Zabbuli 77:2 - Baibuli Ekibono kya Katonda 2014

² Bwemba mu bizibu nsaba Musengwa Katonda; obwire bwonabwona mpanika amakono gange nga tiwulira na kuluyirira, aye naabulwa ansaasiraku.

Zabbuli 77:2 Iomraidhean Croise

Amainhama 32:28

Omusaadha yaakoba ati: “Tokaayetebwanga Yakobo, aye onaayetebwanga Isiraeli, kuba otuulaine ni Katonda era n'abantu, waaghangula.”

Amainhama 37:35

Batabane ni baghala be boonaboona baidha okumugumya, aye yaaloba kubawulirisa. Yaakoba ati: “Ndiika e magombe eri omwana wange nga nkaalira.” Yeeyongera okulira amaziga olw'omwana we.

2 Ebyomubyanda 6:28

“Mu nsi bwe munaagwangamu endhala, oba ni mubaamu endwaire ya kawumpuli, oba ebirime ni bifungalala ni biidhaku obukuku, oba ni byonoonebwa enzige oba ebisiisa ebindi, oba abazigu ni balumba abantu bo mu kindi ku bibuga byaibwe, oba ni ghabaagho ekibamba kyonakyona oba okulumizibwa kwonakwona,

Yobu 11:13

“Yobu, bw'oneenenia mu mwoyo gwo, oidha kusobola okugololera emikono gyo ye Katonda omusabe.

Zabbuli 18:6

Bwenali ndi mu buzibu nasaba Musengwa Katonda, naalirira Katonda wange ambeere; yawulira amamiro gange ng'ali mu isinzizo, era okulira kwange kwamutuuka mu kutu.

Zabbuli 50:15

Munsabenga nga muli mu bizibu, ndidhanga kubawonia, imwe muntengamu ekitiisa.”

Zabbuli 55:17

Enkyo, n'omusana, n'eigulo, mmukobera ebiinuma, n'ebindeetera okusinda era aidha kumpulira.

Zabbuli 63:6

Ni bwenja mu buliri nkulowooza; obwire bwonabwona tikwerabira,

Zabbuli 86:7

Bwemba mu bizibu nkusaba, kuba iwe oiramu okusaba kwange.

Ensambo 18:14

Omuntu omugumu aghanga okuguminkiriza obulwaire yaabaagho, aye awoiremu eisuubi taghanga kubaagho.

Isaia 26:16

Wo Musengwa Katonda, abantu bo bwe baali mu buzibu, baidha baakwagala y'oli; bwe wabakangaivula, baakusaba nga bakweghemba.

Isaia 26:9

Omwoyo gwange gwegomba okuba aghalala n'iwe obwire, era nkunoonia obutakoogha. Kuba bw'osalira abantu emisango mu nsi, olwo beega okukola ebituufu.

Yeremia 31:15

Musengwa Katonda yaakoba ati: “Mu Rama yaawulikikayo amamiro ag'okugegenga n'okukuba empungu edh'amaani. Rakeli ng'agegenga olw'abaana be era nga tayenda na kusaasirwa, kuba baali nga tibakaaligho.

Hosea 5:13

Isiraeli bwe yabona obulwaire bwayo, ni Buyudaaya n'ebona ebibwa byayo, Isiraeli eyo yaatumisa kyabazinga omukologho ow'e Assiria aidhe agiyambe. Aye nga tasobola kuwonia bulwaire obwo waire ebibwa ebyo.

Hosea 6:1

Abantu baja baakoba bati: “Mukole twire ye Musengwa Katonda. Waire nga mwene n'eyatuyuzayuza aye alituwonia; era waire nga n'eyatufumita aye alitunhiga ebibwa ebyo.

Yoanne 11:31

Abantu abaali ni Maria mu ndhu nga baidhie okumusaasira baamunonereza, bwe baabona ng'asitukiramu nga badhuuba bati yali ali kuja ku magombe kugegengera eyo.

Abaheburayi 5:7

Yesu mu bulamu bwe obw'oku nsi kuno, yayogerera ghaigulu mu kusaba kwe, era yaalira n'amaziga nga yeeghemba Katonda, eyali nga n'asobola okumuwonia okufa. Era olw'okutya Katonda okwo kwe yali nakwo, Katonda yamuwulira.