Zabbuli 79:9 - Baibuli Ekibono kya Katonda 2014

⁹ Wo Katonda waife omuzaawuzi, tubeere ku lw'ekitiisa eky'eriina lyo, otuwonie era otusonighe ebibi byaife, ku lw'obulungi obw'eriina lyo.

Zabbuli 79:9 Iomraidhean Croise

2 Ebyomubyanda 14:11

Asa yaasaba Musengwa Katonda we ng'akoba ati: “Wo Musengwa Katonda, ezirayo ali ng'oti niiwe mu kuyamba abanafu n'ab'amaani. Wo Musengwa Katonda waife, tuyambe ife, kuba niiwe ye twesiga era twidhie mu liina lyo okulwanisa eigye lino einene liti. Wo Musengwa Katonda, niiwe Katonda waife. Otaikiriza muntu kukughangula naire.”

Zabbuli 115:1

Aa Musengwa Katonda, ti niife abagwaniire okugheebwa ekitiisa, ti niife naire naire. Aye niiwe oteekwa okugheebwa ekitiisa, olw'okugonza kwo okutakoma n'obwesigwa bwo.

Zabbuli 25:11

Wo Musengwa Katonda, ku lw'obulungi obw'eriina lyo nsonigha ebibi byange, kuba biri kamaala inho.

Zabbuli 31:3

Bwenebwene oli ng'oti lubaale era ng'oti kimante kigumu mwe neewogoma; ku lw'obulungi obw'eriina lyo ngema ku mukono ombise aghabi.

Zabbuli 65:3

olw'ebibi byaibwe, kuba ebibi byaife bwe bitubitiriraku obitusonigha.

Isaia 43:25

Aye era nze, ninze mwene nsonigha ebibi byaimwe nze ku bwange, era tija kabiri kubibavunaana.

Isaia 48:9

Olw'okukuuma ekitiisa kyange, ka nfuge obusungu bwange mbaguminkirize, ndobe kubazikiriza.

Yeremia 14:21

Idhukira bye watusuubiza olobe kutusuula bw'ere. Otaswaza Yerusalemu ekifo eky'ekitiisa ekibaamu ekityamo kyo eky'obwakyabazinga. Otamenhagho ndagaano ye wakola n'ife.

Yeremia 14:7

Abantu bange bandirira bati, ‘Wo Musengwa Katonda, waire ebibi byaife bitulumiriza olw'okukuvaaku emikuzi kamaala ni twonoona, iwe mala gaganha otuyambe nga bwe watusuubiza.

Ezekieli 20:14

Aye ekyo tyakikola ku lw'eriina lyange, lirobe kunhoomebwa mu maghanga ge baalimu, kuba ab'omu maghanga ago baabona nga ndi kubatoola mu nsi Misiri.

Ezekieli 20:44

Imwe abantu b'eighanga Isiraeli, ku lw'eriina lyange bwe ndibabisa obukalamu mu kifo eky'okubabisa obubi nga njiira ku bikolwa byaimwe ebikyamu ni ku mpisa dhaimwe embi, olwo mulimanha nga ninze Musengwa Katonda.”

Ezekieli 20:9

Aye ekyo tyakikola ku lw'eriina lyange, lirobe kunhoomebwa mu maghanga ge baalimu, kuba ab'omu maghanga ago baaligho nga nsuubiza Abaisiraeli abo nti ndi kuja kubatoola mu nsi Misiri.

Danieli 9:19

Wo Musengwa Katonda, ganha owulire. Wo Musengwa, ganha osonighe. Wo Musengwa Katonda, taayo inho omwoyo okoleregho. Otalwa naire. Tubeere olw'ekitiisa kyo, kuba ekibuga kino kikyo, n'abantu bano babo.”

Danieli 9:9

Aye iwe Musengwa Katonda waife osaasira era waasonigha, waire nga twakudheemera.

Malaki 2:2

Muli n'okuntaamu ekitiisa. Aye ekyo bwe munaaloba okukitaaku omwoyo, ndibasindikira ekikolimo, n'edhandibaire enkabi dhoona naadhireetera okufuuka ebikolimo. Mu butuufu ekyo namala ira n'okukikola, kuba ekiragiro kyange timukitaaku mwoyo.

Ab'Efeso 1:6

Olwo tumusaake olw'okutwoleka ekisa mu kitiisa kye, kye yatugheera mu Mwana we omugonzi ng'ekirabo.

Yoshua 7:9

kuba Abakanaani n'abantu abandi boonaboona abali mu nsi eno baja kukiwulira, batuzingize batwite twenatwena. Olwo Musengwa Katonda olikola ki, eriina lyo eikologho okusigaza ekitiisa?”