Zabbuli 9:6 - Baibuli Ekibono kya Katonda 2014

⁶ Abazigu bawoiregho ebyanda n'ebyanda, ebibuga byaibwe wabizikiriza, era tibaja kwidhukirwa naire.

Zabbuli 9:6 Iomraidhean Croise

2 Bakyabazinga 19:25

Towulirangaku ng'ebyo byonabyona nabitegeka ira nga byakubaagho? Ebyo bye ndeeteire okubaagho mpegaano, nabyekoota ira mu biseera ebyabita. Kyewava n'ozikiriza ebibuga ebyezungulwirwa ebimante, ni bifuuka bwa mmungo ya bimunku.

Yobu 18:17

Balimwerabirira irala ku nsi, ghaabulagho amwidhukira naire.

Zabbuli 34:16

Aye abo abakola ebibi abakambughalira, bwe bafa abantu ab'oku nsi baabeerabira.

Zabbuli 34:17

Abatuufu bwe basaba okubeerwa, Musengwa Katonda abawulira yaabawonia, era yaatoolagho ebizibu byaibwe byonabyona.

Zabbuli 46:9

Alekeza okulwana entalo mu nsi yoonayoona; yaakutulakutula mu bulaso, era yamenhamenha amafumo, n'engabo yaadhikumaku omuliro.

Zabbuli 7:5

kale leka abankiriga bangeme, oba bankube enume ey'ekigwo, bandhite, era bandeke mu nkungu nga nfiire.

Zabbuli 8:2

kisaakibwa ku minwa egy'abaana abato n'abo abayonka. Wataagho ekimante olw'abo abakola by'otayenda, okulobera abakulwanisa, n'abenda okulwana enzigu.

Okuvaayo 14:13

Aye Musa yaabairamu ati: “Mutatya, imwe mube bube bagumu, mwidha kubona Musengwa Katonda ky'anaakola okubawonia Abamisiri abo olwaleero luno. Kuba Abamisiri abo be muli kubona olwaleero timuja kwirayo kubabona kabiri.

Okuvaayo 15:16

Baatya baawaamu, olw'ebyo omukono gwo bye gwakola eby'amaani. Baaba agho nga basiriike ng'oti mabaale, okutuusa abantu bo, Iwe Musengwa Katonda, bwe baabitagho; abantu bo be watoola mu bwiru.

Isaia 14:17

Bwenebwene n'ole eyazikirizanga ebibuga, n'ensi n'agifuula eirungu, era ataalekulanga basibe kwirayo waibwe?’

Isaia 26:14

Abo buti bafu era tibaliiramu kabiri kuba balamu; abo buti mizimu buzimu egitaja kwiramu bulamu naire. Kuba wababonereza waabazikiriza, era tighalibaagho abaidhukira kabiri.

Isaia 37:26

Towulirangaku ng'ebyo byonabyona nabitegeka ira nga byakubaagho? Ebyo bye ndeeteire okubaagho mpegaano, nabyekoota ira mu biseera ebyabita. Kyewava n'ozikiriza ebibuga ebyezungulwirwa ebimante ebigumu, ni bifuuka bwa mmungo ya bimunku.

Yeremia 51:25

Iwe Babilonia, oli ng'oti lusozi oluzikiriza ensi yoonayoona. Aye nze Musengwa Katonda mwene ndikukolaku. Ndigolola omukono gwange naakumaniangulamaniangula, naakuleka ng'oli bwa ivu, ng'oti n'olusozi lwe bookiikya omuliro.

Mika 7:10

Ekyo abazigu baife baidha kukibona baswale abo abaatuyeeyerezanga nga bakoba bati: “Musengwa Katonda waimwe ali gha?” Tulisangaala okubona nga batyankirirwa mu nguudo ng'oti bityanka!

Mika 7:8

Abazigu baife, mulobe kutusekerera mbu kuba tugwire. Tuja kusituka! Waire tuli mu nzikiiza buti, Musengwa Katonda aidha kutugha obutangaavu.

1 Ab'e Korintho 15:26

Omuzigu y'alisembyayo okuzikiriza, ni kufa.

Okwolekebwa 20:2

Yaagema ogusota ogunene ogw'eira ogumanhiibwa ng'Omukemi era Sitaani, yaagusibira emyaka lukumi (1,000) ku ludhegere,

1 Samueli 30:1

Agho Daudi n'abasaadha be baatuuka e Zikulaga ku lunaku olwokusatu. Baayagaana nga Abamaleki balumbye ekiketezo kya Buyudaaya ekikalukalu ku luuyi olw'omukono omusaadha olw'e buvandhuba, era nga balumbye n'ekibuga Zikulaga baakighangula, baakyokya omuliro.

1 Samueli 31:7

Abaisiraeli abaali ku luuyi lule olw'ekiiko, n'abo abaali ere ng'osomoike Yorudani, bwe baabona ng'eigye lya Isiraeli lirumwike era nga Saulo ni batabane be bafiire, baalekulira agho ebibuga byaibwe, baalumuka. Abafilisiti baidha baabibaamu.