Zabbuli 76:6 - Baibuli Ekibono kya Katonda 2014

⁶ Bwe wabakaabukira iwe Katonda wa Yakobo, embalaasi dhaagwa, n'abavuzi baadho baagwa ghansi, baafa.

Zabbuli 76:6 Iomraidhean Croise

2 Samueli 10:18

Abasiria baalumuka Abaisiraeli. Daudi yaita abalwani Abasiria ab'oku bigaali eby'omu lutalo lusanvu, n'ab'oku mbalaasi emitwalo ena (40,000). Era baafumita Shobaki omuduumizi ow'eigye ly'Abasiria, yaafiira mu lutalo.

2 Bakyabazinga 19:35

Agho obwire obwo, malaika wa Musengwa Katonda yaaja mu kifo Abassiria ghe baasimba weema dhaibwe, yaita abantu emitwalo ikumi na munaana n'enkumi itaanu (185,000). Abantu bwe baazuuka ku nkyo, baaja okulinga bati ng'abo boonaboona mirambo!

2 Ebyomubyanda 32:21

Musengwa Katonda yaatuma malaika, yaita okumaliragho irala abaisirukale boonaboona ab'amaani abaziramu ntete, n'abaduumizi, n'abakulu b'eigye, abaali mu kifo kyabazinga w'e Assiria mwe yasimba weema dhe. Agho kyabazinga w'e Assiria yairayo mu nsi ye nga yeenayeena ensoni dhimugemye. Lwali lulala ng'ali mu isabo lya katonda ye yasinzanga, abandi ku batabane be baamufumita empiima yaafa.

Zabbuli 104:7

Bwe wagakaabukira gaalumukagho; bwegaawulira amamiro go ng'oli kutyabuka gaaswankukagho.

Zabbuli 18:15

Iwe Musengwa Katonda bwe wabakaabukira n'empiriito ey'omuuka ogw'omu nhindo yo n'ewulirwa, emisingi egy'ensi gyayerulwa, n'entobo y'enhandha yaaboneka.

Zabbuli 80:16

Abazigu baife baagutema baagutaaku n'omuliro; bagwananga baazikirira ng'obalingiriire okubasalira omusango.

Okuvaayo 15:1

Musa n'Abaisiraeli abandi baayembera Musengwa Katonda olwembo luno, olukoba luti: “Ka nhembere Musengwa Katonda, kuba aghangwire n'ekitiisa; aswire embalaasi n'abavuzi baadho mu nhandha.

Okuvaayo 15:10

Wafuuwa amaadhi gairagho gaabasaaniagho; baadimira mu maadhi amangi ng'oti byuma bizito.

Okuvaayo 15:21

Miriamu yaabakulemberamu ati: “Leka nhembere Musengwa Katonda, kuba aghangwire n'ekitiisa, aswire embalaasi n'abavuzi baadho mu nhandha.”

Isaia 37:36

Agho obwire obwo, malaika wa Musengwa Katonda yaaja mu kifo Abassiria ghe baasimba weema dhaibwe, yaita abantu emitwalo ikumi na munaana n'enkumi itaanu (185,000). Abantu bwe baazuuka ku nkyo, baaja okulinga bati ng'abo boonaboona mirambo!

Yeremia 51:39

Nga bwe bali n'amairu, ndibategekera embaga, naabatamiiza baasangaala. Memale baaja baatenduka endoolo, aye baaloba kwiramu kuzuuka.

Yeremia 51:57

Nditamiiza abakungu baakyo, n'abantu baakyo abagezi, n'abafuzi baakyo, n'abaduumizi baakyo ab'amagye, n'abalwani baakyo ab'amaani. Balitenduka endoolo aye baaloba kwiramu kuzuuka. Nze Kyabazinga, Musengwa Afuga Amagye, ninze nkobye.

Ezekieli 39:20

Dhirityama okulya ekiiwulo kye nja okudhitegekera, dhaiguta embalaasi, n'abavuzi baadho, n'abalwani ab'amaani, era n'abaisirukale abandi boonaboona. Nze Musengwa Katonda ninze nkobye.”

Nahumu 1:6

Bw'asungughala ghazira abaagho nga mulamu, era ghazira aghanga kugumira busungu bwe obuli ng'oti muliro. Obusungu bwe obwo bwe butumbuka, ni bwe luba olubaale lumenhekamenheka, lwesa ng'oti nkungu.

Nahumu 2:13

Musengwa Katonda afuga amagye akoba ati: “Bona eno, buti nze nfuuse muzigu y'oli iwe Nineve, era nja kwokya ebigaali byo eby'omu lutalo, n'empologoma dho edho ento dhija kwitibwa n'empiima mu lutalo. Nja kukutoolaku ebyo byonabyona bye wanhaga ku bandi, era tekaaba biragiro bya bakwenda bo.”

Nahumu 3:18

Isebantu kyabazinga ow'e Assiria, abakungu bo bali mu ndoolo dhe bataja kuvaamu ebyanda n'ebyanda. Abantu bo basansaaniire mu nsozi era ghazira muntu wa kubasololeza ghalala.

Zekaria 12:4

Mu kiseera ekyo ndireetera embalaasi dhoonadhoona okutya einho, dhaagwamu akatambala, era naaleetera n'abavuzi baadho okugwa eiralu. Ndirabirira abantu b'omu Buyudaaya, aye naaleetera embalaasi edh'abazigu baibwe okutulughala.

1 Samueli 26:12

Kale Daudi yaatoola eifumo n'ekidoome eky'amaadhi ebyali gha mutwe gwa Saulo, baaja. Ghazira muntu waire omulala eyabona, oba eyamanha, waire okubaagho eyairaku engulu, kuba boonaboona Musengwa Katonda yabatendusa endoolo enhingi einho.