Zabbuli 78:3 - Baibuli Ekibono kya Katonda 2014

³ badhaadha baife bye batukobera, ni tubiwulira era ni tubyega.

Zabbuli 78:3 Iomraidhean Croise

Yobu 13:1

“Bona, ebyo byonabyona nabibona ira, era naabiwulira, naabitegeera.

Zabbuli 145:4

Buli luse lwa bantu lwidhanga kukobera olulwiraku ebyewuunhisa bye wakola, lwogerenga ku bikolwa byo eby'amaani.

Zabbuli 44:1

Wo Katonda waife, twawulira n'amatu gaife nga badhaadha baife batukobera ebyo bye wakolanga mu nnaku dhaibwe, mu biseera ebyabita.

Zabbuli 48:8

Katonda waife, oyo Musengwa Katonda Afuga Amagye, ebyo bye twawuliranga obuwulire bye yakola, ni mpegaano tubiboine mu kibuga kye ky'akuuma obutalumbwa ebyanda n'ebyanda.

Okuvaayo 10:2

musobole mwena okukobera abaana baimwe n'abaidhukulu engeri ye nsirughaizaamu Abamisiri, n'ebyewuunhio bye mbakozeemu. Mwenamwena musobole okumanha nga ninze Musengwa Katonda.”

Okuvaayo 13:8

Ku lunaku olwo olw'ekibinuko, mwidha kwinhonholanga abaana baimwe muti, ‘Tulukuza olw'ebyo Musengwa Katonda bye yatukolera lwe twava mu Misiri.’

Isaia 38:19

Abalamu bonka n'abakusiima, nga nze bwe ndi kukola olwaleero. Abazaire bakobera abaana baibwe nga bw'oli omwesigwa.