Zabbuli 85:3 - Baibuli Ekibono kya Katonda 2014

³ Walekera okubabaaku ekiruyi, waalekera okubasungughalira n'obusungu obungi.

Zabbuli 85:3 Iomraidhean Croise

2 Ebyomubyanda 6:39

Wuliranga bye bakusaba nga bakweghemba eyo y'oli mu igulu, era obaghenga bye bakusaba. Sonighanga abantu bo abo olw'okukola ebibi y'oli ni bakusungughaza.

Zabbuli 106:23

Kyeyava n'akoba ati aja kubazikiriza, okutuusa Musa omulonde we, bweyayemereragho mu maiso ge, n'abawolerezaayo, era n'aikaikania obusungu bwa Katonda eyali aja okubazikiriza.

Zabbuli 78:38

Aye Katonda olw'okuba n'okusaasira okungi einho, yaabasonigha okwonoona kwaibwe, yaaloba kubazikiriza kubamalagho. Emikuzi kamaala ng'afuga obusungu, yaamira ekiruyi kye

Okuvaayo 32:22

Aaroni yaamwiramu ati: “Musengwa Katonda wange, otansungughalira bujiiririire, kuba oidhi bukalamu ng'abantu bano bwe benda einho okwonoona.

Isaia 12:1

Olunaku olwo bwerulituuka, abantu balyemba bati: “Wo Musengwa Katonda, nze ndidha kukusiimanga. Waire nga wali onsungughaliire, obusungu bwo bwamala bwawaagho, wangumya.

Isaia 40:1

Katonda waimwe akoba ati: “Mugumye abantu bange, bwenebwene mubagumye.

Isaia 40:2

Mwize amaani mu bantu b'omu Yerusalemu. Mubakobe muti mpegaano okudaazibwadaazibwa kukomye, era ebibi byaibwe bisoniyiibwa. Nze Musengwa Katonda namala okubagha ekibonerezo ekibajaamu olw'ebibi byaibwe.”

Isaia 6:7

Kyansiinha ku munwa n'eryanda eryo nga kikoba kiti: “Eryanda lino nga bwe likusiinhie ku munwa, omusango gukutooleibwaku, n'ebibi byo bisoniyiibwa.”

Yeremia 50:20

Ekiseera ekyo bwe kirituuka, tighaliba kwonoona mu Isiraeli, waire okubaagho ebibi mu Buyudaaya kuba ndisonigha abantu boonaboona be ndiba mponiizaagho. Nze Musengwa Katonda, ninze nkobye.”

Ezekieli 16:63

Era ndikusonigha ebyo byonabyona bye wakola, aye waabiidhukiranga ensoni dhaakugema, nga tosobola kwogera kintu kyonakyona olw'okuswala.” Musengwa Katonda atyo bw'akobye.

Yona 3:9

Tomanha, oba katyo Katonda asobola okukyusa ekirowoozo kye, yaalekera okusungughala ekibitiriire, yaaloba kutuzikiriza.’ ”

Mika 7:19

Oidha kutugemerwa kabiri ekivunika. Oidha kutyankirira ebibi byaife n'ebigere byo, memale obisuule mu nhandha bidimire okutuukira irala ghansi ku ntobo.

Yoanne 1:29

Ku lunaku olwairirira, Yoanne yaabona Yesu ng'aidha y'ali yaakoba ati: “Mubone Entaama Ento eya Katonda etoolagho ebibi eby'ensi!

Amateeka Agokubiri 13:17

Muteesigalizangayo kintu waire ekirala ku ebyo ebigheereibwayo okuzikirizibwa. Olwo Musengwa Katonda asobole okukomya obusungu bwe obubitirivu. Aidha kubagemerwanga ekivunika, abasaasire, era abafuule bangi nga bweyasuubiza badhaadha baimwe.

Amateeka Agokubiri 32:43

“Agho Musa yaakoba ati: ‘Imwe amaghanga musaake abantu ba Musengwa Katonda, kuba yeesasuuliza ku bazigu be abaita abagheereza be, yaagemerwa ensi ye n'abantu be ekivunika.’