Zabbuli 79:10 - Baibuli Ekibono kya Katonda 2014

¹⁰ Lwaki oleka amaghanga okutubuuza gati: “Memale Katonda waimwe ali gha?” Iwe beesasuulizeeku nga tubona, olw'omusaayi ogw'abagheereza bo be baita n'amaghanga goonagoona gakimanhe.

Zabbuli 79:10 Iomraidhean Croise

Zabbuli 115:2

Lwaki oleka amaghanga ni gabuuza gati: “Memale Katonda waibwe ali gha?”

Zabbuli 42:10

Abazigu bange, bandi ng'oti ibwa lya ku mwoyo. Bandheeyereza n'ebivumo, eno bwebandeeba buli kiseera, bati: “Katonda wo ali gha?”

Zabbuli 42:11

Aye neebuuza nti: “Lwaki omwoyo gungwa mu bigere? Era lwaki mbula emiraala? Ka nsuubire mu Katonda, luliba lulala nairamu okumusaaka, oyo ni Katonda wange era n'ambeera.”

Zabbuli 42:3

Omusana n'obwire, okulira amaziga n'okwafuuka emere yange, eno abantu nga tibalekera kundheeyereza bati: “Katonda wo ali gha?”

Zabbuli 42:4

Omwoyo guunuma bwe ndidhukira eby'eira, bwe nakulemberangamu olukunkumuli olw'abantu abali ku kibinuko, nga tuja mu ndhu ya Katonda nga tuja bwe tukuba emizira era nga bwe twemba enhembo edh'okwebaza Katonda.

Zabbuli 58:11

Agho abantu ghe balikobera bati: “Bwenebwene Katonda asasula abatuufu yaabasiima; bwenebwene eriyo Katonda asala emisango ku nsi.”

Zabbuli 9:16

Musengwa Katonda yeeyoleike ng'asala omusango mu butuufu, era abakozi b'ebibi beetegamu beene n'ebikolwa byaibwe byene.

Zabbuli 94:1

Wo Musengwa Katonda, niiwe Katonda abonereza nga weesasuuza, idha oyoleke obusungu bwo.

Okuvaayo 6:7

Ndidha kubafuula bantu bange, era nze mbenga Katonda waimwe. Olwo mulimanha nga ninze Musengwa Katonda waimwe, nga mbatwikwire emirimo emikalangufu Abamisiri gye babakaka okukola.

Okuvaayo 7:5

Ku lunaku olwo lwe ndigolola omukono gwange ni nkuba Abamisiri, era ni mbatoolamu abantu bange Abaisiraeli, Abamisiri abo lwe balimanha nga ninze Musengwa Katonda.”

Isaia 64:1

Wo Musengwa Katonda, ngoli ni oyabuluza eigulu lyaghembuka, waidha eno ghansi! Ensozi dhanditengeese mu maiso go,

Yeremia 51:24

Musengwa Katonda era akoba ati: “Mulibona nga neesasuliza ku nsi Babilonia n'abantu baayo, olw'ebibi byonabyona bye baakola Yerusalemu.

Yeremia 51:35

Abantu ab'omu Sioni ka bakobe bati: “Obukambwe Abababilonia bwe baatukolaku, ka bubairirengaku beene abo!” Abantu ab'e Yerusalemu ka bakobe bati: “Omusaayi ogw'abantu baife ogwayuyika, ka gwirirenga ku Bababilonia beene abo!”

Okulira 1:22

Lingirira ebibi byaibwe byonabyona, obakole nga zeena kye wankola olw'ebibi byange byonabyona bye nakola; kuba ndi kulira n'enaku nnene era gampoire.”

Ezekieli 36:23

Ndyoleka eri amaghanga eriina lyange eikologho bwe liri eitukuvu, eriina imwe lye mwayonoona mu maghanga ago. Olwo amaghanga ago galimanha nga ninze Musengwa Katonda. Nze Musengwa Katonda ninze nkobye. Bye ndikolera mu imwe, biryoleka amaghanga ago nga bwendi omutukuvu.

Yoeli 2:17

Bakabona abagheereza Musengwa Katonda, ka balirire amaziga ghagati gh'omulyango gw'eisinzizo ni alutaari, nga bakoba bati: “Wo Musengwa Katonda saasira abantu bo. Otatuleka kufuuka kivumo era eky'okwogeraku mu bamaghanga agandi, nga bakoba bati, ‘Memale Katonda waibwe aligha.’ ”

Mika 7:10

Ekyo abazigu baife baidha kukibona baswale abo abaatuyeeyerezanga nga bakoba bati: “Musengwa Katonda waimwe ali gha?” Tulisangaala okubona nga batyankirirwa mu nguudo ng'oti bityanka!

Ab'e Roma 12:19

Aboluganda, muteesasuulizanga ku muntu. Muleke Katonda mwene yeesasuuzenga, kuba kyaghandiikibwa kiti: “Okulwana enzigu kwange; ndyesasuuza, Musengwa atyo bw'akoba.”

Amateeka Agokubiri 32:43

“Agho Musa yaakoba ati: ‘Imwe amaghanga musaake abantu ba Musengwa Katonda, kuba yeesasuuliza ku bazigu be abaita abagheereza be, yaagemerwa ensi ye n'abantu be ekivunika.’

Okwolekebwa 18:20

Imwe mwenamwena abali mu igulu musagambe, kuba azikiriziibwa! N'imwe abatuukirivu, n'abatume, n'abalanzi musagambe! Kuba Katonda amusaliire omusango gwamusinga olw'ebyo bye yabakola.”