Zabbuli 83:10 - Baibuli Ekibono kya Katonda 2014

¹⁰ abaitirwa mu kibuga Endori, ni baba agho ku itaka ng'oti mmungo ya busa.

Zabbuli 83:10 Iomraidhean Croise

2 Bakyabazinga 9:37

Omulambo gwe guliba mu nsiko ey'eyo mu Yezireeli ng'oti bwa busa, ghabulegho aghanga n'okukoba ati ono ni Yezebeli.’ ”

Yeremia 16:4

Baja kufanga endwaire embi einho, era ghazira aja kubalira waire okubaziika. Emirambo gyaibwe gija kubanga ku itaka okwo ng'oti mmungo ya busa. Baja kwitibwanga mu ntalo oba balambukenga endhala bafe, n'emirambo gyaibwe giriibwenga enhonhi n'ensolo dh'omu nsiko.

Yeremia 8:2

Gaja kusansaanira buli ghantu, ghansi gh'endhuba, n'omwezi, n'emuunienie dhoonadhoona edh'oku igulu. Ebyo n'ebintu, abantu abo bye baagonzanga, ni babijiirangaku, ni babigheerezanga era ni babisinzanga. Era amagumba gaibwe ago tigaja kusolozebwa waire okuziikibwa, aye gaja kubanga ku itaka okwo ng'oti busa.

Zefania 1:17

Musengwa Katonda akoba ati: “Nja kuleetera abantu ebizibu batuuke n'okutambula nga bamaamanta ng'oti batulu, kuba bakoze ebibi ebinsungughaza. Omusaayi gwaibwe guja kuyuyibwa ku itaka ng'oti maadhi, n'emirambo gyaibwe girekebwe agho ng'oti busa.”

Yoshua 17:11

Mu biketezo ebyezungulwire Issakari ni Ashera, Abamanasse baalimu n'ebibuga bino n'ebyalo byaku: Bethi Shani, Ibuleamu, Dora ekiri ku mbali okw'enhandha, Endori, Tanaka, Megiddo.

Abalamuzi 4:15

Baraki bwe yalumba Sisera, Musengwa Katonda yaavuyavuya Sisera oyo ghalala n'ebigaali bye byonabyona eby'omu lutalo, n'eigye lye lyonalyona. Sisera yaava ku kigaali kye eky'omu lutalo, yaalumuka na bigere.

Abalamuzi 4:16

Baraki yaabingirira eigye lya Sisera ghalala n'ebigaali byalyo eby'omu lutalo okutuuka mu Haroshethi Hagoyiimu. Eigye eryo lyonalyona lyaitibwa. Ghaaloba kusigalagho muntu waire omulala.

Abalamuzi 5:21

Omwidhuzo ogw'omu mwiga Kishoni gwabaghalabania, gwabayoolookeraku gwabeeyaagho. Nze ndidha kutambuza maani, nga tiira inhuma!

Abalamuzi 7:25

Baagema abalangira b'e Midia ababiri, Orebu ni Zeebu. Baitira Orebu ku lubaale olwetebwa olwa Orebu, ni Zeebu baamwitira ku kikunhiro ky'omwenge gw'emizabbibu ekyetebwa ekya Zeebu. Omutwe gwa Orebu n'ogwa Zeebu baagitwalira Gideoni ere ng'osomoike Yorudani.

1 Samueli 28:7

Agho Saulo yaakoba abagheereza be ati: “Muje mundhagalire omukazi omusamize, nje mmwebuuzeeku.” Abagheereza be bamwiramu bati: “Ghaligho omukazi omusamize ali mu Endori.”