Zabbuli 9:13 - Baibuli Ekibono kya Katonda 2014

¹³ Wo Musengwa Katonda, nkusaba ondhune! Bona bwe ndaazibwadaazibwa abazigu! Ntoola mu ngalo dha walumbe

Zabbuli 9:13 Iomraidhean Croise

Amainhama 4:10

Musengwa Katonda yaakoba ati: “Kiki kino ky'okoze? Omusaayi gwa muganda wo guli kundirira okuva ghansi olw'okwenda okwesasuuza.

Amainhama 4:9

Agho Musengwa Katonda yaabuuza Kaini ati: “Muganda wo Abeli ali gha?” Kaini yairamu ati: “Tiidhi ninze omukuumi wa muganda wange?”

1 Bakyabazinga 21:19

Oidha kumukoba oti, ‘Musengwa Katonda akoba ati, omaze okutemula omuntu, obwo era otwale n'ebintu bye?’ Era oidha kumukoba oti, ‘Musengwa Katonda akoba ati, mu kifo mwene embwa mwe dhaakombeire omusaayi gwa Nabothi, era mwe dhiidha okukombera n'ogugwo.’ ”

2 Bakyabazinga 9:26

‘Bwenebwene ng'olwaidho bwe naboine nga Nabothi ni batabane be babatemwire, nkukakasa nti ndikwesasuulizaaku ghano mu kibandha kino.’ Kale ni mubbeede, omusuule mu kibandha ekyo okutuukiriza ekyo Musengwa Katonda kye yakoba.”

2 Ebyomubyanda 24:22

Mu ngeri eyo kyabazinga Yoashi yaaloba kwidhukira ekisa Yehoiada kye yamukolera, yaita Zekaria mutabane wa Yehoiada oyo. Zekaria bweyali ali kumpi okufa, yaakoba ati: “Musengwa Katonda agwananga yaabona kino ky'okoze, yaakwesasuulizaaku.”

Nehemia 9:32

Wo Katonda waife omukologho, oli w'amaani era wa ntiisa. Iwe okuuma endagaano era waagonza abantu obutakoma. Agho ni, ebizibu byonabyona ebyatwidhira, ife ni bakyabazinga baife, n'abakungu baife, ni bakabona baife, n'abalanzi baife, ni badhaadha baife, n'abantu bo boonaboona, okuviira irala ku byanda bya bakyabazinga ba Assiria, okutuusa ni ye buli eno, otabitwala ng'ekintu ekitono.

Zabbuli 10:12

Wo Musengwa Katonda, idha! Katonda wange, kozesa omukono gwo ogw'amaani. Oteerabira abo abadaazibwadaazibwa!

Zabbuli 107:18

Ku mwoyo nga kwabasemba, nga ghazira mere ebawoomera. Kumpi bafe!

Zabbuli 119:132

Nningirira ongemerwe ekivunika, nga bw'okola abo abakugonza.

Zabbuli 119:153

Nkusaba obone bwendaazibwadaazibwa omponie, kuba nze tyerabira mateeka go.

Zabbuli 12:6

Ebisuubizo bya Musengwa Katonda byesigika ng'oti ni feeza alongooseibwa, ng'abisibwa mu muliro emikuzi omusanvu.

Zabbuli 13:3

Wo Musengwa Katonda wange, mbeera otansiriikirira, ndhiriza amaani gange ndobe kufa.

Zabbuli 142:6

Otaloba kumbeera nga nkulirira, kuba mpoiremu eisuubi. Mponia abo abankiriga, kuba ba maani inho okunsinga.

Zabbuli 25:19

Lingirira obungi obw'abazigu bange era obone nga bwe baneeguguna nga benda bwa kundhita

Zabbuli 30:3

Wantoola mu bafu, wandhiriza obulamu, naaloba kuja magombe.

Zabbuli 38:19

Abo abeefuula abazigu bange aghazira nsonga ntuufu, balamu era ba maani, n'abo abankyagha nga ghazira kye mbakoze bali kamaala.

Zabbuli 51:1

Wo Katonda, nsaasira, olw'okugonza kwo okutakoma sasaagho ebibi byange, olw'okusaasira kwo okungi einho.

Zabbuli 56:13

kuba wamponia okufa era wamponia okughangulwa naatambula, nga niiwe omukuumi wange, mu butangaavu obwakira abalamu.

Zabbuli 86:13

Kuba ongonza inho obutalekera era wamponia okwikirira e magombe.

Isaia 38:10

“Nali nkoba nti nja kufiira mu maani ghagati, nje bansibire e magombe nga nkaali kumalayo myaka gya bulamu bwange.

Okulira 1:11

Abantu baamu boonaboona baagala eky'okulya nga bali mu nnaku. Baafaanisaamu ebintu byaibwe eby'omughendo einho basobole okufunamu emere, balobe kulambuka ndhala. Agho baalirira Musengwa bati: “Wo Musengwa Katonda, lingirira obone nga bwe tuli kunhoomebwa!”

Okulira 1:9

Abantu abo baliku ekibi ekibonekeragho. Aye baaloba okwidhukira ng'eriyo okubonerezebwa ku nkomerero. Okugwa kwaibwe kye kuva ni kuba okw'entiisa era ni ghabula abasaasiraku. Olwo baira bwa mu kulira bati: “Wo Musengwa Katonda, bona nga bwe tuli kudaazibwadaazibwa olw'okughangulwa abazigu baife, otubeere.”

Yoanne 2:6

Mperaano agho ghaaligho ensugha edh'amaadhi mukaaga edhaakolebwa mu mabaale ng'Abayudaaya dhe bakozesa mu mpisa yaibwe ey'okwetukuza. Era buli ndala nga ejaamu lita nga kikumi.