Zabbuli 78:7 - Baibuli Ekibono kya Katonda 2014

⁷ Memale olwo batenga obwesige bwaibwe mu Katonda, nga tibeerabira bye yakola, aye nga bagondera ebiragiro bye.

Zabbuli 78:7 Iomraidhean Croise

Zabbuli 103:2

Ka nsaake Musengwa Katonda n'omwoyo gwange gwonagwona, ndobe na kwerabira ebirungi byonabyona by'ankoleire.

Zabbuli 105:45

ng'ayenda abantu be abo bagonderenga amateeka ge, era bajiirenga ku biragiro bye. Mwenamwena musaake Musengwa Katonda.

Zabbuli 105:5

Muteerabiranga ebyewuunhio, n'eby'amaani bye yakola era n'ensala ye yasalamu emisango,

Zabbuli 146:5

Yeesiimye oyo ayambibwa Katonda wa Yakobo, era n'asuubirira mu Musengwa Katonda nga ni Katonda we.

Zabbuli 40:4

Ba nkabi abo abeesiga Musengwa Katonda, abatakyuka ni basinza bitali Katonda waire okweyimba ku abo abasinza emisambwa.

Zabbuli 62:5

Nteegerera Katonda n'obuguminkiriza aidhe andokole, mu oyo eisuubi lyange mwe liva.

Zabbuli 91:14

Kuba Katonda akoba ati: “Ndidha kumutoola aghazibu olw'okuba angonza inho, era ndidha kumukuumanga olw'okuba ayatula eriina lyange, yaalisaaka.

1 Ab'e Korintho 11:24

era bwe yamala okusiima Katonda, yaagumegulamu era yaakoba ati: “Guno n'omubiri gwange oguligho ku lwaimwe. Mukolenga kino olw'okundidhukiranga.”

Amateeka Agokubiri 4:9

“Aye mwegenderezenga era mwekuumenga, mulobe kwerabiranga mu bulamu bwaimwe bwonabwona, ebyo imwe beene bye mweboneraku n'agaimwe. Mukoberenga abaana n'abaidhukulu

Amateeka Agokubiri 5:29

Kale ngoli baba n'omwoyo ng'oti n'ogwo buliidho, ni bantya era ni bakuumanga ebiragiro byange byonabyona! Olwo beene n'abaidhukulu baibwe bandibairenga bukalamu enaku dhoonadhoona.

Amateeka Agokubiri 6:12

mwegenderezenga mulobe kwerabiranga Musengwa Katonda eyabatoola e Misiri, ye mwali nga mukola obwiru.

Amateeka Agokubiri 6:21

Olwo munaabairangamu muti, ‘Twali bairu ba kyabazinga w'e Misiri, aye Musengwa Katonda yaatutoolayo ng'akozesa amaani ge agataloodheka.

Amateeka Agokubiri 6:25

Ife kye tugwaine okukola, n'okwegendereza tutuukirizenga byonabyona Musengwa Katonda waife bye yatulagira.’ ”

Amateeka Agokubiri 8:11

Musa yaayongera okukoba Abaisiraeli ati: “Mwekuumenga mulobenga kwerabira Musengwa Katonda waimwe, nga muloba okukuuma amateeka ge, n'ebiragiro bye, n'okulamba kwe, bye ndi kubagha olwaleero.

Amateeka Agokubiri 8:2

Era muteerabiranga nga Musengwa Katonda waimwe bweyabakulemberamu mu lugendo lwonalwona, emyaka gino amakumi ana mu irungu, ng'agendereramu okubafuula abawulize. Era yaabaleba, asobole okumanha ekiri mu myoyo gyaimwe, abone oba nga munaakuumanga ebiragiro bye.

1 Petero 1:21

Mu oyo mwe mubita okwikiriza Katonda eyamuzuukiza okuva mu bafu, naamugha ekitiisa, olwo okwikiriza kwaimwe n'okusuubira byaba nga biri mu Katonda.

1 Yoanne 5:3

kuba okugonza Katonda n'okuwulira ebiragiro bye, ate ebiragiro bye ti bikalangafu.

Okwolekebwa 14:12

Agho ni abo abatuukirivu abagema ebiragiro bya Katonda, ni basigala nga baikiriza Yesu, bateekwa okuguminkiriza.