Zabbuli 83:18 - Baibuli Ekibono kya Katonda 2014

¹⁸ Ka bamanhe nga iwe wenka niiwe Musengwa Katonda, era nga niiwe oyo Ali Ghaigulu Yeene asinga ebintu byonabyona eby'oku nsi.

Zabbuli 83:18 Iomraidhean Croise

Amainhama 22:14

Aburahamu yaatuuma ekifo ekyo eriina “Musengwa Katonda atugha.” Era ni leero abantu bakoba bati ku lusozi lwa “Musengwa atugha.”

1 Bakyabazinga 18:37

Wo Musengwa Katonda ndhiraamu, nkweghembye ndhiraamu, abantu bano baghange okumanha nga iwe Musengwa Katonda, niiwe Katonda, era ng'okyusiisa emyoyo gyaibwe okugiiza y'oli.”

2 Bakyabazinga 19:19

Wo Musengwa Katonda waife, mpegaano ni tukweghemba otuwonie, otutoole mu ngalo edh'Abassiria. Olwo abantu abamaghanga agandi boonaboona baghange okumanha nga iwe, Musengwa Katonda, niiwe Katonda wenka.”

Zabbuli 18:13

Musengwa Katonda yaatyabuka oti lukuba mu igulu, oyo Ali Ghaigulu Yeene yaayogera n'amamiro ge, nga gali ng'oti n'omugozi era ng'oti n'omuliro ogw'amanda.

Zabbuli 35:4

Abo abayiiga obulamu bwange baswaze era banhoomebwe! Era oyemereze abo ababaire baidha n'entegeka ey'okuunumba, obairirizeeyo nga n'okutegeera tibategeera.

Zabbuli 59:13

bazikirize mu busungu bwo; bazikirize bagheekereregho irala. Abantu boonaboona bakimanhe nga Katonda n'afuga mu Isiraeli, n'okutuukira irala ensi y'ekoma.

Zabbuli 9:16

Musengwa Katonda yeeyoleike ng'asala omusango mu butuufu, era abakozi b'ebibi beetegamu beene n'ebikolwa byaibwe byene.

Zabbuli 9:2

Ndidha kusangaala era nsagambire mu iwe; ndidha kwembanga nga nkusaaka, iwe Ali Ghaigulu Yeene.

Zabbuli 92:8

Aye iwe Musengwa Katonda niiwe ofuga ebintu byonabyona ebyanda n'ebyanda.

Zabbuli 97:9

Wo Musengwa Katonda, niiwe oli ghaigulu yeene, ofuga ebintu byonabyona eby'oku nsi; oli mukologho okusinga bakatonda ab'amaghanga agandi boonaboona.

Okuvaayo 6:3

Nabonekera Aburahamu ni Isaaka era ni Yakobo nga Katonda Aghanga Ebintu Byonabyona aye tibeeyolekerangaku nga nkozesa eriina lyange eitukuvu erya Musengwa Katonda.

Isaia 42:8

Nze ninze Musengwa Katonda, eryo n'eriina lyange. Ekitiisa kyange tikigabiraku muntu wundi, waire okusaakibwa kwange okukughaaku ebifaananie ebibaadhe.

Isaia 5:16

Aye Musengwa Katonda Afuga Amagye agulumizibwa ng'asalira abantu mu mazima, era ayoleka obutukuvu bwe ng'akolera abantu mu butuufu.

Isaia 54:5

Omutonzi wo mwene n'aliba balo, era eriina lye ni Musengwa Katonda Afuga Amagye. Omutukuvu wa Isiraeli n'aliba Omununuzi wo, era oyo ni Katonda w'ensi yoonayoona.

Yeremia 16:21

Musengwa Katonda akoba ati: “Kale ni bona, amaghanga ago ndigooleka obuyinza bwange n'amaani gange, omukuzi mulala guti aye nga gumala. Era galimanha nga ninze Musengwa Katonda.”

Ezekieli 30:19

Ntyo bwendisalira Misiri omusango naagibonereza. Olwo balimanha nga ninze Musengwa Katonda.”

Ezekieli 38:23

Kale ntyo bwe ndyoleka amaghanga nga bwendi omukologho era omutukuvu. Olwo balimanha nga ninze Musengwa Katonda.”

Danieli 4:25

Baidha kukubinga bakutoole mu bantu, bakusindike mu nsolo edh'omu nsiko. Omale emyaka musanvu ng'olyanga isubi ng'oti nte, n'omusulo oguva ku igulu gukukubenga obole, okutuusa lw'olimanha ng'oyo Ali Ghaigulu Yeene n'afuga obwakyabazinga obw'abantu. Era ng'abugha oyo y'ayenda yeenayeena.

Danieli 4:32

Baidha kukubinga bakutoole mu bantu, bakusindike mu nsolo edh'omu nsiko. Omale emyaka musanvu ng'olyanga isubi ng'oti nte, okutuusa lw'olimanha ng'oyo Ali Ghaigulu Yeene n'afuga obwakyabazinga obw'abantu. Era ng'abugha oyo y'ayenda yeenayeena.”

Mika 4:13

Musengwa Katonda akoba abantu be ati: “Imwe abantu ab'e Yerusalemu, musitukiremu muje mukube abazigu baimwe. Imwe ndidha kubafuula mube ba maani ng'oti n'ensolo enume eri n'amayiga ag'ekyuma ekigumu einho, n'ebigere ebiriku ebinuulo eby'ekyuma eky'ekikomo. Mwidha kukuba era mumulungule abantu ab'amaghanga kamaala, eby'obukombe byaibwe bye bali nabyo ni bye baanhaga, mwidha kubighaayo ye Musengwa Katonda ow'ensi yoonayoona.”

Zekaria 4:14

Agho yankobera ati: “Abo n'abantu ababiri Musengwa Katonda ow'ensi yoonayoona be yalonda, era yaabasiiga omuzigo bamugheerezenga.”