Zabbuli 78:34 - Baibuli Ekibono kya Katonda 2014

³⁴ Bwe yabaitamu banaibwe atyo, abaasigalagho baakyuka baira y'ali beenenia, baatoolera okumusinza n'omwoyo mulala.

Zabbuli 78:34 Iomraidhean Croise

Isaia 26:16

Wo Musengwa Katonda, abantu bo bwe baali mu buzibu, baidha baakwagala y'oli; bwe wabakangaivula, baakusaba nga bakweghemba.

Isaia 26:6

Mpegaano abaavu n'abanaku, n'abali kukityankirira n'ebigere byaibwe.

Yeremia 22:23

Imwe buti mweyagalira mu mivule egyava e Lebanoni, aye muja kusaasirwa inho ng'obulumi bubatuuseeku, obulumi obuli ng'oti bwa mukazi ali kulumwa okuzaala.”

Hosea 5:15

Ndiirayo mu kifo kyange ye mba, okutuusa lwe baliikiriza ni baatula ebibi byaibwe era ni baanoonia ye ndi. Bwe baliba mu kudaagadaaga kwaibwe baliinoonia ye ndi.

Hosea 7:14

Tibansabangaku na mwoyo mulala, aye beetandigira bwa bigwo ku itaka baawowoola ng'oti n'abataidhi Katonda. Era bwebasaba engaano n'omwenge ogw'emizabbibu, beesalasala ku mubiri ng'oti n'abatatya Katonda bwe bakola. Aye nze bandheemera budheemere!

Okubala 21:7

Agho abantu baaja ye Musa baamukoba bati: “Twayonoona okwemuluguunhiza Musengwa n'iwe. Tusabire Musengwa atutooleku emisota gino.” Kale Musa yaabasabira.

Abalamuzi 4:3

Yabini yali n'ebigaali lwenda eby'omu lutalo eby'ekyuma ekigumu einho. Era yafuga Abaisiraeli ng'abatuntuza n'obukambwe, okumala emyaka amakumi abiri. Agho Abaisiraeli baalirira Musengwa Katonda ababeere.