Zabbuli 80:1 - Baibuli Ekibono kya Katonda 2014

¹ Wo Katonda tukusaba otuwulirise, iwe alabirira abantu ba Isiraeli ng'oti n'omwayi ow'entaama, era n'okuuma aba Yosefu ng'oti byayo byo. Iwe ali ku kityamo kyo eky'obwakyabazinga ekiri ku bitonde eby'amaghagha ebyetebwa bikerubi,

Zabbuli 80:1 Iomraidhean Croise

2 Samueli 6:2

Yaakulembera abantu boonaboona be yali nabo, baaja e Baale eky'omu kiketezo kya Yuda, okutoolayo Esanduuku ey'Endagaano ya Katonda eyetebwa eriina lya Musengwa Katonda Afuga Amagye, oyo atyama ku kityamo kye eky'obwakyabazinga ekiri ku bitonde ebiri n'amaghagha ebyetebwa kerubi.

2 Bakyabazinga 19:15

yaasaba Musengwa Katonda ng'akoba ati: “Wo Musengwa Katonda, Katonda wa Isiraeli, iwe atyama ku bitonde eby'amaghagha ebyetebwa bikerubi, niiwe Katonda wenka. Niiwe wenka afuga obwakyabazinga bwonabwona ku nsi. Era niiwe watonda eigulu n'ensi.

Yobu 10:3

Kirungi ki ky'ofuna mu kukayukira n'okunhooma ebintu mwene bye wakola n'engalo dho, ate n'osanhukira entegeka edh'ababi?

Zabbuli 45:1

Omwoyo gwange gwidhwire ebibono ebikalamu bye nja okughandiika. Olwembo luno ndi kuluyiiyiza kyabazinga, olulimi lwange lwetegeike ng'oti n'ekalaamu ey'omughandiisi omukugu.

Zabbuli 5:1

Wo Musengwa Katonda, wulirisa ebibono byange, era otansiriikirira bwe nsinda.

Zabbuli 50:1

Musengwa Katonda Aghanga Ebintu Byonabyona, ayogera ng'ayeta abantu boonaboona okuva endhuba y'eva okutuuka y'egwa.

Zabbuli 50:2

Katonda oyo ayakaayakana ng'ali mu Sioni ekibuga ekituukiriire mu bulungi bwakyo.

Zabbuli 55:1

Wo Katonda wange, wulira okusaba kwange, otankuba nkoone nga ndi kukweghemba.

Zabbuli 60:1

Wo Katonda waife, otuswire ere era waatutentena. Twakusungughaza aye twiriremu.

Zabbuli 69:1

Wo Katonda wange mponia, amaadhi gantuuse mu nkoto.

Zabbuli 77:20

Wabisa abantu bo ku maadhi ng'omwayi bw'atambuza ebyayo bye, ng'okozesa Musa ni Aaroni.

Zabbuli 78:52

Agho yaakulemberamu abantu be okubatoola mu Misiri ng'omwayi bw'akulemberamu entaama dhe, yaababisa mu irungu ng'omwayi bw'atambuza ebyayo bye.

Zabbuli 78:67

Yaaboola baidhukulu ba Yosefu, yaaloba kulonda kika kya Efuraimu

Zabbuli 80:19

Wo Musengwa Katonda Afuga Amagye, twirizeegho ensi yaife nga bwe yali. Tulingeku n'amaiso ag'ekisa era otulokole.

Zabbuli 80:3

Wo Katonda waife, twirizeegho ensi yaife nga bwe yali. Tulingeku n'amaiso ag'ekisa era otulokole.

Zabbuli 80:7

Wo Katonda Afuga Amagye, twirizeegho ensi yaife nga bwe yali. Tulingeku n'ekisa era otulokole.

Zabbuli 94:1

Wo Musengwa Katonda, niiwe Katonda abonereza nga weesasuuza, idha oyoleke obusungu bwo.

Zabbuli 99:1

Musengwa Katonda ni Kyabazinga; abantu ka badhugumire olw'okumutya! Ekityamo kye eky'obwakyabazinga kiri ku bitonde eby'amaghagha ebyetebwa bikerubi, ensi k'etengeete olw'okumutya.

Isaia 40:11

Aidha kulabirira entaama dhe ng'oti n'omwayi bw'akola: asoloze edhikaali ento adhibbeedere mu kifuba, ate enzaire edhiyonsa adhitambuze mpola n'obwegendereza.

Isaia 60:1

Iwe Yerusalemu, situka oyake ng'oti ndhuba, kuba obutangaavu bwo butuuse, n'ekitiisa kya Musengwa Katonda kiri kwakira ku iwe.

Isaia 63:11

Agho baidhukira ebyaligho eira mu biseera bya Musa omugheereza wa Musengwa Katonda, baabuuza bati: “Musengwa Katonda ali gha, eyasomosa abakulembeze b'abantu n'abawonia enhandha? Musengwa Katonda oyo ali gha, eyasindika omwoyo gwe omutukuvu mu bantu be?

Ezekieli 1:13

Ghagati agh'ebitonde ebiramu ebyo ghaaligho ebintu ebyaboneka ng'oti manda agaliku omuliro, oba ng'oti bisiki ebiri kwaka. Ebintu ebyo byali nga biri kutambula bwe biira eno n'ere ghagati mu bitonde ebiramu ebyo. Era omuliro ogwo nga guli kumalanga gwayaka inho, gwavaamu okumyansa ng'oti kwa lukuba.

Ezekieli 10:4

Ekitiisa kya Musengwa Katonda kyasituka nga kiva gha bikerubi, kyaja ku mulyango ogw'eisinzizo. Ekire kyagema woonawoona mu isinzizo, oluya lwaidhula obutangaavu obw'ekitiisa kya Musengwa Katonda.

Ezekieli 34:23

Ndidhiteeragho omwayi mulala yenka, ali ng'oti n'omugheereza wange Daudi. Oyo n'alidhirabiriranga ng'omwayi waadho.

Ezekieli 43:2

Okuja okulinga nti nga mbona okumesunkana okw'ekitiisa kya Katonda wa Isiraeli, nga kuli kuva e buvandhuba. Yaidha n'omuvuuma nga guli ng'oti mpiriito ya maadhi, ensi yaayakaayakana olw'ekitiisa kye.

Danieli 9:17

Wo Katonda waife, mperaano ni wulira okusaba kwange n'okwegayirira kwange, nze omugheereza wo. Nkweghemba ogemerwe ekisa eisinzizo lyo eryalekebwa agho lityo, olwo oyoleke ekitiisa kyo.

Yoanne 10:14

Ninze omwayi omulungi. Edhange ndiidhi era dhoona dhindidhi,

Amateeka Agokubiri 33:2

Yakoba ati: “Musengwa Katonda yava ku lusozi Sinai, yaavaayo ng'oti ndhuba ku Edomu yaatwakira, yaayaka ng'ava ku lusozi Parani, ng'ali ghalala n'omutwalo mulala ogwa bamalaika, ng'ali n'omuliro ogwaka ku luuyi lwe olw'omukono omusaadha.

Abaheburayi 13:20

Nsaba Katonda ow'emiraala, eyazuukiza Musengwa waife Yesu, eyafuuka Omwayi w'entaama omukulu, olw'okuyugha omusaayi gwe ogwataagho endagaano etawaagho,

1 Petero 2:25

Mwali ng'oti n'entaama edhibuze, aye mperaano mwiziibwa y'Omwayi era Omukuumi w'emyoyo gyaimwe.

1 Petero 5:4

Olwo omwayi omukulu mwene bw'aliboneka, mulifuna engule ey'ekitiisa etawaagho.

Okwolekebwa 21:23

Era ekibuga ekyo tikyetaaga ndhuba, waire mwezi kukyakira, kuba ekitiisa kya Katonda n'obutangaavu bwakyo, era Entaama Ento n'entaala yaakyo.

1 Samueli 4:4

Kale baatuma abakwenda e Shilo, baatoolayo Esanduuku ey'Endagaano ya Musengwa Katonda, oyo Afuga Amagye era atyama ku bitonde ebiri n'amaghagha ebyetebwa kerubi. Batabane ba Eli bombi, Hofuni ni Finehasi, boona baidhira ghalala n'Esanduuku y'Endagaano ya Katonda.