Zabbuli 81:5 - Baibuli Ekibono kya Katonda 2014

⁵ Eiteeka eryo yaliragira abantu ng'abita mu Yosefu, bweyaja okutanula olutalo ku Bamisiri. Mpulira amamiro g'omuntu ye ntaidhi nga gakoba gati:

Zabbuli 81:5 Iomraidhean Croise

Zabbuli 114:1

Abaisiraeli lwe baava mu Misiri, baidhukulu ba Yakobo abo ni bava mu nsi etaali yaibwe,

Zabbuli 77:15

Wakozesa amaani go, waatoola abantu bo mu bwiru, abo baidhukulu ba Yakobo ni Yosefu.

Zabbuli 78:6

Olwo kiisi luse olwiragho, n'abaana abakaali kuzaalibwa, basobole okubimanha era boona babikobere abaana baibwe.

Okuvaayo 11:4

Musa yaakoba kyabazinga ati: “Musengwa Katonda akoba ati, ‘Agho nga mu bwire ghagati aidha kubita mu Misiri,

Okuvaayo 12:12

kuba obwire obwo ndidha kubita mu Misiri nje nga ndhita abaana abalenzi ababeri boonaboona Abamisiri. Era ndhite n'ensolo dhaibwe enume dhoonadhoona edhaazaalibwa mu nzaalo edhisooka. Era ndidha kubonereza emisambwa egy'omu Misiri gyonagyona. Ninze Musengwa Katonda.

Okuvaayo 12:27

Mubairangamu muti, ‘Ogwo n'omusengo ogugheebwayo olw'okwebaza Musengwa Katonda olw'Okutubitiza, kuba yabitiza endhu edh'Abaisiraeli nga tuli mu Misiri, lwe yaita abaana abalenzi ababeri ab'Abamisiri n'atulekera abaife nga balamu.’ ” Agho Abaisiraeli baakuba amakiryaivu baasinza Musengwa Katonda.

Okuvaayo 12:29

Mu bwire ghagati Musengwa Katonda yaita abaana abalenzi ababeri boonaboona ab'Abamisiri, okuviira irala ku muberi wa kyabazinga, ali ku kityamo kye eky'obwakyabazinga, okutuukira irala ku muberi ow'omusibe ali mu ikomera. Era yaita n'ensolo dhoonadhoona enume edhaazaalibwa mu nzaalo edhaasooka.

Isaia 28:11

Aye oba nga tibenda kuwulira bye nkoba, Musengwa Katonda alibeegeresa ng'abita mu bantu abagwira aboogera olulimi olugwira.

Yeremia 5:15

Bona, nze Musengwa Katonda ndidha kubasindikaku imwe Abaisiraeli, eighanga eriva eghala liidhe libalumbe. Eryo nga n'eighanga ery'eira eriri n'amaani, eryogera olulimi lwe mutaidhi, era lwe mutategeera.

Ezekieli 20:20

Mukuzenga olunaku lwa Sabbato nga lutukuvu, lubenga akamanhiso ak'endagaano nze ye nakola n'imwe, era lubaidhukizenga nga nze Musengwa Katonda mwene, ninze Katonda waimwe.

Amosi 6:6

Munhwa amabuga amalamba ag'omwenge ogw'emizabbibu, era mwesiiga ebizigo ebisinga kuba birungi, aye mwaloba kulumirwa nsi Isiraeli ezikiriire.

Amateeka Agokubiri 28:49

Musengwa Katonda alibasindikira abantu ab'eighanga erindi, aboogera olulimi lwe mutategeera. Abantu abo alibatoola ku nkomerero y'ensi, baabalumba nga baziinhuuka ng'oti n'enkookooma bw'eziinhuuka.

Amateeka Agokubiri 4:45

Kuno n'okulamba, n'amateeka, n'ebiragiro, Musa bye yakobera Abaisiraeli bwe baava mu Misiri.