti ni weema ey'omwayi ye basimbwiregho; era ng'oti n'ekighero kye basaze ku lugoye. Omusana gwonagwona n'obwire bwonabwona naalowoozanga nti Katonda aja kumalagho obulamu bwange.

Abalevi 27:7

Bw'anaabanga omusaadha aswisa mu myaka enkaaga anaanunulwanga ebitundu ikumi na bitaanu (15) ebya feeza. Ate omukazi nga yeena aswisa mu myaka enkaaga anaanunulwanga ebitundu ikumi (10) ebya feeza.

Luka 12:20

Aye Katonda yaamukoba ati, ‘Musiru iwe! Obwire bwaleero omwoyo gwo guja kukutoolebwaku, olwo ebyo by'otegeike bija kuba by'ani?’

Amateeka Agokubiri 34:7

Musa yaja okufa ng'agheziiza emyaka kikumi n'abiri egy'obukulu. Aye yali ng'akaabona bukalamu, era ng'akaali wa maani.

Yakobo 4:14

ng'ate timwidhi bya nkyo. Aye obulamu bwaimwe mwidhi bwe buli? Buli ng'oti lufu bufu olubaaghooku akaseera obuseera ate ni luwaagho.

Yoshua 14:11

Nkaali n'amaani gange ng'oti ni bwe nali nago Musa ghe yantumira. Ndimu amaani ag'okulwana oba okukola ekintu ekindi kyonakyona.