Zabbuli 82:2 - Baibuli Ekibono kya Katonda 2014

² “Mulituusa gha okusalirizanga emisango, n'okwekubiranga ku luuyi olw'abakozi b'ebibi?

Zabbuli 82:2 Iomraidhean Croise

1 Bakyabazinga 18:21

Agho Eliya yaaja eri abantu abo boonaboona, yaabakoba ati: “Mulituusa li okuyuugira eno n'ere nga timusalagho? Oba nga Musengwa Katonda ni Katonda, oyo ye mube musinze. Aye oba nga Baali ni Katonda, kale musinze oyo.” Aye abantu baaloba kumwiramu kibono waire ekirala.

2 Ebyomubyanda 19:7

Kale ni mutyenga Musengwa Katonda era mutenga omwoyo ku bye mukola, kuba Musengwa Katonda waife oyo aziramu kufuulaniafuulania nsonga, oba okusaliriza, waire okulya enguzi.”

Yobu 32:21

Tiidha kwekubira ku luuyi lw'ono oba olw'ole. Tiidha kubaaku ye nsuutiriza.

Yobu 34:19

Katonda tiyeekubira ku luuyi lwa bafuzi, abisa bulala abakombe n'abaavu; kuba boonaboona bitonde bye.

Zabbuli 62:3

Imwe, mulirekera li okulumba omuntu nga mwenda okumutemula, waire ng'omuntu oyo munafu ng'oti n'ekimante ekyeghendheike, era ng'oti n'olukomera oluja okugwa?

Okuvaayo 10:3

Kale Musa ni Aaroni baaja bangira mu kisaagaati kya kyabazinga, baamukoba bati: “Musengwa Katonda, Katonda w'Abaheburayi akoba ati, ‘Olirekera li okuloba okumpulira? Leka abantu bange baje bansinze.

Ensambo 18:5

Ti kituufu kwekubira ku luuyi lwa mwizi wa musango n'agusinga, era ti kituufu kusaliriza muntu akola ebituufu n'otamusalira mu butuufu.

Ezekieli 45:9

Agho Musengwa Katonda yaakoba ati: “Imwe abafuzi mu Isiraeli, mukange agho okutuntuzanga abantu be mufuga n'obukambwe, mukolenga amazima n'ebituufu. Mulekere okubingagania abantu bange mu itaka lyaibwe. Nze Musengwa Katonda ninze nkobye.

Abalevi 19:15

“Musalenga emisango mu butuufu. Muteekubiranga ku luuyi lwa mwavu, era mutatiisanga mukombe maiso.

Matayo 17:17

Yesu yaakoba ati: “Yii, oluse luno oluzira kwikiriza, era olw'abantu abadankaanu! Ndituusa gha okuba n'imwe? Ndituusa gha okubaguminkiriza? Mumundeetere ghano.”

Ab'e Galatia 2:6

Aye era abo abaaboneka ng'oti n'abakulu, oba bwenebwene bwe baali ekyo ku nze ti kya nsonga, kuba Katonda taboola mu bantu abakulu abo, nga bwe nkobye, mpaagho kiyaaka kye baanhongeraku.

Amateeka Agokubiri 1:17

Mutasalirizanga mu nsala yaimwe, muwulirisenga ensonga edh'abaavu n'edh'abakombe mu nsambo n'endala. Mutabangaku muntu yeenayeena ye mutiisa maiso, kuba emisango mugisala mu buyinza bwa Katonda. Era ensonga enaabanga ebalemye, mugireetenga ye ndi ngiwulire.’”