Zabbuli 86:11 - Baibuli Ekibono kya Katonda 2014

¹¹ Wo Musengwa Katonda, ngalagira bwembe neebise, memale olwo ntambulirenga mu mazima go; era ondhegerese okukutyanga n'omwoyo mulala.

Zabbuli 86:11 Iomraidhean Croise

Yobu 34:32

Ndhegeresa kye ntabona bwemba nga nakola ekibi era tikairayo kukikola.’

Zabbuli 119:30

Nsazeegho okuba omwesigwa y'oli, nga buli kaseera njiira ku nsala yo.

Zabbuli 119:33

Wo Musengwa Katonda, ndhegeresa okutegeera ebyo by'olagira, ndidha kubijiirangaku ekiseera kyonakyona.

Zabbuli 119:73

Niiwe wampumba n'engalo dho wantaagho, nkusaba ompe okutegeera, memale ndhege ebiragiro byo kye binkoba.

Zabbuli 25:12

Omuntu oyo atya Musengwa Katonda, Musengwa Katonda alimulagirira engira entuufu okugema.

Zabbuli 26:3

kuba okugonza kwo okutakoma n'okunkuuma, era mu bwesigwa bwo mwe ntambulira.

Zabbuli 27:11

Wo Musengwa Katonda, ngalagira bwe mbe neebise, era ombise mu ngira entuufu, kuba ndi n'abazigu.

Zabbuli 5:8

Wo Musengwa Katonda, nkulemberaamu mu ngira ey'obutuufu bwo kuba abazigu ndi na kamaala longoola engira mwe mbe ntambulire.

Hosea 10:2

Bali n'emyoyo emiguyaguya. Kale ni buti bali n'okubonerezebwa olw'ebibi byaibwe. Musengwa Katonda alimenhagho alutaari dhaibwe, era yaazikiriza empango edh'amabaale dhe basinza.

Hosea 14:8

Abaisiraeli tibaliirayo kabiri kusinza ebitali Katonda. Ndidha kubaghanga kye banansabanga, era ndidha kubalabiriranga. Ndidha kubateerangagho ekinsense ng'oti n'omuti ogutawaawuza makaba. Ninze ensimuko ey'ebirungi byonabyona bye bafuna.”

Zefania 1:5

Nja kuzikiriza abo abaaniina ghaigulu ku ndhu okusinza ebintu eby'oku igulu, n'abo boonaboona abansinza nze Musengwa Katonda, kabiri ni bamala balayira omusambwa Moleki.

Malaki 2:6

Baasomesanga bituufu byereere nga muzira kisobu. Baabanga ghalala ninze mu miraala ni mu bwesimbu. Era baaleeteranga abantu kamaala okulekera okukola ebibi,

Ebikolwa by'Abatume 2:46

Baafubanga buli lunaku okuba aghalala mu isinzizo, era baajanga mu ndhu dhaibwe okumegula omugaati. Emere nga bagiriisa isanhu na kwisania

1 Ab'e Korintho 10:21

Timusobola kunhwa ku kikopo kya Musengwa, era ni munhwa na ku kikopo kya mizimu mibi. Timusobola kulya ku kiiwulo kya Musengwa era ni mulya na ku kiiwulo kya mizimu mibi.

1 Ab'e Korintho 6:17

Aye oyo eyeeyimba ku Musengwa afuuka mulala naye mu mwoyo.

2 Ab'e Korintho 11:3

Aye ntya nti ng'omusota bwe gwakozesa olugezigezi lwagwo ni gusubagha Eva, ebirowoozo byaimwe bisobola okudaaliimizibwa, mwaloba kwegheerayo irala ye Kurisito mu mazima.

Ab'Efeso 4:21

Nkakasa nga mwamuwuliraku, era imwe ng'ababe, mwayegeresebwa amazima agali mu Yesu.

Ab'e Kolosai 3:17

Era kiisi kye mukolanga, ka kibe mu bibono oba mu bikolwa, mu kikole mu liina lya Musengwa Yesu, era nga mubita mu oyo okweyanza Katonda Lata nga musiimye.

2 Yoanne 1:4

Nasangaala inho okwagaana ng'abaana bo abandi batambulira mu mazima, oti ni Lata bwe yatulagira.