Zabbuli 83:2 - Baibuli Ekibono kya Katonda 2014

² Bona, abazigu bo bali kwegugunga; abo abakukyagha bali kudheema.

Zabbuli 83:2 Iomraidhean Croise

2 Bakyabazinga 19:28

Mmaze okuwulira nga bw'oneedundeekezaaku era nga bw'oneekuluntalizaaku. Mpegaano nja kukutunga eirobo lyange mu nhindo yo, nkusibe n'olukoba lwange mu kanwa mwo, nkwiririzeeyo mu ngira yeene ye wabitamu ng'oidha.”

Zabbuli 109:1

Wo Katonda wange, niiwe ye nsaaka, otansiriikirira!

Zabbuli 74:23

Oteerabira kukaabuka kw'abo abakukyagha, n'okuboigoka okw'abazigu bo okutakoma.

Zabbuli 74:4

Abazigu baayasiikana mu kifo kyo ekitukuvu nga beesuuta olw'obughanguzi; era baasimbamu ebendera dhaibwe ng'obumanhiso obw'obughanguzi.

Zabbuli 81:15

Abo abankyagha nze Musengwa Katonda, bandiidhye ye ndi nga baavula bwavule, naababonereza ebyanda n'ebyanda.

Zabbuli 93:3

Wo Musengwa Katonda, omwidhuzo gw'amaadhi gusitwike n'empiriito, geefuukuula era gaayira.

Isaia 17:12

Ha, wulira abantu abangi nga bwe bali kuwolomboka! Bali kuwolomboka ng'oti nhandha! Ha, wulira empiriito y'amaghanga! Gali kuyoolooka ng'oti n'enhandha eri kwefuukuula!

Isaia 37:23

Olowooza oti naani y'ovumye era y'onhoomye? Naani y'okaabukiire era y'oziimwire? Ninze Omutukuvu wa Isiraeli!

Isaia 37:29

Mmaze okuwulira nga bw'oneedundeekezaaku, era nga bw'oneekuluntalizaaku. Mpegaano nja kukutunga eirobo lyange mu nhindo yo, nkusibe n'olukoba lwange mu kanwa mwo, nkwiririzeeyo mu ngira yeene ye wabitamu ng'oidha.’ ”

Yeremia 1:19

Balikulwanisa, aye tibalikughangula kuba nze ndi ghalala n'iwe okukukuumanga. Nze Musengwa Katonda, ninze nkobye.”

Matayo 27:24

Pilato bwe yabona nga byonabyona bya bwereere, okudhagalala nga n'okuligho, yaatoola amaadhi yaanaaba mu ngalo mu maiso ag'eikuukuubira ng'akoba ati: “Nze nzira musango ku kuyugha omusaayi ogw'omuntu ono niimwe beene abalibona.”

Ebikolwa by'Abatume 16:22

Eikuukuubira lyeyimba mu kubalumba. Abalamuzi baabakanulaku ebivaalo byaibwe, baalagira okubakuba emiigo.

Ebikolwa by'Abatume 17:5

Aye Abayudaaya ensaalwa yaabagema, baasoloza abantu ababi abaali mu kiya. Abantu abo baatabangula ekibuga, baalumba enhumba ya Yasoni nga baagala Paulo ni Sila babaleete y'abantu.

Ebikolwa by'Abatume 21:30

Ekibuga kyonakyona kyatabanguka, abantu boonaboona bagugumuka, baagema Paulo, baamughaluza baamufulumya mu isinzizo era mangu ago endhigi dhaigalwagho.

Ebikolwa by'Abatume 22:22

Abantu baamuwulirisa okutuusa bwe yayogera ekibono ekyo. Agho bainhama okwasiikana nga bakoba bati: “Mumutoolegho, kuba omuntu ng'oti n'oyo tagwaine kuba mulamu.”

Ebikolwa by'Abatume 23:10

Okusoola bwe kweyongera okuba okw'amaani, omukulu ow'abaisirukale yaatya ati Paulo baidha kumukutulamu. Agho ni n'okulagira abaisirukale baje batooleyo Paulo mu bantu lwa maani, bamutwale mu nkambi.

Abalamuzi 8:28

Kale Isiraeli yaaghangula Abamidia, era Abamidia abo baaloba kwiramu kabiri kubeeraliikiriza. Ensi yaabaamu emiraala okumala emyaka amakumi ana, okutuusa Gideoni bwe yafa.