Zabbuli 8:3 - Baibuli Ekibono kya Katonda 2014

³ Bweningirira eigulu lye wakola n'engalo dho, ni mbona omwezi ni muunienie bye wataagho,

Zabbuli 8:3 Iomraidhean Croise

Amainhama 1:1

Mu kwinhama Katonda yatonda eigulu n'ensi.

Yobu 22:12

“Katonda ali ghaigulu mu igulu, era abona n'emuunienie ye dheeghaniike.

Yobu 25:3

Amagye g'ali nago tigabalika. Obutangaavu bwe bwakira buli ghantu.

Yobu 25:5

Mu maiso ga Katonda, ni bwe guba omwezi tigwaka ni guboneka, n'emuunienie dhiba ng'oti dhizira butangaavu.

Yobu 36:24

Ogwaine okumusaakanga olw'ebyo by'akola, abantu bye basaaka mu nhembo.

Zabbuli 104:19

Wataagho omwezi okugereraku ebiseera eby'omwaka, n'endhuba yaamanha ekiseera kyayo eky'okugwa.

Zabbuli 111:2

Ebintu Musengwa Katonda by'akola bikologho ate bikulu, abo boonaboona ababyenda babyetegereza.

Zabbuli 148:3

Iwe endhuba n'iwe omwezi mumusaake, mumusaake imwe emuunienie edhaaka mwenamwena.

Zabbuli 19:1

Eigulu lyoleka ekitiisa kya Katonda, waikendi yaatukobera oyo Katonda bye yakola n'engalo dhe.

Zabbuli 33:6

Musengwa Katonda yalagira eigulu lyakolebwa; ebiririmu byonabyona byakolebwa olw'ekibono kye.

Zabbuli 89:11

Eigulu liryo, n'ensi yiyo n'ebigirimu byonabyona, niiwe owabikola.

Okuvaayo 31:18

Katonda bweyamala okwogera ni Musa ku lusozi Sinai, yaamugha ebibaadho ebibiri eby'amabaale Katonda mwene bye yaghandiikaku amateeka.

Okuvaayo 8:19

Abalogo baakoba kyabazinga bati: “Ago maani ga Katonda.” Aye omwoyo gwa kyabazinga gwasigala nga mukalangufu ogutatya, era tiyawulira nga Musengwa Katonda bweyakoba.

Luka 11:20

Aye oba nga emizimu emibi ngibinga na bukumu bwa Katonda, agho ni Obwakyabazinga bwa Katonda butuuse mu imwe.

Ab'e Roma 1:20

Kasookanga ensi etondebwa, embeera ye etaboneka, era n'obukumu bwe obutawaagho, n'Obwakatonda bwe, bibonekera irala bukalamu nga bimanhikira mu bintu bye yatonda. Kale bazira kya kuwoza naire.

Amateeka Agokubiri 4:19

“Mulobenga kusendebwasendebwa kusinza na kugheereza ebyo bye mubona ku igulu: endhuba, omwezi, n'emuunienie. Ebyo Musengwa Katonda waimwe yabitaagho abantu abandi boonaboona abali ku nsi n'ababe babisinzenga.