Zabbuli 9:12 - Baibuli Ekibono kya Katonda 2014

¹² Musengwa Katonda afaayo inho ku abo abadaazibwadaazibwa, era tasiriikirira kulira kwaibwe. Yeesasuuza olw'omusaayi gwaibwe ng'abonereza abo ababaita.

Zabbuli 9:12 Iomraidhean Croise

Amainhama 9:5

Ole bw'anaazikirizanga obulamu obw'omuntu, aidha kuvunaanibwanga era abonerezebwe. N'ensolo dhoona dhiidha kubonerezebwanga olw'okuzikiriza obulamu obw'omuntu.

2 Bakyabazinga 24:4

n'olw'abantu abaziraku musango Manasse oyo be yaita kuba yaidhuza Yerusalemu omusaayi gw'abantu be yaitira obwereere. Musengwa Katonda nga taghanga kusonigha Manasse oyo olw'ekyo.

Zabbuli 10:14

Aye iwe obona, yii, weetegereza abali mu buzibu n'abadaazibwadaazibwa, era weetegeike okukozesa omukono gwo ogw'amaani. Oyo azira amubeera yeeta mu ngalo dho, kuba buliidho niiwe obeera abaghafu.

Zabbuli 10:17

Wo Musengwa Katonda, iwe owulirisa okusaba kw'abo abagonvu, era obagumya emyoyo.

Zabbuli 102:17

Aliwulira okusaba kw'abantu be abanaku, era yaawulirisa okweghemba kwaibwe.

Zabbuli 132:13

Musengwa Katonda yeerondera Sioni, ng'agho gh'aidha okubanga.

Zabbuli 22:24

kuba taloba kufaayo oba okutuumya amaiso oyo adaaga; bwenebwene tamulekulira agho, aye amuwulirisa buli lw'amulirira.

Zabbuli 34:6

Omuntu omunaku Musengwa Katonda amuwulira yaamuwonia, yaatoolagho ebizibu bye byonabyona.

Zabbuli 68:17

Musengwa Katonda yaidha ku lusozi Sinai mu kifo ekitukuvu, ng'ali n'ebigaali bye eby'amaani eby'omu lutalo enkumi n'enkumi.

Zabbuli 74:2

Idhukira abantu bo be weerondera eira, be watoola mu bwiru, babe eighanga eriryo ku bubwo. Idhukira olusozi Sioni kwe wabanga.

Zabbuli 76:3

Eyo ye yamenheramenhera obulaso obuziinhuuka, n'engabo n'empiima n'eby'okulwanisa ebindi abazigu be bye baakozesanga mu kulwana olutalo.

Okuvaayo 3:7

Agho Musengwa Katonda yaakoba ati: “Mboine okudaazibwadaazibwa okw'abantu bange abali mu Misiri, era naawulira okulira kwe bandirira nga benda okubawonia abo Abamisiri ababasalira amakatala. Ndidhi obughafu bwe balimu,

Okuvaayo 3:9

Bwenebwene okulira okw'abantu bange Abaisiraeli kuntuuseeku, era naabona n'ensambo Abamisiri ye babatuntuzaamu.

Isaia 26:21

Musengwa Katonda wuuyo ali kuva mu igulu y'aba, ng'aidha okubonereza abantu ku nsi olw'ebibi byaibwe. Abantu abaatemulwa mu ngiso balimanhibwa mu lwatu. Eitaka liriba tirikaasobola kugisa abo abaitibwa.

Isaia 8:18

Bona eno, Musengwa Katonda oyo Afuga Amagye era atyama ku kityamo kye ku lusozi Sioni, yatutaagho nze n'abaana bange tube obumanhiso n'ebyamagero mu Isiraeli.

Matayo 23:35

Agho ni mulibaaku omusango olw'omusaayi ogw'abatuufu ogwayuyibwa mu nsi, okuva ku musaayi gwa Abeli ataali na musango okutuuka ku musaayi gwa Zekaria omwana wa Berakia ye mwaitira ghagati gh'eisinzizo n'alutaari.

Okwolekebwa 16:6

Olw'okuba abantu baayugha omusaayi okw'abatuukirivu bo n'ogw'abalanzi, weena ky'oviire obagha omusaayi okunhwa. Ekyo kye bagwaine!”

Abalamuzi 10:16

Kale baasuula ere bakatonda b'abamaghanga agandi, baasinza Musengwa Katonda. Musengwa Katonda oyo yaawulira enaku ku mwoyo olw'okudaazibwadaazibwa kwa Isiraeli.