Zabbuli 9:16 - Baibuli Ekibono kya Katonda 2014

¹⁶ Musengwa Katonda yeeyoleike ng'asala omusango mu butuufu, era abakozi b'ebibi beetegamu beene n'ebikolwa byaibwe byene.

Zabbuli 9:16 Iomraidhean Croise

2 Bakyabazinga 19:19

Wo Musengwa Katonda waife, mpegaano ni tukweghemba otuwonie, otutoole mu ngalo edh'Abassiria. Olwo abantu abamaghanga agandi boonaboona baghange okumanha nga iwe, Musengwa Katonda, niiwe Katonda wenka.”

Yobu 18:9

Omutego gumugemye ekibbonge gwamukalangula.

Zabbuli 11:6

Aja kulagira omuliro ogw'amanda n'obuganga bwa salufa, okumagalika ng'oti maadhi ku bakozi b'ebibi, n'empewo ebabula okubafuuwa. Ebyo n'ebiri mu kikopo kye yabategekera okunhwa.

Zabbuli 140:9

Waire baneezungulwire, otabaganha kumpangula; ebibi bye bandhogeraku byonabyona ka bibairirengaku.

Zabbuli 19:14

Nkusaba osiime bye ndhogera era osiime n'ebidhuubo ebindi ku mwoyo. Wo Musengwa Katonda, niiwe olubaale mwe neegisa, era niiwe omulwanirizi wange!

Zabbuli 48:11

Abantu ab'oku lusozi Sioni ka basanhuke, n'ab'omu bibuga bya Yuda basagambe; kuba osala ensonga mu butuufu.

Zabbuli 5:1

Wo Musengwa Katonda, wulirisa ebibono byange, era otansiriikirira bwe nsinda.

Zabbuli 7:16

Entegeka dhe edh'okukola ebibi dhimwiriraku mwene, era obukambwe bwene bw'akozesa n'obumutaaku enguma.

Zabbuli 92:3

eno nga bwe tukuuta endingidi era nga bwetusuna ebivuga eby'enkosi ebindi.

Okuvaayo 14:10

Abaisiraeli baaja okulinga bati, baalengera kyabazinga wa Misiri n'abalwani be boonaboona nga bali kubaidhira. Agho baatya ebitoogerekeka era baalirira Musengwa Katonda abayambe.

Okuvaayo 14:31

Abaisiraeli bwe baabona amaani agataloodheka Musengwa Katonda ge yakozesa okughangula Abamisiri, baamutya inho baamwikiriza era baikiriza n'omugheereza we Musa.

Okuvaayo 14:4

Mu kiseera n'ekirala ndidha kumukalangusa omwoyo alobe kutya, atoolere okubabinga ng'ayenda okubagema, aye kye nja okukola kyabazinga n'abalwani be kija kumpeesa ekitiisa, era Abamisiri balimanha nga ninze Musengwa Katonda.” Abaisiraeli baakola nga Musengwa Katonda bweyabakoba.

Okuvaayo 7:5

Ku lunaku olwo lwe ndigolola omukono gwange ni nkuba Abamisiri, era ni mbatoolamu abantu bange Abaisiraeli, Abamisiri abo lwe balimanha nga ninze Musengwa Katonda.”

Ensambo 12:13

Ebibono eby'omubi byene bifuuka mutego ogumugemya, aye omutuufu abita mu bizibu byaloba kumugemaku.

Ensambo 6:2

olwo onaabanga weetaire mwene omugugha mu nkoto olw'ebibono byo, era nga weesibye mwene olw'ebisuubizo byo.

Isaia 28:13

Kale ni, Musengwa Katonda ky'aliva n'abeegeresa eisomo ku isomo, ekiragiro ku kiragiro, n'akanhiriri ku kanhiriri. Olwo baje ekyeinhumainhuma bagwe enume y'ekigwo, olutuula lubagemye babatwale nga basibe.

Isaia 8:15

Bwenebwene bangi abalineeguunhaku ni bagwa, ni bategebwa olutuula ni lubagemya.”

Danieli 6:25

Ebyo nga biwoire, kyabazinga Dario yaaghandiikira abantu boonaboona, abava mu maghanga goonagoona, era aboogera enimi dhoonadhoona, ati: “Emiraala gyeyongerenga okuba mu imwe.

Abalamuzi 1:7

Adonibezeki oyo yaabakoba ati: “Bakyabazinga ensanvu be natemaku ebyala ebisaadha n'ebigere ebisaadha, baasolozanga obukunkumuka bw'emere ghansi gh'emeeza yange. Mpegaano Katonda aneesasuliizaaku olw'ekyo kye nabakola.” Agho baamutwala e Yerusalemu, yaafiira eyo.

1 Samueli 17:46

Olwaleero luno Musengwa Katonda aidha kukuta mu ngalo dhange nkukube ghansi, era nkutemeku omutwe. Era emirambo egy'eigye ery'Abafilisiti nja kugigabula enhonhi edh'omu ibbanga n'ensolo edh'omu nsiko. Olwo ensi yoonayoona emanhe nga mu Isiraeli mulimu Katonda.