Zabbuli 84:2 - Baibuli Ekibono kya Katonda 2014

² Neegomba inho okuba mu isinzizo lya Musengwa Katonda! Zeenazeena ndidhwire eisanhu, nga nhembera Katonda omulamu.

Zabbuli 84:2 Iomraidhean Croise

Yobu 23:3

Ngoli mmanha ye nsobola okwagaana Katonda, ni ntuuka aghali ekityamo kye,

Zabbuli 119:20

Omwoyo gunsiriira olw'okwegomba einho okumanha buli kiseera ensala yo entuufu.

Zabbuli 119:81

Omwoyo gunsiriira olw'okuteegerera einho iwe okwidha okundokola; aye neesiga kye wayogera.

Zabbuli 143:6

Nze nsitulira y'oli emikono gyange naakusaba. Ng'eitaka eikalu bwe lyetaaga einho amaadhi, zeena ntyo bwe nhenda einho okuba gh'oli.

Zabbuli 73:26

Waire omubiri gwange n'omwoyo binafugha, Katonda n'amaani gange era oyo n'omugabo gwange ebyanda n'ebyanda.

Olwembo 5:8

Imwe abaghala ab'e Yerusalemu, ndi kubakoba mulayire, muti bwe munaabona omugonzi wange, munaamunkobera muti ndwaire olw'okumugonza einho.

Isaia 26:9

Omwoyo gwange gwegomba okuba aghalala n'iwe obwire, era nkunoonia obutakoogha. Kuba bw'osalira abantu emisango mu nsi, olwo beega okukola ebituufu.

Isaia 64:1

Wo Musengwa Katonda, ngoli ni oyabuluza eigulu lyaghembuka, waidha eno ghansi! Ensozi dhanditengeese mu maiso go,

Okubala 24:5

Weema dhaimwe, imwe aba Yakobo, n'ebifo imwe Abaisiraeli ghe musula, bikalamu!