Zabbuli 81:12 - Baibuli Ekibono kya Katonda 2014

¹² Kale n'okubaleka bajiire ku ebyo emyoyo gyaibwe emidheemu bye gibalagira, beebise nga beene bwebalowooza.

Zabbuli 81:12 Iomraidhean Croise

Amainhama 6:3

Agho Musengwa Katonda yaakoba ati: “Omwoyo gwange tigwidha kusigalanga mu muntu byanda na byanda, kuba omuntu mubiri bubiri ogufa enaku edh'obulamu bwe tidhija kuswikanga myaka kikumi n'abiri (120) .”

2 Bakyabazinga 18:12

Ekibuga Samaria baakighangula kuba Abaisiraeli baaloba okugondera Musengwa Katonda waibwe, baamenha endagaano ye yakola nabo, era baadheemera byonabyona Musa omugheereza we bye yalagira, baaloba kubiwulirisa oba okubigondera.

Nehemia 9:16

Aye badhaadha baife beekuluntaza, baakalangusa emyoyo gyaibwe, baaloba kugondera biragiro byo.

Yobu 8:4

Abaana bo bateekwa okuba nga baakola ekibi baamusungughaza, kyeyava n'abagha ekibonerezo kyaibwe ekibasaana.

Okuvaayo 11:9

Agho Musengwa Katonda yaakoba Musa ati: “Kyabazinga taja kubawulira, era olwo ndikola ebyewuunhio mu Misiri emikuzi kamaala.”

Isaia 30:1

Musengwa Katonda akoba ati: “Bakagwireku abakulembeze abo abadheemu, abajiira ku ntegeka nze dhe ntakoze, era ni bakola endagaano edh'enkolagana n'amaghanga agandi; kuba agho baba bongera kibi ku kibi.

Isaia 30:9

Badheema buliidho era baajiira ku kuguyaguya, baaloba okugondera amateeka ga Musengwa Katonda.

Isaia 42:24

Naani eyaghaayo Abaisiraeli okunhagibwa? Naani eyalekulira baidhukulu ba Yakobo abo mu ngalo dh'abanhazi? Ti ni Musengwa Katonda mwene, ye twasungughaza nga tukola ebibi, ni tuloba okukola by'ayenda, era ni tudheemera amateeka ge?

Yeremia 42:21

Aye waire nga mpegaano nze ndi kubaidhukiza, imwe muli kudheemera byonabyona Musengwa Katonda waife bye yantuma okubakobera.

Yeremia 7:24

Aye baaloba kumpulirisa waire okugondera bye ndagira. Baajiira ku ebyo emyoyo gyaibwe emikalangufu era emibi bye gyenda. Mu kifo ky'okuba abalungi, beeyongera bwa kuba babi inho.

Ezekieli 20:8

Aye bandheemera, baaloba kuwulirisa bye nabakoba. Baaloba kusuula ere ebyenhinhalwa ebyabasikirizanga, waire okuva ku bisinzibwa ebitali nze Katonda eby'omu Misiri. Agho naayenda okubamaliraku ekiruyi kyange, mboolekeze obusungu bwange nga bali eyo mu nsi Misiri.

Hosea 9:17

Katonda wange alirekulira agho abantu be, kuba baaloba okuwulira by'abakoba. Balitambulatambula eyo batyo mu maghanga agandi.

Abalevi 26:14

Musengwa Katonda yaakoba ati: “Aye bwe mutampulirenga ni mugondera biragiro byange ebyo byonabyona,

Ebikolwa by'Abatume 14:16

Mu byanda eby'eira Katonda yaleka abantu boonaboona baakolanga nga bwe baayendanga.

Ebikolwa by'Abatume 7:42

Aye Katonda yaabavaaku yaabaleka okusinzanga emuunienie edh'omu igulu nga bwe kyaghandiikibwa mu kitabo ky'abalanzi kiti, ‘Imwe abantu ba Isiraeli, ensolo dhe mwaitanga n'emisengo gye mwagheerezanga emyaka amakumi ana (40) mu irungu, timwabikolera nze.

Ab'e Roma 1:24

Kale ni kyova Katonda yabalekera okwegomba okw'emyoyo gyaibwe okukola eby'eiko nga baghemula emibiri gyaibwe beene na beene.

1 Samueli 8:19

Aye abantu baaloba kuwulirisa Samueli bye yabakoba, era baakoba bati: “Busa! Ife twidha kuba ni kyabazinga anaatufuganga,